ព័ត៌មានថ្មីៗ

ការតាំងទីលំនៅរបស់ប្រជាជននាសម័យអង្គរនៅភាគអាគ្នេយ៍ក្នុងប្រាសាទអង្គរវត្ត

បានផ្សាយនៅ ថ្ងៃទី 14 ខែ មិថុនា ឆ្នាំ2016 08:45 AM ដោយ ៖ អាជ្ញាធរជាតិអប្សរា
មនុស្សម្នាស្ទើរពេញពិភពលោកដែលបានមកដល់ប្រទេសកម្ពុជា ទាំងអ្នកបុរាណវិទ្យា អ្នកនរវិទ្យា អ្នកប្រវត្តិវិទ្យា មគ្គុទេសនក៍ទេសចរណ៍ ព្រមទាំងភ្លៀវទេសចរ នាំគ្នាឆ្ងល់ទាក់ទង់នឹងទៅនឹងជីវភាពនៃការរស់នៅរបស់មនុស្សសម័យដើម ជាពិសេសគឺមនុស្សដែលរស់នៅក្នុងសម័យកសាងប្រាសាទអង្គរវត្ត មានកម្លាំងពលំ និងការច្នៃប្រឌិតខ្ពស់។

អាថ៌កំបាំងទាំងនោះ ត្រូវបានបើកបង្ហាញបន្តិចម្តងៗ តាមរយៈការស្រាវជ្រាវរបស់អ្នកប្រាជ្ញខ្មែរនិងអ្នកប្រាជ្ញ ការធ្វើកំណាយស្រាវជ្រាវអំពី ការតាំងទីលំនៅរបស់ប្រជាជននាសម័យអង្គរនៅភាគអាគ្នេយ៍ក្នុងប្រាសាទអង្គរវត្ត ដោយក្រុមអ្នកស្រាវជ្រាវអាជ្ញាធរជាតិអប្សរាសហការជាមួយសាកលវិទ្យាល័យស៊ីដនីក្នុងគម្រោងមហានគរ (The Greater Angkor Project) ។ នេះជាការលើកឡើងរបស់លោកស្រីបណ្ឌិត Allison Carter ក្នុងសិក្ខាសាលានៅសាលសិក្សាលលៃនៃមជ្ឈមណ្ឌល បណ្តុះបណ្តាលអង្គរ-អាជ្ញាធរជាតិអប្សរា នៅព្រឹកថ្ងៃទី១០ ខែមិថុនា ឆ្នាំ២០១៦កន្លងទៅនេះ។

សិក្ខាសាលាដែលបានទាញចំណាប់អារម្មណ៍អ្នកចូលរួមយ៉ាងច្រើនកុះករ ពីសំណាក់អ្នកស្រាវជ្រាវ មគ្គុទ្ទេសក៍ទេសចរណ៍ និងក្រុមអ្នកសារព័ត៌មាន បានធ្វើឡើងប្រកបដោយភាពជោគជ័យ និងទទួលបានការអបអរសាទរយ៉ាងខ្លាំងពីសំណាក់អ្នកចូលរួមស្តាប់។ ក្នុងសិក្ខាសាលានោះ បានបង្ហាញអំពីលទ្ធផលបឋមដែលបានមកពីកំណាយស្រាវជ្រាវអំពីការតាំងទីលំនៅរបស់ប្រជាជននាសម័យអង្គរនៅភាគអាគ្នេយ៍ក្នុងប្រាសាទអង្គរវត្ត។

