NEWS

The English version of this website is still under construction. This section is only available in Khmer language at this stage. We apologise for any inconvenience

Published on 07 June 2016 03:57 PM Post By ៖ Apsara National Authority
ទឹកក្រោមដីជាទឹកដែលសល់ពីការប្រើប្រាស់ និងហួតឬជាទឹកដែលស្ថិតនៅក្នុងស្រទាប់ដី ស្រទាប់ថ្មអាចបម្លាស់ទី ធ្វើចលនាបាន។ ទឹកនៅលើដីជាប្រភពនៃទឹកក្រោមដីតាមរយៈការជ្រាបចូលក្នុងដី។ កាលណាទឹកនៅលើដីរីងស្ងួតអស់វាធ្វើឲ្យប៉ះពាល់ដល់ទឹកក្រោមដី ដូចគ្នាដែរ បើគេប្រើប្រាស់ទឹកក្រោមដីច្រើន ក៏នឹងធ្វើឲ្យទឹកលើដីឆាប់រីងស្ងួតដែរ។ ដូច្នេះ ក្រៅពីគ្រប់គ្រងទឹកលើដី ទឹកក្រោមដីក៏គេត្រូវគិតគូរឲ្យបានហ្មត់ចត់ផងដែរ ជាពិសេសក្នុងតំបន់អង្គរ ដែលគ្រឹះប្រាសាទទាំងអស់សុទ្ធតែត្រូវការសំណើមជាប្រចាំ ធ្វើឲ្យកំហាប់ខ្សាច់រឹងមាំអាចទ្រទម្ងន់រាប់លានតោននៃថ្មប្រាសាទបាន។

អាជ្ញាធរជាតិអប្សរាដែលមានតួនាទីអភិរក្ស ថែរក្សាតំបន់រមណីយដ្ឋានអង្គរ តែងយកចិត្តទុកដាក់ជាប្រចាំលើការតាមដានបម្រែបម្រួលទឹកទាំងទឹកក្រោមដី និងទឹកលើដី។ លោក ភឿន សុឃីម អនុប្រធាននាយកដ្ឋានគ្រប់គ្រងទឹកនៃអាជា្ញធរជាតិអប្សរាបានឲ្យដឹងនៅពីថ្ងៃទី៧ ខែមិថុនា ឆ្នាំ២០១៦នេះថា ការគ្រប់គ្រងទឹកក្រោមដីនេះគឺ ក្រុមការងារជំនាញបានចុះទៅវាស់ទឹកអណ្តូងជាប្រចាំពេញក្នុងមួយឆ្នាំ ដើម្បីតាមដានកម្ពស់ទឹកអណ្តូង ដោយជ្រើសរើសយក១៣ភូមិស្មើនឹង៨៧អណ្តូងនៅក្នុងតំបន់អង្គរ។ ការតាមដានដូច្នេះ ដើម្បីធានាថា ការប្រើប្រាស់ទឹកក្រោមដីរបស់ប្រជាពលរដ្ឋសព្វថ្ងៃ ជាពិសេស គឺនៅក្នុងក្រុងសៀមរាបទាំងមូលនឹងមិនគំរាមកំហែង ដល់កម្ពស់ទឹកក្នុងតំបន់រមណីយដ្ឋានអង្គរ។

ជាមួយគ្នានឹងការតាមដានកម្ពស់ទឹក ក្រុមការងារជំនាញក៏បានយកទឹកក្រោមដីទៅធ្វើពិសោធន៍នៅក្រសួងបរិស្ថានចំនួន៤ដងក្នុងមួយឆ្នាំ ទៅលើ៧ភូមិក្នុងចំណោម១៣ភូមិខាងលើ ដោយធ្វើពិសោធន៍រយៈពេល៣ខែម្តង ដើម្បីរកសារធាតុពុលក្នុងទឹក។ តាមលទ្ធផលកន្លងមក កម្ពស់ទឹកអណ្តូងក្នុងតំបន់អង្គរ ស្ថិតនៅក្នុងសភាពធម្មតាហើយក៏មិនមានសារធាតុពុលដែរ។ ទោះជាយ៉ាងនេះក្តី លោក សុឃីម អះអាងថា ថ្វីបើបច្ចុប្បន្នការប្រើប្រាស់ទឹកក្រោមដីមិនទាន់បង្ហាញសញ្ញាបារម្ភណាមួយ តែតាមការសិក្សារបស់ JICA បើការប្រើប្រាស់ទឹកក្រោមដីនេះចេះតែកើនឡើងខ្លាំង វាអាចនឹងបង្កការប៉ះពាល់ជាមិនខាននាពេលអនាគត។

