NEWS

The English version of this website is still under construction. This section is only available in Khmer language at this stage. We apologise for any inconvenience

Published on 15 June 2016 02:32 PM Post By ៖ Apsara National Authority

ជារៀងរាល់ថ្ងៃអាជ្ញាធរជាតិអប្សរាបានយកចិត្តទុកដាក់យ៉ាងខ្លាំងចំពោះការរស់នៅនិងសុខទុក្ខរបស់ប្រជាជនក្នុងតំបន់អង្គរតាមរយៈក្រុមការងារផ្សេងៗ ជាពិសេសក្រុមការងារសហគមន៍ ដែលបានជួយពួកគាត់ទាំងការប្រកបមុខរបរ បញ្ហាសុខភាព ការថែរក្សាទំនៀមទម្លាប់ដូនតា ការសង់លំនៅដ្ឋានរបស់ប្រជាជន និងទីជម្រកសព្វពាហនៈជាដើម។ 

ជាក់ស្តែងកាលពីថ្មីៗនេះ ក្រុមការងារសហគមន៍ទី១ ដឹកនាំដោយលោកស្រី ម៉ៅ ល្អ ឧបការីនៃអាជ្ញាធរជាតិអប្សរានិងសហការីពាក់ព័ន្ធជាច្រើនរូប បានចុះទៅត្រួតពិនិត្យលើការស្នើសុំជួសជុល ការសាងសង់ផ្ទះសម្បែង ក្រោលគោ ផ្ទះបាយជាច្រើនករណីជូនប្រជាពលរដ្ឋដល់ទីកន្លែងស្ថិតនៅស្រុកប្រាសាទបាគង ខេត្តសៀមរាប ដើម្បីកាត់បន្ថយភាពកង្វល់របស់ពួកគាត់ ព្រមទាំងផ្សព្វផ្សាយ ពន្យល់ពីការដាក់ពាក្យស្នើសុំក្នុងការសាងសង់ និងសិទ្ធិរបស់ពួកគាត់ក្នុងការរស់នៅក្នុងតំបន់អង្គរផងដែរ។

លោកស្រី ម៉ៅ ល្អ ក៏បានប្រាប់ដែរថា រាល់ការស្នើសុំសាងសង់ទាំងអស់ ប្រជាពលរដ្ឋត្រូវស្នើសុំមកអាជ្ញាធរជាតិអប្សរា ហើយអាជ្ញាធរជាតិអប្សរាក៏មិនដែលហាមឃាត់ប្រជាពលរដ្ឋណាម្នាក់មិនឱ្យសាងសង់ដែរ បើពួកគាត់អនុវត្តត្រឹមត្រូវទៅតាមច្បាប់ទម្លាប់។ ម្យ៉ាងទៀតអាជ្ញាធរជាតិអប្សរាគ្រាន់តែជាស្ថាប័នរដ្ឋមួយមានតួនាទីការពារ ថែរក្សា កុំឱ្យមានការរំលោភបំពានលើមរតកវប្បធម៌ដូនតាប៉ុណ្ណោះ មិនមានសិទ្ធិកាន់កាប់ទ្រព្យសម្បត្តិជាកម្មសិទ្ធិរបស់ពលរដ្ឋណាម្នាក់ឡើយ។ លោកស្រីក៏បានសំណូមពរឱ្យប្រជាពលរដ្ឋជឿជាក់និងចូលរួមប្រជុំឱ្យបានច្រើនដើម្បីឈ្វេងយល់ពីអាជ្ញាធរជាតិអប្សរា ជាជាងការជឿអ្នកដទៃដែលនិយាយញុះញង់ បំភ្លើសការពិត ព្រោះបើប្រជាពលរដ្ឋបានដឹងពីការពិត ហើយអនុវត្តតាមច្បាប់ក្នុងការសាងសង់សំណង់ផ្សេងៗនៅក្នុងឧទ្យានអង្គរស្មើនឹងប្រជាពលរដ្ឋចូលរួមចំណែកក្នុងការថែរក្សាភូមិសាស្ត្រ ទេសភាពវប្បធម៌ បុរាណដ្ឋានដែលជាមរតកដូនតាខ្មែរដ៏លើសលុបណាស់ទៅហើយ។