សិក្ខាសាលានោះ ដែលបានបង្ហាញពីលទ្ធផលនៃកំណាយការស្រាវជ្រាវ ដោយរកឃើញនូវអំបែង ឬបំណែកដែលជាគ្រឿងសម្ភារៈប្រើប្រាស់ជាប្រចាំថ្ងៃជាច្រើនប្រភេទដូចជា បំណែកចានប្រភេទសេរ៉ាមិច ដែលនាំចូលមកពីប្រទេសចិន កុលាលភាជន៍ ចានខ្មែរ ក្បាច់ចំលាក់ ថូ និងគ្រាប់ធញ្ញជាតិមួយចំនួនដូចជា សម្បកគ្រាប់ស្រូវ និងសម្បកក្រូចថ្លុងជាដើម។ គ្រឿង សម្ភារៈ និងធញ្ញជាតិទាំងនេះជាវត្ថុតាង ដែលបង្ហាញពីជីវភាពរស់នៅ និងការតាំងទីលំនៅរបស់មនុស្សនៅភាគអាគ្នេយ៍នៃប្រាសាទអង្គរវត្តក្នុងសម័យសតវត្សទី១០ ដល់ទី១៤។

លោកស្រីបណ្ឌិត Allison Carter បានលើកឡើងថា បើតាមវត្ថុតាងដែលបានមកពីកំណាយនេះ អាចសន្និដ្ឋានថា មនុស្សក្នុងសម័យនោះ មានការរស់នៅក្ខណៈជាពួកក្រុម នៅលើទីទួល សាងសង់ផ្ទះជាជួរ ហើយច្រើនតែមានគូទឹកព័ន្ធជុំវិញ ឬមានស្រះនៅខាងមុខផ្ទះ មុខរបរចិញ្ចឹមជីវិតជាប្រចាំថ្ងៃគឺធ្វើឡ ដែលបម្រើឱ្យវិស័យសិប្បកម្ម មានការធ្វើចាន ក្បាច់ចំលាក់ ថូជាដើមនិង ចិញ្ចឹមសត្វពាហនៈ ជ្រូក មាន់ទា គោក្របី ដំរីសេះសម្រាប់បម្រើឱ្យ វិស័យកសិកម្ម ដាំបន្លែ និងមានការបរបាញ់សត្វ ដើម្បីធ្វើជាចំណីអាហារទៀតផង។

គួរបញ្ជាក់ថា លោកស្រីបណ្ឌិត Allison Carter ជនជាតិអាមេរិក ជាសាស្ត្រាចារ្យនៃនាយកដ្ឋានមនុស្សសាស្ត្រក្នុងសាកលវិទ្យាល័យ Ilinois នៃរដ្ឋ Urban-champaign សហរដ្ឋអាមេរិក និងជាប្រធានក្រុមកំណាយស្រាវជ្រាវ អំពីការតាំងទីលំនៅរបស់ប្រជាជននាសម័យអង្គរនៅភាគអាគ្នេយ៍ក្នុងប្រាសាទអង្គរវត្ត តាំងពីឆ្នាំ២០១៣ដល់រហូតដល់ឆ្នាំ២០១៥។