ឆ្លើយតបនឹងបញ្ហានេះ ក្រុមជំនាញគ្រប់គ្រងទឹកនៃអាជ្ញាធរជាតិអប្សរាបានខិតខំប្រឹងប្រែងគ្រប់គ្រងទឹកលើដីឲ្យមាននៅជាប្រចាំគ្រប់រដូវ តាមរយៈការស្តារប្រព័ន្ធធារាសាស្រ្ត និងអាងស្តុកទឹកបុរាណដើម្បីរក្សាទឹកទុក ដោយបានប្រមែប្រមូលទឹកពីទីកន្លែងផ្សេងៗ មកដាក់ក្នុងប្រព័ន្ធធារាសាស្រ្ត និងអាងស្តុកទឹកបុរាណឡើងវិញ។ ជាមួយគ្នានេះ ក្រុមការងារក៏បានអប់រំប្រជាពលរដ្ឋឲ្យពួកគាត់ បែរមកធ្វើស្រូវនិងដាំដំណាំដែលប្រើរយៈពេលខ្លី ចំណាយទឹកតិច និងឲ្យពួកគាត់ចូលរួមជួយថែរក្សាប្រព័ន្ធធារាសាស្រ្តនិងអាងស្តុកទឹកបុរាណព្រមទាំងជួយថែរក្សាការពារព្រៃឈើនិងដាំដើមឈើឡើងវិញ។ លើសពីនេះទៅទៀត នាយកដ្ឋានគ្រប់គ្រងទឹកនៃអាជ្ញាធរជាតិអប្សរា ក៏មានកិច្ចសហការជាប្រចាំជាមួយរដ្ឋាករទឹកសៀមរាប ដើម្បីរិះរកដំណោះស្រាយផ្សេងៗដែលអាចកាត់បន្ថយការបូមទឹកពីក្រោមដីប្រើប្រាស់ច្រើនពេក ហើយនឹងរកប្រភពទឹកលើដីមកជំនួសវិញ ដូចជា ការទាញយកទឹកពីបារាយណ៍ទឹកថ្លាមកធ្វើជាទឹកស្អាត ផ្គត់ផ្គង់ក្រុងសៀមរាបជាដើម៕












យោងតាមសេចក្តីសម្រេចរបស់អគ្គនាយកអាជ្ញាធរជាតិអប្សរា ចុះហត្ថលេខាថ្ងៃទី០៧ ខែតុលា ឆ្នាំ២០២០ បានសម្រេចលុបឈ្មោះ លោក សៀវ សុមិត្រា ជាបុគ្គលិកបម្រើការងារនៅក្នុងនាយកដ្ឋានសណ្តាប់ធ្នាប់និងកិច្ចសហប្រតិបត្តិការ ដែលប្រព្រឹត្តិខុសធ្ងន់ធ្ងរនឹងច្បាប់ស្ថាប័ន ក៏ដូចជាច្បាប់សង្គម ចេញពីស្ថាប័នអាជ្ញាធរជាតិអប្សរាជាស្ថាពរចាប់ពីថ្ងៃចេញផ្សាយសេចក្តីជូនដំណឹងនេះតទៅ។
យើងខ្ញុំសូមបួងសួងដល់វត្ថុស័ក្តិសិទ្ធិក្នុងលោកប្រោសប្រទានពរជ័យ សិរីមង្គល វិបុលសុខ មហាប្រសើរ ជូនចំពោះលោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈ និងជាប្រធានក្រុមប្រឹក្សាភិបាលអាជ្ញាធរជាតិអប្សរា នាឱកាសខួបកំណើតគម្រប់៦០ឆ្នាំ ឈានចូល៦១ឆ្នាំ សូមលោកជំទាវបណ្ឌិត្យសភាចារ្
ជាចំណែកដើម្បីអភិរក្សពូជផ្កាព្រៃ ក៏ដូចជាការលម្អ និងទាក់ទាញភ្ញៀវទេសចរផងនោះ អាជ្ញាធរជាតិអប្សរា បាននិងកំពុងរៀបចំដាំដើមផ្កាព្រៃលម្អតាមបណ្ដោយផ្លូវនានាក្នុងតំបន់រមណីយដ្ឋានអង្គរ។ បច្ចុប្បន្ន គម្រោងនេះកំពុងរៀបចំនៅបរិវេណខាងមុខប្រាសាទអង្គរវត្ត និងពង្រីកការរៀបចំនៅតំបន់ជុំវិញបន្ថែមទៀត។
មជ្ឈមណ្ឌលបណ្តុះបណ្តាលអង្គរនៃអាជ្ញាជាតិអប្សរា បានរៀបចំពិធីបើកវគ្គបណ្តុះបណ្តាលវិជ្ជាសង្រ្គោះបឋមរយៈពេល១ខែ ចាប់ពីខែតុលាដល់ខែវិចិ្ឆកា ឆ្នាំ២០២០ ដល់សិក្ខាកាមចំនួន១២០នាក់ មកពីនាយក ដ្ឋានគ្រប់គ្រងទឹក នាយកដ្ឋានអភិវឌ្ឍន៍ទេសចរណ៍អង្គរ នាយកដ្ឋានអភិរក្សប្រាសាទក្នុងឧទ្យានអង្គរ និងបុរាណវិទ្យាបង្ការ នាយកដ្ឋានអភិរក្សប្រាសាទក្រៅឧទ្យានអង្គរ នាយកដ្ឋានសណ្តាប់ធ្នាប់និងសហប្រតិបត្តិការ និងនាយកដ្ឋានគ្រប់គ្រងព្រៃឈើទេសភាពវប្បធម៌និងបរិស្ថាន។
តាមការអះអាងរបស់អ្នកជំនាញទទួលបន្ទុកការជួសជុលស្ពានហាលខាងលិចប្រាសាទអង្គរបានឱ្យដឹងថា ចរាចរណ៍ចេញចូលប្រាសាទអង្គរវត្តតាមស្ពានហាលខាងលិចអាចនឹងចាប់ផ្តើមឡើងវិញនៅខែសីហា ឆ្នាំ២០២១ ខាងមុខ។

Speech of H. E. Ms. Phoeurng Sackona, President of APSARA National Authority

Weather Forecast

Angkor Code of Conduct

Angkor Code of Conduct's Video

Website Visitors

Now Online
:
12
Today
:
1715
Yesterday
:
7094
This Week
:
24144
This Month
:
0118823
Total
:
012888255