បងស្រី ឌី ចន្ទ្រា ប្រជាពលរដ្ឋនៅភូមិរលួសលិច ស្រុកប្រាសាទបាគង ដែលបានស្នើសុំដាក់លូ១៥កង់នៅលើប្រឡាយដើម្បីចាក់ដីរៀបចំកន្លែងលក់ដូរបានប្រាប់ថា គាត់សប្បាយចិត្តដែលអាជ្ញាធរជាតិអប្សរានិងខាងសាធារណការអនុញ្ញាតឱ្យចាក់ដីដាក់លូពង្រីកកន្លែងរកស៊ី នេះដោយសារគាត់បានសុំច្បាប់ត្រឹមត្រូវតាមរយៈមេភូមិ មេឃុំ និងអាជ្ញាធរជាតិអប្សរា ហើយរង់ចាំបន្តិច អាជ្ញាធរជាតិអប្សរាក៏បានបញ្ជូនអ្នកជំនាញឱ្យមកពិនិត្យ។ បងស្រីបន្ថែមទៀតថា ការតម្រូវឱ្យគោរពច្បាប់សាងសង់នៅក្នុងតំបន់អង្គរ វាតឹងតែងបន្តិចមែន តែបើយើងបានចូលរួមប្រជុំញឹកញាប់ យើងនឹងដឹងពីគោលការណ៍ផ្សេងៗ ហើយធ្វើតាមច្បាប់ដែលគេតម្រូវឱ្យ វាមិនពិបាកទេ បើពិបាកមានតែអ្នកដែលមិនបានចូលរួមប្រជុំ ទើបមិនដឹង ហើយលួចធ្វើ ទើបគេចុះដកហូតសម្ភារៈរបស់គាត់។ បងស្រីប្តេជ្ញាគាំទ្រនិងធ្វើតាមច្បាប់ដែលស្ថាប័នអាជ្ញាធរជាតិអប្សរាកំណត់ជានិច្ចពេលសាងសង់។

អ្នកស្រី ឈិន រៀល ដែលធ្លាប់តែមិនពេញចិត្តនឹងការអនុវត្តច្បាប់តឹងរឹងក្នុងការសាងសង់សំណង់របស់អាជ្ញាធរជាតិអប្សរា បានផ្លាស់ប្តូរការយល់ឃើញទាំងស្រុងពេលបានជួបផ្ទាល់នឹងក្រុមការងារសហគមន៍។ អ្នកស្រីសារភាពថា កន្លងមកអ្នកស្រីមិនបានចូលរួមប្រជុំទេ គាត់ជឿតែអ្នកជិតខាងដែលគេថា បើចង់ធ្វើផ្ទះចឹង ទាល់តែយូរទើបអាជ្ញាធរជាតិអប្សរាឱ្យធ្វើ ដេកតែចាំទៅ រួមផ្សំនឹងគាត់មិនសូវចេះដឹងផង គាត់ក៏មិនបានតាមដាន យកចិត្តទុកដាក់ ហើយទ្រាំនៅផ្ទះចាស់បែបនេះទៅ ទាំងដែលការពិតលិខិតស្នើរសុំសាងសង់របស់គាត់ត្រូវបានអនុញ្ញាតតាំងពីយូរណាស់ហើយ។ អ្នកស្រីបានប្រាប់ទៀតថា ពីថ្ងៃនេះទៅឈប់ជឿអ្នកណាទៀតហើយ នឹងជឿតែក្រុមការងារអប្សរាប៉ុណ្ណោះ ដើម្បីកុំឱ្យខកខានការងារ ហើយខឹងខុសដូច្នេះទៀត។

