NEWS

The English version of this website is still under construction. This section is only available in Khmer language at this stage. We apologise for any inconvenience

Published on 26 June 2016 05:56 PM Post By ៖ Apsara National Authority

ក្រោមកិច្ចសហការនៃអ្នកជំនាញជប៉ុនតាមរយៈវិទ្យាស្ថានវិទ្យាសាស្ត្រ ឧស្សាហកម្ម នៃសាកលវិទ្យាល័យតូក្យូ អាជ្ញាធរជាតិអប្សរាបានអនុវត្តគម្រោងថតរចនាសម្ព័ន្ធ និងចម្លាក់ក្រឡោតទាបទាំងអស់នៅប្រាសាទអង្គរវត្ត ដោយប្រើម៉ាស៊ីន 3D laser sensor ដែលអាចផ្តល់រូបភាព 3D ដែលមានភាពសុក្រឹតកម្រិតមីល្លីម៉ែត្រ។ ទិន្នន័យនេះទុកជាឯកសារនឹងយកទៅប្រើក្នុងការងារអភិរក្ស ជួសជុល និងវិភាគលើចម្លាក់ក្រឡោតទាបបានជាច្រើនយ៉ាង។

អនុប្រធានមជ្ឈមណ្ឌលអន្តរជាតិស្រាវជ្រាវ និងតម្កល់ឯកសារអង្គរនៃអាជ្ញាធរជាតិអប្សរា លោក ទិន ទីណា បានបញ្ជាក់នៅព្រឹកថ្ងៃទី២០ ខែមិថុនា ឆ្នាំ២០១៦នេះថា “ចម្លាក់ក្រឡោតទាបនៃប្រាសាទអង្គរវត្ត ជាសម្បត្តិបេតិកភណ្ឌវប្បធម៌ដ៏មានតម្លៃលើសលប់នៅព្រះរាជាណាចក្រកម្ពុជា។ តែជាអកុសល ការខូចខាតនៃចម្លាក់នេះកាន់តែមានច្រើនឡើងៗ ពីមួយថ្ងៃទៅមួយថ្ងៃដោយសារអាយុកាល។ ដូច្នេះយើងត្រូវថតរចនាសម្ព័ន្ធប្រាសាទអង្គរវត្ត រួមទាំងចម្លាក់ក្រឡោតទាបជា digital archival ដោយប្រើ 3D laser sensor ជាឯកសារតម្កល់ទុកសម្រាប់ការងារអភិរក្សព្រោះអាចឲ្យយើងផ្ទៀងផ្ទាត់ឡើងវិញថាតើវាមានការប្រែប្រួលយ៉ាងណាខ្លះ ហើយវាងាយស្រួលដល់ការងារជួសជុលផងបើវាខូចខាតដោយប្រការណាមួយ ព្រោះយើងមានរូបថតនៅសល់។ ម្យ៉ាងទៀត ឯកសារនេះនឹងបានជាតឹកតាងមួយសំខាន់ណាស់ ដើម្បីដឹងថា តើចម្លាក់មួយណា សឹករិចរិល ខូចខាតនៅពេលណា”

លោក ទីណា បន្ថែមថា ការរៀបចំថតរូបទុកជាឯកសារដោយសន្លឹករូបថតធម្មតាក៏បាន តែត្រូវចំណាយយូរណាស់ ទម្រាំបានរួចរាល់។ ដូច្នេះហើយ ទើបអាជ្ញាធរជាតិអប្សរាបានសហការជាមួយសាកលវិទ្យាល័យតូក្យូ ដើម្បីប្រើប្រាស់ម៉ាស៊ីន3D laser sensor ក្នុងការថត ព្រោះវាមានបច្ចេកវិទ្យាទំនើប អាចធ្វើការងារបានលឿននិងភាពល្អៀងតិចតួចបំផុត។ កិច្ចសហការនេះបានធ្វើឡើងតាំងពីឆ្នាំ២០១២មកម្ល៉េះ ហើយការងារនេះកំពុងដំណើរការនៅឡើយ ដោយគ្រោងនឹងបញ្ចប់ក្នុងពេលឆាប់ៗខាងមុខនេះ ព្រោះនៅសល់តែពីរផ្ទាំងទៀតប៉ុណ្ណោះ។