នៅថ្ងៃទី១៤ ខែកញ្ញា ឆ្នាំ២០២០ ឯកឧត្តម សុខ សង្វារ អគ្គនាយករងទទួលបន្ទុកនាយកដ្ឋានអភិវឌ្ឍន៍ទេសចរណ៍អង្គរនៃអាជ្ញាធរជាតិអប្សរា និងលោក HONG Jianchun អនុប្រធានគណៈកម្មាធិការរដ្ឋបាលហ័ងសាន បានបន្តពង្រឹងកិច្ចសហប្រតិបត្តិការលើវិស័យទេសចរណ៍នៅតំបន់បេតិកភណ្ឌអង្គរនិងហ័ងសាន។
ក្នុងគោលបំណងស្ដារគម្របព្រៃឈើក្នុងតំបន់រមណីយដ្ឋានបេតិកភណ្ឌពិភពលោកអង្គរឲ្យកាន់តែមានចំនួនច្រើនឡើង ក៏ដូចជាក្នុងន័យបំផុសស្មារតីឲ្យមានការចូលរួមរបស់ប្រជាពលរដ្ឋអំពីកិច្ចការបរិស្ថាន ជាបន្តបន្ទាប់អាជ្ញាធរជាតិអប្សរា បានបន្តចែកជូនកូនឈើដល់សាធារណជនជិតឆ្ងាយ ដើម្បីយកទៅដាំនៅតាមតំបន់នានាក្នុងប្រទេសកម្ពុជា។ ក្នុងពាក់កណ្ដាលខែកញ្ញា ឆ្នាំ២០២០ គឺចាប់ពីថ្ងៃទី១ ដល់ថ្ងៃទី១២ ខែកញ្ញា
ដូនតាខ្មែរបានកសាងប្រាសាទខ្លះមានខ្លោងទ្វារចេញចូល៤ទិស ខ្លះ២ទិស និងខ្លះ១ទិស ដែលឱ្យមនុស្សចេញចូលតាមទិសខាងកើតឬខាងលិចដែលកំណត់ថាជាខ្លោងទ្វារធំ ដោយយោងទៅលើប្រាង្គសំខាន់បែរមុខទៅទិសណា។
នៅព្រឹកថ្ងៃទី១៣ ខែកញ្ញា ឆ្នាំ២០២០ នេះ អាជ្ញាធរជាតិអប្សរា ក្រោមកិច្ចសហការជាមួយរដ្ឋបាលខេត្តសៀមរាប និងធនាគារ CIMB បានរៀបចំពិធីដាំកូនឈើចំនួន ១,៥០០ដើម នៅបរិវេណប្រាសាទបន្ទាយក្ដី ក្រោមប្រធានបទ «យើងដាំ យើងចំណាំ យើងថែរក្សា ប្រាង្គប្រាសាទដែលជាបេតិកភណ្ឌមនុស្សជាតិ»។ ក្នុងពិធីនៅពេលនោះ លោក ឡុង កុសល អ្នកនាំពាក្យអាជ្ញាធរជាតិអប្សរា ក្នុងនាមឯកឧត្តម ហង់ ពៅ អគ្គនាយកអាជ្ញាធរជាតិអប្សរា បានសម្ដែងអារម្មណ៍រីករាយ និងរំពឹងថា ស្ថាប័នសាធារណៈពាក់ព័ន្ធនិងស្ថាប័នឯកជនដទៃទៀត នឹងបន្តចូលរួមកាន់តែច្រើនក្នុងការដាំកូនឈើក្នុងរមណីយដ្ឋានអង្គរ
១៖ ទូតឥណ្ឌាចប់អាណត្តិជួបសម្ដែងការគួរសមនិងជម្រាបលាថ្នាក់ដឹកនាំអាជ្ញាធរជាតិអប្សរា
នៅរសៀលថ្ងៃទី៨ ខែកញ្ញា ឆ្នាំ២០២០នេះ ឯកឧត្តមអគ្គនាយកអាជ្ញាធរជាតិអប្សរា បានអនុញ្ញាតឱ្យលោកជំទាវ Manika Jain ឯកអគ្គរដ្ឋទូតឥណ្ឌាប្រចាំកម្ពុជាចប់អាណត្តិ ជួបសម្ដែងការគួរសម និងជម្រាបលាថ្នាក់ដឹកនាំអាជ្ញាធរជាតិអប្សរា។ ក្នុងជំនួបនោះ លោកជំទាវឯកអគ្គរដ្ឋទូត បានរំឭកពីកិច្ចសហប្រតិបត្តិការ រវាងប្រទេសឥណ្ឌា និងអាជ្ញាធរជាតិអប្សរា ក្នុងការងារជួសជុលនៅប្រាសាទអង្គរវត្ត និងប្រាសាទតាព្រហ្ម។ បន្ថែមពីនេះ លោកជំទាវអគ្គរដ្ឋទូត ក៏បានលើកពីគម្រោងបណ្ដុះបណ្ដាលវគ្គខ្លីៗដល់យុវជនកម្ពុជា លើការងារអភិរក្សប្រាសាទ សិល្បៈ និងវប្បធម៌ផងដែរ។
ដើមដំបូងមុន12345...345346បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
6
ថ្ងៃនេះ
:
1738
ម្សិលមិញ
:
5216
សប្តាហ៍នេះ
:
01738
ខែនេះ
:
0157819
សរុប
:
012665408