ក្នុងនោះដែរ អ៊ំស្រី ម៉ែន ផន អ្នកតំណាងភូមិ បានប្រាប់ថា រាល់ពេលអាជ្ញាធរជាតិអប្សរាចុះមកប្រជុំផ្សព្វផ្សាយម្តងៗ គាត់បានប្រាប់អ្នកភូមិគ្រប់គ្នា តែអ្នកដែលមកមានតែ៥ទៅ២០នាក់ប៉ុណ្ណោះក្នុងចំណោម១០០នាក់ ឯអ្នកផ្សេងៗថារវល់។ កង្វះការចូលរួមក្នុងការប្រជុំ ការមិនចង់ចេះ មិនចង់ដឹងឮនេះហើយ ធ្វើឱ្យប្រជាជនមិនដឹងពីច្បាប់ទម្លាប់និងសិទ្ធិរបស់ខ្លួនឯងថាមានអាទិភាពអ្វីខ្លះក្នុងនាមជាម្ចាស់ស្រុក ថែមទាំងមិនសប្បាយចិត្តនឹងអាជ្ញាធរជាតិអប្សរា រួមទាំងរូបគាត់ផង។ បើតាមការសង្កេតរបស់អ៊ំស្រីវិញ អ្នកដែលបានមកប្រជុំញឹកញាប់ ពួកគេបានដឹងច្រើន និងចេះសុំច្បាប់ត្រឹមត្រូវមុននឹងធ្វើអ្វីមួយ មិនលួចសង់ផ្តេសផ្តាស។ ការតម្រូវឱ្យគោរពច្បាប់សាងសង់មិនមែនជាការដាក់កំហិតនោះទេ តែជាការចង់ឱ្យប្រជាជនដែលរស់នៅលើដីអង្គរទាំងអស់ចេះស្រឡាញ់និងថែរក្សាមរតកដូនតា កុំឱ្យមានការរំលោភបំពានឬរងនូវការបំផ្លិចបំផ្លាញបុរាណដ្ឋានទាំងនោះ ព្រោះតែសំណង់តូចធំទាំងឡាយ។ កន្លងមកអ៊ំស្រីក៏បានជួយណែនាំប្រជាជននិងជូនប្រជាជនទៅកាន់ស្នាក់ការអាជ្ញាធរជាតិអប្សរាផងដែរ ដើម្បីស្នើសុំធ្វើអ្វីមួយ ហើយរាល់លើកតែងតែបានសម្រេច។

ជាការពិតណាស់ រាល់កិច្ចការអភិរក្ស ថែរក្សាតំបន់អង្គរឱ្យប្រកបដោយចីរភាព អាជ្ញាធរជាតិអប្សរាធ្វើតែម្នាក់ឯងមិនអាចជោគជ័យបានឡើយ បើគ្មានការចូលរួមសហការពីប្រជាពលរដ្ឋក្នុងតំបន់ ព្រោះមានតែប្រជាពលរដ្ឋក្នុងតំបន់ប៉ុណ្ណោះដែលដឹងច្បាស់ពីទីតាំងភូមិសាស្ត្រ ប្រវត្តិ ទំនៀមទម្លាប់ផ្សេងៗ ពិសេសការចូលរួមអនុវត្តច្បាប់ក្នុងការសាងសង់សំណង់នានានៅក្នុងឧទ្យានអង្គររបស់ពលរដ្ឋទាំងអស់គ្នា ក៏ស្មើនឹងការចូលរួមចំណែកថែរក្សានូវតម្លៃមរតកដូនតាដូច្នោះដែរ៕












