NEWS

The English version of this website is still under construction. This section is only available in Khmer language at this stage. We apologise for any inconvenience

Published on 24 June 2016 02:24 PM Post By ៖ Apsara National Authority
អ្នកជំនាញនៃអាជ្ញាធរជាតិអប្សរាកំពុងរៀបចំផែនទីមួយ ដែលបង្ហាញនូវស្ថានភាពគ្រោះថ្នាក់នៅតាមប្រាសាទ និងតាមរចនាសម្ព័ន្ធបុរាណដ្ឋាននានា ក្នុងគោលដៅធ្វើយ៉ាងណារកឲ្យឃើញថា តើចំណុចណាមួយដែលកំពុងមានគ្រោះថ្នាក់ខ្លាំង មធ្យម ឬតិចតួច។ ផែនទីនេះមានឈ្មោះថា ផែនទីហានិភ័យ (Risk Map) ជាផែនទីចាត់ចំណាត់ថ្នាក់គ្រោះថ្នាក់ ងាយស្រួលឲ្យសម្រាប់អ្នកអភិរក្សងាយកំណត់ថា តើចំណុចគ្រោះថ្នាក់ណាគួរសង្គ្រោះបន្ទាន់ ហើយចំណុចណាដែលអាចទុកជួសជុលនៅពេលក្រោយ។

ក្នុងបទបង្ហាញទៅកាន់គណៈកម្មាធិការអាយស៊ីស៊ី-អង្គរ កាលពីថ្ងៃទី២២ ខែមិថុនាឆ្នាំ២០១៦នេះ ឯកឧត្តម ហង់ ពៅ អគ្គនាយករង ទទួលបន្ទុកនាយកដ្ឋានគ្រប់គ្រងទឹកនៃអាជ្ញាធរជាតិអប្សរាបានលើកឡើងថា នៅតំបន់អង្គរមានប្រាង្គប្រាសាទធំៗជាច្រើន ដែលរងគ្រោះថ្នាក់ទ្រុឌទ្រោមដោយសារកត្តាផ្សេងៗ មានអាយុកាលនៃការសាងសង់យូរ មានសង្រ្គាមស៊ីវិល អាកាសធាតុ ប្រជាពលរដ្ឋនិងកំណើនភ្ញៀវទេសចរជាដើម។ នៅឆ្នាំ២០១២ យើងបានបង្កើតគម្រោងហានិភ័យ នៃបេតិកភណ្ឌដែលមានគោលដៅ សិក្សាពីហានិភ័យនៃប្រាង្គប្រាសាទ អាកាសធាតុ ប្រព័ន្ធធារាសាស្រ្ត ប្រជាពលរដ្ឋ និងភ្ញៀវទេសចរព្រោះកត្តាទាំងអស់នេះវាជាចង្កោមមួយមានទំនាក់ទំនងគ្នាទាំងអស់។

“ឧទាហរណ៍ថា បើមានដើមឈើមួយដួលឬទ្រេត តើដើមឈើហ្នឹងវាមានទីតាំងនៅកន្លែងណា?។ អញ្ចឹង អ្នកជំនាញអាចប្រាប់ថា ដើមឈើនេះនៅខាងក្នុងវាមានលក្ខណៈមិនល្អ វាពុក ហើយក្នុងករណីធម្មតាដើមឈើ វាមិនដួលឬទ្រេតទេ វាអាចនៅរស់បាន ប៉ុន្តែបើចៃដន្យមានខ្យល់បក់បោកខ្លាំងឬមានទឹកហូរបុកខ្លាំង វាធ្វើឲ្យដើមឈើដួលទៅទិសណា ហើយវាប៉ះពាល់ទៅដល់អ្វីខ្លះ?។ ផែនទីហានិភ័យនេះធ្វើឲ្យយើងដឹងមុនថាបើបញ្ហាកើតឡើងវាចេញទៅបញ្ហាអ្វី?”

ឯកឧត្តមបានបញ្ជាក់ថា នៅពេលដែលយើងដឹងថាវាអាចប្រឈមនឹងគ្រោះថ្នាក់ធ្ងន់ យើងនឹងចាប់ផ្តើមដកចេញមុន ឬជួសជុលមុននឹងបញ្ហាកើតឡើង។ ដូច្នេះបានជាយើងធ្វើផែនទីក្នុងតំបន់អង្គរទាំងមូល ជាពិសេស ឥឡូវនេះ យើងបានធ្វើផែនទីទាក់ទងនឹងអង្គរធំជុំវិញកំផែងមាន១២គីឡូម៉ែត្រដោយដាក់ជាពណ៌ដើម្បីបង្ហាញ ឲ្យអ្នកគ្រប់គ្រងតំបន់រមណីយដ្ឋានអង្គររបស់យើងដឹងថា នៅកន្លែងនេះពណ៌ក្រហមគ្រោះថ្នាក់ខ្លាំង ពណ៌ខៀវគ្រោះថ្នាក់មធ្យមនិងពណ៌ទឹកក្រូចត្រូវមានការប្រុងប្រយ័ត្នយកចិត្តទុកដាក់។ តាមរយៈផែនទីនេះ អាជា្ញធរជាតិអប្សរាអាចធ្វើការសម្រេចចិត្តថាតើយើងគួរតែជួសជុលឬក៏ធ្វើអ្វីមុន?។

