NEWS

The English version of this website is still under construction. This section is only available in Khmer language at this stage. We apologise for any inconvenience

Published on 30 June 2016 01:41 PM Post By ៖ Apsara National Authority
ភ្នំគូលែន ជាឧទ្យានជាតិមួយដែលបានបង្កើតនិងកំណត់ដោយព្រះរាជក្រឹត្យ ចុះថ្ងៃទី០១ ខែវិច្ឆិកា ឆ្នាំ១៩៩៣ ឈ្មោះថា ឧទ្យានជាតិព្រះជ័យវរ្ម័ន-នរោត្តម ភ្នំគូលែន មានផ្ទៃដីសរុប ៣៧.៣៧៣ហិកតា។ យោងតាមទិន្នន័យស្រាវជ្រាវផ្ទាល់និងទិន្នន័យ LiDAR បានសន្និដ្ឋានថា ភ្នំគូលែនជាទីក្រុងបុរាណមួយដែលមានបុរាណដ្ឋានរាប់រយគួរឱ្យកត់សម្គាល់។

អាជ្ញាធរអប្សរាមានភារកិច្ចគ្រប់គ្រង និងអភិរក្សបេតិកភណ្ឌនៅទូទាំងខេត្តសៀមរាប ទាំងមូល រួមទាំងបុរាណដ្ឋានដែលស្ថិតនៅក្នុងឧទ្យានជាតិភ្នំគូលែន ស្របតាមខ្លឹមសារនៃព្រះរាជក្រមលេខ នស/រកត/០១៩៦/២៦ ចុះថ្ងៃទី ២៥ ខែ មករា ឆ្នាំ ១៩៩៦ ដែលប្រកាសឲ្យប្រើច្បាប់ស្តីពីកិច្ចការពារបេតិកភណ្ឌវប្បធម៌។

លោកបណ្ឌិត ឈាន រដ្ឋា ប្រធានស្តីទីនាយកដ្ឋានអភិរក្សប្រាសាទក្រៅឧទ្យានអង្គរនៃអាជ្ញាធរជាតិអប្សរា បានធ្វើបទបង្ហាញនៅក្នុងសិក្ខាសាលាស្តីពី «ការអភិរក្សនិងបញ្ហាប្រឈមនៅភ្នំគូលែន» កាលពីថ្មីៗថា៖ អាជ្ញាធរជាតិអប្សរាបានចូលទៅគ្រប់គ្រងភ្នំគូលែនចាប់តាំងពីឆ្នាំ២០០៤ លើផ្នែកបុរាណដ្ឋាន។ តាមការស្រាវជ្រាវរបស់នាយកដ្ឋានអភិរក្សប្រាសាទក្រៅឧទ្យានអង្គរជាមួយមូលនិធិបុរាណវិទ្យាដើម្បីអភិវឌ្ឍន៍ (ADF) បូករួមនឹងទិន្នន័យកន្លងមក ឃើញថាមានបុរាណដ្ឋានចំនួន៨៦កន្លែង គឺមានប្រាសាទចំនួន២៩ ពើងចំនួន៣០ និងហេដ្ឋារចនាសម្ពន្ធបុរាណដទៃទៀតចំនួន២៧កន្លែង។

លោកបណ្ឌិត ឈាន រដ្ឋា បន្តទៀតថា ប៉ុន្តែចាប់ពីឆ្នាំ២០១២ បន្ទាប់ពីមានជំនួយបច្ចេកវិទ្យាទំនើប LiDAR ដើម្បីធ្វើការស្រាវជ្រាវលើផ្ទៃដីទំហំ៣២គីឡូម៉ែត្រការេមក និងក្រោយពីការចុះពិនិត្យជាក់ស្តែង បានរកឃើញបុរាណដ្ឋានចំនួន៣៤០កន្លែងបន្ថែមទៀតលើទិន្នន័យចាស់។ សរុបមក តាមទិន្នន័យមុននិងក្រោយមានបច្ចេកវិទ្យា LiDAR នាឆ្នាំ២០១២ គឺមានបុរាណដ្ឋានសរុបដល់ទៅ៤២៦បុរាណដ្ឋាន។ ដោយឡែកនៅឆ្នាំ២០១៥ បច្ចេកវិទ្យាដ៏ទំនើបមួយនេះ បានធ្វើការពង្រីកការងារស្រាវជ្រាវបន្ថែមលើផ្ទៃដីទំហំ៩០០គីឡូម៉ែត្រការេ បានរកចំនួនបុរាណដ្ឋានបន្ថែមទៀតគួរឱ្យកត់សម្គាល់ ប៉ុន្តែចំនួនពិតប្រាកដនឹងបញ្ជាក់បន្ទាប់ពីពេលក្រុមការងារចុះធ្វើការស្រាវជ្រាវដល់ទីតាំងផ្ទាល់។