យោងតាមសេចក្តីសម្រេចរបស់អគ្គនាយកអាជ្ញាធរជាតិអប្សរា ចុះហត្ថលេខាថ្ងៃទី០៧ ខែតុលា ឆ្នាំ២០២០ បានសម្រេចលុបឈ្មោះ លោក សៀវ សុមិត្រា ជាបុគ្គលិកបម្រើការងារនៅក្នុងនាយកដ្ឋានសណ្តាប់ធ្នាប់និងកិច្ចសហប្រតិបត្តិការ ដែលប្រព្រឹត្តិខុសធ្ងន់ធ្ងរនឹងច្បាប់ស្ថាប័ន ក៏ដូចជាច្បាប់សង្គម ចេញពីស្ថាប័នអាជ្ញាធរជាតិអប្សរាជាស្ថាពរចាប់ពីថ្ងៃចេញផ្សាយសេចក្តីជូនដំណឹងនេះតទៅ។
យើងខ្ញុំសូមបួងសួងដល់វត្ថុស័ក្តិសិទ្ធិក្នុងលោកប្រោសប្រទានពរជ័យ សិរីមង្គល វិបុលសុខ មហាប្រសើរ ជូនចំពោះលោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈ និងជាប្រធានក្រុមប្រឹក្សាភិបាលអាជ្ញាធរជាតិអប្សរា នាឱកាសខួបកំណើតគម្រប់៦០ឆ្នាំ ឈានចូល៦១ឆ្នាំ សូមលោកជំទាវបណ្ឌិត្យសភាចារ្
ជាចំណែកដើម្បីអភិរក្សពូជផ្កាព្រៃ ក៏ដូចជាការលម្អ និងទាក់ទាញភ្ញៀវទេសចរផងនោះ អាជ្ញាធរជាតិអប្សរា បាននិងកំពុងរៀបចំដាំដើមផ្កាព្រៃលម្អតាមបណ្ដោយផ្លូវនានាក្នុងតំបន់រមណីយដ្ឋានអង្គរ។ បច្ចុប្បន្ន គម្រោងនេះកំពុងរៀបចំនៅបរិវេណខាងមុខប្រាសាទអង្គរវត្ត និងពង្រីកការរៀបចំនៅតំបន់ជុំវិញបន្ថែមទៀត។
មជ្ឈមណ្ឌលបណ្តុះបណ្តាលអង្គរនៃអាជ្ញាជាតិអប្សរា បានរៀបចំពិធីបើកវគ្គបណ្តុះបណ្តាលវិជ្ជាសង្រ្គោះបឋមរយៈពេល១ខែ ចាប់ពីខែតុលាដល់ខែវិចិ្ឆកា ឆ្នាំ២០២០ ដល់សិក្ខាកាមចំនួន១២០នាក់ មកពីនាយក ដ្ឋានគ្រប់គ្រងទឹក នាយកដ្ឋានអភិវឌ្ឍន៍ទេសចរណ៍អង្គរ នាយកដ្ឋានអភិរក្សប្រាសាទក្នុងឧទ្យានអង្គរ និងបុរាណវិទ្យាបង្ការ នាយកដ្ឋានអភិរក្សប្រាសាទក្រៅឧទ្យានអង្គរ នាយកដ្ឋានសណ្តាប់ធ្នាប់និងសហប្រតិបត្តិការ និងនាយកដ្ឋានគ្រប់គ្រងព្រៃឈើទេសភាពវប្បធម៌និងបរិស្ថាន។
តាមការអះអាងរបស់អ្នកជំនាញទទួលបន្ទុកការជួសជុលស្ពានហាលខាងលិចប្រាសាទអង្គរបានឱ្យដឹងថា ចរាចរណ៍ចេញចូលប្រាសាទអង្គរវត្តតាមស្ពានហាលខាងលិចអាចនឹងចាប់ផ្តើមឡើងវិញនៅខែសីហា ឆ្នាំ២០២១ ខាងមុខ។

Speech of H. E. Ms. Phoeurng Sackona, President of APSARA National Authority

Weather Forecast

Angkor Code of Conduct

Angkor Code of Conduct's Video

Website Visitors

Now Online
:
9
Today
:
3549
Yesterday
:
9096
This Week
:
53300
This Month
:
0147979
Total
:
012917411