ឯកឧត្តមបានបន្តថា បច្ចុប្បន្ន ក្រុមការងារកំពុងបង្កើតប្រព័ន្ធមួយឲ្យឈ្មោះថា GIS វាជាប្រព័ន្ធមួយទាក់ទងនឹងភូមិសាស្រ្តដែលអនុញ្ញាតឲ្យយើងអាចគណនា ដោយគ្រាន់តែអ្នកជំនាញ បញ្ចូលទិន្នន័យទៅ ប្រព័ន្ធGISនេះអាចគណនាប្រាប់យើងថា នេះជាហានិភ័យដែលនឹងមកដល់បើសិនជាក្នុងករណីមានប្រជាពលរដ្ឋឬភ្ញៀវទេសចរទៅកន្លែងនោះ។ ការធ្វើនេះ យើងត្រូវការអ្នកជំនាញគ្រប់ផ្នែកទាំងអស់ប្រមូលនិងបញ្ចូលទិន្នន័យទៅប្រព័ន្ធ GIS ដើម្បីគណនាហានិភ័យ ដែលវានឹងកើតមានឡើងបើសិនជាយើងមិនព្រមទប់ស្កាត់មុនទេ។

ឯកឧត្តមបានបញ្ជាក់ថា បន្ទាប់ពីបង្កើតផែនតិហានិភ័យបានជោគជ័យហើយ ក្រុមការងារនឹងបង្កើតផែនទីមួយទៀតឈ្មោះថាផែនទីអាទិភាព។ ផែនទីអាទិភាពនេះគឺយោងទៅលើផែនទីហានិភ័យ នៅពេលផែនទីហានិភ័យធ្វើបានទាំងអស់ហើយ។ ផែនទីអាទិភាពនេះជាផែនទីមួយសម្រាប់អ្នកដឹកនាំ សម្រេចថាគួរធ្វើអ្វីមុននិងគួរធ្វើអ្វីក្រោយទៅតាមស្ថានភាពជាក់ស្តែង៕














