ព័ត៌មានថ្មីៗ

ទិវាយោគៈអន្តរជាតិត្រូវបានរៀបចំឡើងលើទឹកដីអង្គរជាលើកទី២

បានផ្សាយនៅ ថ្ងៃទី 18 ខែ មិថុនា ឆ្នាំ2016 11:36 AM ដោយ ៖ អាជ្ញាធរជាតិអប្សរា

របៀបហាត់ប្រាណបែបសមាធិ ដែលហៅថា យោគៈ (YOGA) មានប្រភពដើមមកពីឥណ្ឌាហើយត្រូវបានផ្សព្វផ្សាយទូទាំងពិភពលោក។ យោគៈ បានទាក់ទាញការចូលរួមពីមនុស្សម្នាជាច្រើន ដោយហេតុថា វាជាវិធីមួយដែលអាចជួយសម្រួលស្មារតី គ្រប់គ្រងអារម្មណ៍ និងនាំមកនូវសុខភាពទៀតផង។

នៅព្រឹកថ្ងៃទី១៨ ខែមិថុនា ឆ្នាំ២០១៦នេះ ព្រឹត្ដិការណ៍អន្ដរជាតិនេះ ត្រូវបានរៀបចំឡើងនៅមុខផ្លូវចូលប្រាសាទអង្គរវត្ត ដោយក្រសួងទេសចរណ៍កម្ពុជា សហការជាមួយស្ថានទូតនៃប្រទេសឥណ្ឌានៅកម្ពុជា សហភាពសហព័ន្ធយុវជនកម្ពុជា អាជា្ញធរជាតិអប្សរា សាលាខេត្តសៀមរាប និងស្ថាប័នពាក់ព័ន្ធមួយចំនួនទៀត។ ពិធីព្រឹកមិញនេះមានអ្នកចូលរួមប្រហែលជាង១ពាន់នាក់។

តាមសេចក្តីអធិប្បាយរបស់គ្រូបង្ហាត់យោគៈជនជាតិឥណ្ឌាបញ្ជាក់ថា យោគៈ គឺជាការអនុវត្ត កាយ វិញ្ញាណ បែបបុរាណដែលជាប់ពាក់ព័ន្ធទៅនឹងការធ្វើសមាធិ និងការផ្តោតទៅលើចលនានៃការដកដង្ហើមចេញនិងចូល ដែលមានដើមកំណើតនៅក្នុងប្រទេសឥណ្ឌាហើយ ការអនុវត្តលំហាត់ប្រាណបែបនេះមានអាយុកាលរាប់ពាន់ឆ្នាំមកហើយ។

មន្ត្រីទំនាក់ទំនងនៃស្ថានទូតឥណ្ឌាប្រចាំកម្ពុជា លោក SUDHIR GOSWAMI បញ្ជាក់ថា តាមពិតទៅទិវាយោគៈអន្តរជាតិ ត្រូវបានកំណត់ជាផ្លូវការគឺនៅថ្ងៃទី២១ ខែមិថុនា រៀងរាល់ឆ្នាំ តែដោយសារឆ្នាំនេះពេលវេលាមិនអំណោយផល ទើបទិវាយោគៈអន្តរជាតិនៅលើទឹកអង្គរសៀមរាប ត្រូវរៀបចំឡើងនៅថ្ងៃទី១៨ ខែមិថុនាវិញ។

ឯកឧត្តម សុខ សង្វារ អគ្គនាយករងនៃអាជ្ញាធរជាតិអប្សរា ដែលបានអញ្ជើញចូលរួមក្នុងព្រឹត្តិការនាព្រឹកមិញនេះ បានលើកឡើងថា យោគៈជាវិធីហាត់សមាធិដ៏ល្អមួយ ដែលធ្វើឱ្យមានតុល្យភាពផ្លូវចិត្តនិងផ្លូវកាយ។