ទោះជាត្រូវបញ្ចប់ការថតរូបក្តី តែលោកទីណា បន្ថែមថា ការងារនេះនឹងមិនងាយបញ្ចប់ភ្លាមៗដែរ ព្រោះត្រូវធ្វើរបាយការណ៍ដែលមានលក្ខណៈវិទ្យាសាស្ត្រលម្អិតអំពីរូបភាពទាំងនោះវែងឆ្ងាយទៀត។ ប៉ុន្តែ ដោយឆ្លងកាត់ការធ្វើការជាមួយអ្នកជំនាញជប៉ុនមួយរយៈកន្លងមកនេះ អ្នកជំនាញខែ្មរអាចធ្វើការងារនេះបានដោយខ្លួនឯងជាបណ្តើរៗហើយ។ លោកសង្ឃឹមថា បទពិសោធន៍នេះនឹងអាចប្រើប្រាស់សម្រាប់ការងារដូចគ្នានៅក្នុងប្រាសាទដទៃទៀត នៃរមណីយដ្ឋានអង្គរទាំងមូល។

ដោយរៀបរាប់អំពីគម្រោងនៅប្រាសាទផ្សេងៗទៀតលោកទីណាបញ្ជាក់ថា “យើងបានព្យាយាមចាប់ដៃគូសហការជាមួយបណ្តាប្រទេសផ្សេងៗទៀត ដើម្បីធ្វើការងារនេះ។ ជាក់ស្តែង ថ្មីៗនេះយើងបានចុះអនុស្សរណៈមួយជាមួយសាកលវិទ្យាល័យបច្ចេកវិទ្យា QUEENSLAND នៃប្រទេសអូស្រ្តាលីទាក់ទងនឹងគម្រោងសហការដើម្បីរៀបចំចងក្រងឯកសារប្រាសាទចៅស្រីវិបុល"។ គម្រោងនេះតម្រូវឲ្យមានការស្រាវជ្រាវជារៀងរាល់ឆ្នាំ ដោយ ផ្តោតលើការចុះពិនិត្យដល់ទីកន្លែង ការវាស់វែង ការថតរូប និងស្កែនរូបភាពនៅប្រាសាទចៅស្រីវិបុល។ ដោយឡែកនៅពេលឆាប់ខាងមុខនេះ អាជ្ញាធរអប្សរានិងវិទ្យាស្ថាន Guangzhou Urban Planning Design & Survey Research Institute នៃសាធារណៈរដ្ឋប្រជាមានិតចិននឹងរៀបចំការស្រាវជ្រាវរួមគ្នាលើគម្រោង Digital Angkor Thom ដោយប្រើប្រាស់នូវ 3D Laser Scanning , UAV aero photographic, virtual reality ដើម្បីចងក្រង ឯកសារ Digital និងសម្រាប់ការពណ៌នាលម្អិត ការវិភាគវិទ្យាសាស្រ្ត និងការបង្ហាញរូបភាពនៃក្រុងអង្គរធំ៕