កន្លងមក អាជ្ញាធរជាតិអប្សរាបានយកចិត្តទុកដាក់លើការងារអភិរក្សបុរាណដ្ឋាននៅក្នុងឧទ្យានជាតិមួយនេះយ៉ាងយកចិត្តទុកដាក់ដូចជា ទល់ទ្រចំណុចគ្រោះថ្នាក់ដល់ប្រាសាទបាន៥ប្រាសាទ ជួសជុលប្រាសាទអូរផ្អុងដំណាក់កាលទី១រួចរាល់ ដាក់បង្គោលនិងខែ្សរបាការពាររូបចម្លាក់លិង្គមួយពាន់ប្រវែង៥០០ម៉ែត្រ។ លើសពីនេះទៀត អាជ្ញាធរជាតិអប្សរាត្រឹមតែការពារបុរាណដ្ឋាន តែក៏បានរួមចំណែកក្នុងការការពារសុវត្ថិភាព បរិស្ថាន និងអនាម័យផងដែរ ដូចជា សាងសង់រោងឆ្មាំចំនួន១ខ្នង បង្គន់អនាម័យចំនួន២ខ្នង ដំាដើមឈើចំនួន ៥០០០ដើមនៅតំបន់ការពារប្រាសាទអ្នកតា និងកាត់សម្អាតកូនរុក្ខជាតិដែលដុះនៅលើប្រាសាទជាប្រចាំផងដែរ។

ក្រៅពីការងារអភិរក្សហើយ អាជ្ញាធរជាតិអប្សរាក៏បានសហការជាមួយមូលនិធិបុរាណវិទ្យាដើម្បីអភិវឌ្ឍន៍ (ADF) ស្រាវជ្រាវរុករកបុរាណដ្ឋានថ្មីៗឃើញចំនួនសរុប៤២៦បុរាណដ្ឋាន ធ្វើកំណាយស្រាវជ្រាវ និងបានកំណត់តំបន់ការពារបុរាណដ្ឋានបានចំនួន៥តំបន់រួចរាល់។ បន្ថែមពីនោះទៀត ក៏បានសហការជាមួយវិទ្យាស្ថានស្រាវជ្រាវអាស៊ីអាគ្នេយ៍របស់ប្រទេសសិង្ហបុរី ធ្វើកំណាយស្រាវជ្រាវនៅបន្ទាយគ្រូចារ្យនិងសីមាពាមគ្រែផងដែរ៕
