តាមការស្រាវជ្រាវពីអ្នកជំនាញបុរាណវិទ្យានៃអាជ្ញាធរជាតិអប្សរាបានបង្ហាញថា យោគៈ និងប្រាសាទអង្គរមានទំនាក់ទំនងគ្នាច្បាស់លាស់ ដូចជារូបចម្លាក់នៅប្រាសាទបន្ទាយស្រី និងតាមរយៈសិលាចារឹកនិយាយថានៅសតវត្សទី១០ មានព្រះរាជគ្រូបានដឹកនាំធ្វើយោគៈនៅតំបន់អង្គរផងដែរ។ មិនតែប៉ុណ្ណោះ ក្រៅពីនាំមកនូវសុខភាពផ្លូវកាយផ្លូវចិត្ត របៀបហាត់ប្រាណបែបយោគៈ ដែលប្រារព្ធឡើងនៅលើទឹកដីអង្គរសៀមរាបនេះគឺជាផ្នែកមួយដែលជួយទាក់ទាញភ្ញៀវទេសចរណ៍អន្តរជាតិមកកាន់កម្ពុជាជាបន្តទៀត៕
















“ប្រទេសជប៉ុនបានរីកចម្រើនដល់ដំណាក់កាលមួយ ដែលគេលែងចង់ប្រើបច្ចេកទេសបុរាណក្នុងការជួសជុលសំណង់បុរាណ តែកម្ពុជានៅរក្សាបាន ដោយអាជ្ញាធរជាតិអប្សរានៅតែបន្តអនុវត្តការជួសជុលសំណង់ប្រាសាទ និងរចនាសម្ព័ន្ធផ្សេងៗតាមរយៈបច្ចេទេសបុរាណ”។ នេះជាប្រសាសន៍លើកឡើងរបស់លោក OKAZAKI SEIJI អ្នកជំនាញដាប់ថ្មរបស់ជប៉ុននាព្រឹកថ្ងៃទី៥ ខែឧសភា ឆ្នាំ២០១៦ នៅមុខប្រាសាទអង្គរវត្ត ជាទីដែលលោកកំពុងតែងបណ្តុះបណ្តាលកម្មករខ្មែរអំពីវិធីដាប់ថ្មជួសជុលប្រាសាទ។
នៅឆ្នាំ១៩៨៩ ព្រះករុណាព្រះបាទសម្តេចព្រះនរោត្តម សីហនុ ក្នុងព្រះឋានៈជាព្រះប្រធាននៃក្រុមប្រឹក្សាជាតិជាន់ខ្ពស់នៃកម្ពុជា ទ្រង់បានអំពាវនាវដល់សហគមន៍អន្តរជាតិ ជាពិសេសអង្គការយូណេស្កូ ឲ្យជួយការពារនិងស្រោចស្រង់រមណីយដ្ឋានអង្គរជាបន្ទាន់។ តបតាមការអំពាវនាវនេះ គណៈកម្មាធិការបេតិកភណ្ឌពិភពលោកនៃអង្គការយូណេស្កូ បានសម្រេចចុះបញ្ជីរមណីយដ្ឋានអង្គរ ជាសម្បត្តិបេតិកភណ្ឌពិភពលោក នៅថ្ងៃទី១៤ ខែធ្នូ ឆ្នាំ១៩៩២។
គម្រោងបិទចរាចរណ៍ផ្លូវមុខប្រាសាទអង្គរវត្តបានចាប់ផ្តើមអនុវត្តចាប់ពីថ្ងៃទី០១ ខែឧសភា ឆ្នាំ២០១៦តទៅ ។ ការអនុវត្តគម្រោងនេះ យើងសង្កេតឃើញថាសណ្តាប់ធ្នាប់សាធារណៈ បរិស្ថាន ការដើរកំសាន្តរបស់ភ្ញៀវទេសចរណ៍នៅបរិវេណមុខប្រាសាទអង្គរវត្ត បានប្រព្រឹត្តទៅយ៉ាងល្អប្រសើរ។

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
7
ថ្ងៃនេះ
:
5811
ម្សិលមិញ
:
17878
សប្តាហ៍នេះ
:
108651
ខែនេះ
:
0225950
សរុប
:
011688546