ឆ្លងផុតរដូវវស្សាឆ្នាំនេះហើយ ការជួសជុលសារមន្ទីរព្រះនរោត្តមសីហនុអង្គរ ដែលធ្វើឡើងដោយកិច្ចសហការរវាងអាជ្ញាធរជាតិអប្សរា និងមូលនិធិក្លឹប១%នៃក្រុមហ៊ុនអ៊ីងអុង(AEON) របស់ប្រទេសជប៉ុននឹងដំណើរការហើយ។ មុននឹងឈានដល់ដំណាក់កាលជួសជុលនេះ នាយកប្រតិបត្តិនៃក្រុមហ៊ុនអ៊ីអុង លោក Keiichi Tadaki បានចំណាយពេលមួយព្រឹក នាថ្ងៃទី១២ ខែឧសភា ឆ្នាំ២០១៦នេះ ដើម្បីចូលទស្សនាសារមន្ទីរព្រះនរោត្តមសីហនុអង្គរ។ ទទួលដំណើរទស្សនារបស់លោកនាយកប្រតិបត្តិនៅពេលនេះមាន ឯកឧត្តម ឈរ ថាណាត អគ្គនាយករងនៃអាជ្ញាធរជាតិអប្សរា លោក និន ចាន់សាមៀន ប្រធាននាយកដ្ឋានគ្រប់គ្រងព្រៃឈើ ទេសភាពវប្បធម៌ និងបរិស្ថាន លោក យិត ចាន់ដារដ្ឋ ប្រធានស្តីទីនៃនាយកដ្ឋានអភិវឌ្ឍន៍វប្បធម៌ សារមន្ទីរ និងបទដ្ឋានបេតិកភណ្ឌ និងមន្ត្រីមួយចំនួនទៀតនៃអាជ្ញាធរជាតិអប្សរា។
“ខ្ញុំមិនបានធ្វើរូបចម្លាក់ ឬវត្ថុអនុស្សាវរីយ៍ដែលអ្នកភូមិភាគច្រើនគេនិយមធ្វើនោះទេ។ ខ្ញុំតែងច្នៃប្រឌិតជារូបចម្លាក់ផ្សេងៗ ប្លែកៗខុសពីអ្នកដទៃ ទើបម៉ូយមកទិញរបស់ខ្ញុំជាហូរហែមិនសូវដាច់។ ជួនកាលខ្ញុំទៅឃើញចម្លាក់ ស្អាតៗគេតាំងលក់នៅតាមហាងធំៗ ខ្ញុំ​មកផ្ទះវិញក៏យកទម្រង់នោះមកច្នៃបន្ថែមចេញជារូបចម្លាក់ផ្សេងមួយទៀត”។ ទាំងនេះជាប្រសាសន៍រៀបរាប់របស់លោកពូ តាន់ សុខុន នៅភូមិរហាល សង្កាត់នគរធំ ដែលជាភូមិបុរាណមួយ នៅជាប់នឹងស្រះស្រង់នៃរមណីយដ្ឋានអង្គរ នាព្រឹកថ្ងៃទី៨ ខែមិថុនា ឆ្នាំ២០១៦នេះ។
នៅពេលដែលមានមនុស្សឈឺរ៉ាំរ៉ៃ ជាពិសេស ទាក់ទិននឹងជំងឺរបស់មនុស្សចាស់ ដែលគ្រប់គ្នាយល់ថា វាជារឿងធម្មជាតិរបស់មនុស្សមិនអាចជៀសផុត ដូនតាខ្មែរតែងមានកិច្ចពិធីមួយចំនួនទៀត ដើម្បីជួយអបស្ទបជីវិតរបស់ពួកគាត់។ ពិធីនោះសោតមានតូចមានធំ ទៅតាមលទ្ធភាពជាក់ស្តែងរបស់ក្រុមគ្រួសារនៃអ្នកជំងឺ។ គោលបំណងសំខាន់នៃពិធីគឺដើម្បីរំដោះកម្មពៀរ ឬថា ផ្តាច់កម្មពៀរផ្សេងៗ ហើយអាចជួយទ្រទ្រង់អាយុជីវិតរបស់អ្នកជំងឺនោះឲ្យបានយូរតទៅទៀត។
វិស័យទេសចរណ៍ពិតជាកាតាលីករ ដ៏មានសក្តានុពលក្នុងការជួយចូលរួមចំណែកអភិវឌ្ឍប្រទេសជាតិឲ្យមានវឌ្ឍនភាពប្រាកដ។ ក្រោយពីសង្រ្គាមបានបញ្ចប់ទៅក្រោមគោលនយោបាយ យុទ្ធសាស្រ្តឈ្នះ ឈ្នះរបស់រាជរដ្ឋាភិបាល ដែលដឹកនាំដោយសម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជាសព្វថ្ងៃនេះ ប្រទេសជាតិមានសុខសន្តិភាពពេញលេញធ្វើឲ្យពិភពលោកស្គាល់ប្រទេសកម្ពុជាកាន់តែច្បាស់ ហើយប្រាសាទបុរាណជាច្រើននៃតំបន់រមណីយដ្ឋានអង្គរក្លាយជាគោលដៅទេសចរណ៍ដែលមានការទាក់ទាញខ្ពស់បំផុតលើពិភពលោក។
ដោយមើលឃើញពីអត្ថប្រយោជន៍ដ៏ច្រើនលើសលុបចំពោះសុខភាពមនុស្សគ្រប់គ្នាពីការហាត់យោហ្កា អង្គការសហប្រជាជាតិបានកំណត់ថ្ងៃទី២១ ខែមិថុនា ជាទិវាអន្តរជាតិស្តីពីយោហ្កា (International Day of Yoga) ដែលតែងតែប្រារព្ធធ្វើឡើងជារៀងរាល់ឆ្នាំនៅតាមបណ្តាប្រទេសជាច្រើននៅលើពិភពលោក ដើម្បីផ្សព្វផ្សាយអំពីការហាត់សមាធិទាំងផ្លូវកាយ ផ្លូវចិត្តសម្រួលចលនាសាច់ដុំ និងចង្វាក់សរសៃឈាមឱ្យរត់ស្រួលសម្រាប់សុខភាពរាងកាយរបស់យើងគ្រប់គ្នា។

Speech of H. E. Ms. Phoeurng Sackona, President of APSARA National Authority

Weather Forecast

Angkor Code of Conduct

Angkor Code of Conduct's Video

Website Visitors

Now Online
:
5
Today
:
1147
Yesterday
:
9096
This Week
:
50898
This Month
:
0145577
Total
:
012915009