នៅព្រឹកថ្ងៃទី១២ ខែសីហា ឆ្នាំ២០២០ នៅស្នាក់ការអាជ្ញាធរជាតិអប្សរា បានរៀបចំសិក្ខាសាលាផ្ទៃក្នុងស្ដីពី «ប្រព័ន្ធគ្រប់គ្រងបរិស្ថានអង្គរ»។ សិក្ខាសាលានេះមានគោលបំណងផ្សព្វផ្សាយសៀវភៅប្រើប្រាស់ប្រព័ន្ធគ្រប់គ្រងបរិស្ថាន-អង្គរ ស្វែងយល់ និងចូលរួមការពារបរិស្ថានក្នុងតំបន់អង្គរ។
នាព្រឹកថ្ងៃទី១២ ខែសីហា ឆ្នាំ២០២០ ឯកឧត្តម ហង់ ពៅ អគ្គនាយកអាជ្ញាធរជាតិអប្សរា បានដឹកនាំកិច្ចប្រជុំជាមួយភ្នាក់ងារទេសចរណ៍នៃនាយកដ្ឋានអភិវឌ្ឍន៍ទេសចរណ៍អង្គរ ដើម្បីពិនិត្យមើលការវិវត្តនៃការងារទូទៅ ក៏ដូចជាស្វែងយល់ពីផលលំបាកនិងបញ្ហាប្រឈមនានាដែលក្រុមការងារភ្នាក់ងារទេសចរណ៍តែងជួបប្រទះជាប្រចាំ។
ក្នុងគោលបំណងស្ដារគម្របព្រៃឈើក្នុងតំបន់ការពាររមណីយដ្ឋានបេតិកភណ្ឌពិភពលោកអង្គរឲ្យកាន់តែច្រើនឡើង និងបំផុសស្មារតីឲ្យមានការចូលរួមរបស់ប្រជាពលរដ្ឋអំពីកិច្ចការបរិស្ថាន។ ក្នុងន័យនេះ ចាប់ពីខែមិថុនាមកដល់បច្ចុប្បន្ន គឺមានរយៈពេលជាង២ខែមកហើយដែលអាជ្ញាធរជាតិអប្សរា បានចែកកូនឈើជាង៧ម៉ឺនដើមដល់អង្គភាពរដ្ឋ អង្គការ សហគមន៍ សាលារៀន វត្តអារាម វិស័យឯកជន និងសាធារណជនទូទៅដែលបានដាក់ពាក្យស្នើសុំយកទៅដាំនៅតាមតំបន់ផ្សេងៗទាំងក្នុងខេត្តសៀមរាប និងខេត្តមួយចំនួនក្នុងប្រទេសកម្ពុជា។
អាជ្ញាធរជាតិអប្សរា បានបន្តចែកជូនកូនឈើដល់សាធារណជនជិតឆ្ងាយ ដើម្បីយកទៅដាំក្នុងបំណងបង្កើនគម្របព្រៃឈើឡើងវិញនៅក្នុងប្រទេសកម្ពុជា។ នៅថ្ងៃទី៧ និងទី៨ ខែសីហា ឆ្នាំ២០២០ កូនឈើចំនួន ៤,៦២០ដើមទៀត បានចែកជូនដល់សាធារណជនក្នុងខេត្តសៀមរាប ខេត្តបន្ទាយមានជ័យ និងខេត្តតាកែវ។
សេចក្ដីគោរពជូនសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា
ក្នុងឱកាសដ៏សែនមហានក្ខត្តឫក្សថ្លៃថ្លានៃខួបកំណើតគម្រប់ ៦៨ឆ្នាំ ឈានចូល៦៩ឆ្នាំ នាថ្ងៃទី ០៥ ខែសីហា ឆ្នាំ២០២០នេះ តាងនាមថ្នាក់ដឹកនាំ និងមន្ត្រីរាជការគ្រប់លំដាប់ថ្នាក់នៃអាជ្ញាធរជាតិអប្សរា និងក្នុងនាមខ្ញុំផ្ទាល់ ខ្ញុំបាទសូមសម្ដែងនូវមនោសញ្ចេតនារីករាយឥតឧបមា និងសេចក្ដីគោរពស្រលាញ់ដ៏ជ្រាលជ្រៅបំផុត ព្រមទាំងសូមគោរពជូនពរ បវរមហាប្រសើរជូន សម្ដេចតេជោនាយករដ្ឋមន្ត្រី ជាទីគោរពដ៏ខ្ពង់ខ្ពស់ សូមមានជន្មាយុយឺនយូរមានសុខុមាលភាពល្អបរិបូរណ៍ បញ្ញាញាណភ្លឺថ្លា ដើម្បីដឹកនាំរាជរដ្ឋាភិបាល និងប្រទេសជាតិទទួលជោគជ័យដ៏ត្រចះត្រចង់ថ្មីៗថែមទៀត ជាពិសេសវឌ្ឍនភាព និងកិត្យានុភាពល្បីរន្ទឺលើឆាកអន្តរជាតិ
FirstPrev12345...337338NextLast

Speech of H. E. Ms. Phoeurng Sackona, President of APSARA National Authority

Weather Forecast

Angkor Code of Conduct

Angkor Code of Conduct's Video

Website Visitors

Now Online
:
8
Today
:
1119
Yesterday
:
6412
This Week
:
19260
This Month
:
0246124
Total
:
012071755