១៖ម្ចាស់ភោជនីយដ្ឋាន «ផ្ទះបាយតានីខ្មែរអង្គរ» ស្ម័គ្រចិត្តរុះរើសំណង់ប្រគល់ទីតាំងជូនអាជ្ញាធរជាតិអប្សរា អភិវឌ្ឍន៍ហេដ្ឋារចនាសម្ពន្ធនិងសម្បទាទេសចរណ៍ជាលើកទី២
នៅថ្ងៃទី២៧ ខែឧសភា ឆ្នាំ២០២០នេះ ម្ចាស់ភោជនីយដ្ឋាន «ផ្ទះបាយតានីខ្មែរអង្គរ» បានស្ម័គ្រចិត្តរុះរើសំណង់ភោជនីយដ្ឋានចំនួនមួយខ្នងបន្ថែមទៀត ដែលជាអតីតភោជនីយដ្ឋាន «ភ្នំស្រី» ដើម្បីសម្រួលដល់ការសាងសង់ទីលានបដិសណ្ឋារកិច្ចមុខប្រាសាទអង្គរវត្ត។
នៅព្រឹកថ្ងៃទី៣០​ ខែឧសភា​ ឆ្នាំ២០២០​នេះ​ អ្នកស្រី​ ទី​ កូឡាប​ ដែលជាអាជីវករនៅមុខប្រាសាទអង្គរ​វត្ត បានស្ម័គ្រចិត្ត​រុះរេីភោជនីយដ្ឋានរបស់ខ្លួននៅមុខប្រាសាទអង្គរវត្ត ប្រគល់ទីតាំងជូនអាជ្ញាធរជាតិអប្សរា​ ដេីម្បីបន្តដាំដេីមឈេីប្រណិត​ រៀបចំសួនច្បារ​ និងសាងសង់កន្លែងបដិសណ្ឋារកិច្ច​និងសេវាកម្មទេសចរណ៍​កម្រិតអន្តរជាតិ​ ដែលមានបរិស្ថាន​ស្អាត និងសណ្តាប់ធ្នាប់របៀបរៀបរយ​ល្អ​។
កាលពីថ្ងៃទី២៦ ខែឧសភា ឆ្នាំ២០២០ មជ្ឈមណ្ឌលបណ្តុះបណ្តាលអង្គរនៃអាជ្ញាធរជាតិអប្សរា បានរៀបចំវគ្គបណ្តុះបណ្តាលស្តីពី “ការរៀបចំដីធ្លី និងគ្រប់គ្រងលំនៅដ្ឋានក្នុងឧទ្យានអង្គរ” ជូនមន្ត្រី-បុគ្គលិកអាជ្ញាធរជាតិអប្សរា ចំនួន១០០នាក់ ។
នៅរសៀលថ្ងៃពុធ៦កើត ខែជេស្ឋ ឆ្នាំជូតទោស័ក ព.ស.២៥៦៤ ត្រូវនឹងថ្ងៃទី២៧ ខែឧសភា ឆ្នាំ ២០២០ ព្រះសុមង្គល សិលាចារ្យ អាភាករោ ជុំ គឹមឡេង ព្រះមេគណ ខេត្ត សៀមរាប និងជាព្រះប្រធានក្រុមប្រឹក្សាកិច្ចការវត្តអារាម រួមនឹងសមាជិក បាននិមន្ដចុះទៅដល់វត្តទេពប្រណម ដែលមានទីតាំងនៅក្នុង បរិវេណ ក្រុងអង្គធំ ដេីម្បី ពិនិត្យ នូវការរៀបចំសាងសង់ ខឿនជុំវិញព្រះវិហារ និងសំណង់ មួយចំនួនទៀត ដែលកំពុងសាងសង់ដោយគ្មានការអនុញ្ញាត។
នេះជាលើកទី២ហើយដែលម្ចាស់ភោជនីយដ្ឋាន «ផ្ទះបាយតានីខ្មែរអង្គរ» បានស្ម័គ្រចិត្តរុះរើសំណង់ភោជនីយដ្ឋានចំនួនមួយខ្នងបន្ថែមទៀត ដែលជាអតីតភោជនីយដ្ឋាន «ភ្នំស្រី» ដើម្បីសម្រួលដល់ការសាងសង់ទីលានបដិសណ្ឋារកិច្ចមុខប្រាសាទអង្គរវត្ត នៅថ្ងៃទី២៧ ខែឧសភា ឆ្នាំ២០២០នេះ។
FirstPrev12345...318319NextLast

Speech of H. E. Ms. Phoeurng Sackona, President of APSARA National Authority

Weather Forecast

Angkor Code of Conduct

Angkor Code of Conduct's Video

Website Visitors

Now Online
:
7
Today
:
15916
Yesterday
:
17666
This Week
:
106128
This Month
:
0254236
Total
:
010934889