NEWS

copy of copy of copy of copy of copy of copy of copy of copy of copy of copy of copy of copy of copy of The English version of this website is still under construction. This section is only available in Khmer language at this stage. We apologise for any inconvenience

Published on 02 June 2016 03:52 PM Post By ៖ Apsara National Authority
នៅព្រឹកថ្ងៃទី០១ ខែមិថុនា ឆ្នាំ២០១៦ ក្រោមការដឹកនាំរបស់ឯកឧត្តម ម៉ី ម៉ារ៉ាឌី ទីប្រឹក្សាអាជ្ញាធរជាតិអប្សរានិងជាប្រធានគម្រោងអភិវឌ្ឍន៍ភូមិធម្មជាតិរុនតាឯក បានប្រារព្ធពិធីអបអរសាទរទិវាសិទ្ធិកុមារពិភពលោក ០១ មិថុនា នៅភូមិធម្មជាតិរុនតាឯកជាលើកទី១។

ក្នុងនោះក៏មានការអអញ្ជើញចូលរួមផងដែរពីលោក ភ័ន ផល្លា ប្រធាននាយកដ្ឋានរដ្ឋបាល បុគ្គលិកនិងសម្ភារៈ ថ្នាក់ដឹកនាំ និងសហការីនៃអាជ្ញាធរជាតិអប្សរា ព្រមទាំងសិស្សានុសិស្សនៃសាលាបឋមសិក្សាភូមិធម្មជាតិរុនតាឯក លោកគ្រូ អ្នកគ្រូ និងអាណាព្យាបាលសិស្សសរុបប្រមាណ២៥០នាក់។ ឯកឧត្តម ម៉ី ម៉ារ៉ាឌី បានប្រាប់ថា នេះជាលើកទី១ដែលភូមិធម្មជាតិរុនតាឯកបានប្រារព្ធធ្វើពិធីអបអរសាទរសិទ្ធិកុមារនៅទីនេះ ក្នុងឱ្យកាសទិវាសិទ្ធិកុមារអន្តរជាតិដែលតែងតែធ្វើឡើងជាប្រចាំនៅថ្ងៃទី ០១ មិថុនា ទាំងក្នុងប្រទេសនិងបណ្តាប្រទេសនានានៅជុំវិញពិភពលោក។ ការប្រារព្ធពិធីនេះ ជាការបញ្ជាក់ពីការស្រឡាញ់និងការយកចិត្តទុកដាក់របស់អាជ្ញាធរជាតិអប្សរាចំពោះកុមារនៅទីនេះ ឱ្យទទួលបានការការពារ ការស្រឡាញ់ ការមិនរើសអើង មានសិទ្ធិក្នុងការទទួលបានការសិក្សាអប់រំគ្រប់ៗគ្នា ទោះបីពួកគេជាអ្នកណា មកពីណាក៏ដោយ។

តាមការសង្កេតរបស់ឯកឧត្តមចំពោះកុមារនៅភូមិធម្មជាតិរុនតាឯកឃើញថា កុមារនៅទីនេះ សុទ្ធតែទទួលបានការសិក្សាគ្រប់ៗគ្នា ពិសេសបានទទួលភាពកក់ក្តៅពីឪពុកម្តាយរបស់ពួកគេ លោកគ្រូ អ្នកគ្រូ និងក្រុមការងាររបស់អាជ្ញាធរជាតិអប្សរាដែលគ្រប់គ្រងនៅទីនេះ ថែមទាំងលើកទឹកចិត្តក្នុងការសិក្សាទៀតផង។ ជារឿយៗ ក្រៅពីអាជ្ញាធរជាតិអប្សរាជាអាណាព្យាបាលនៅទីនេះ សិស្សានុសិស្សនៅសាលាបឋមសិក្សាភូមិធម្មជាតិរុនតាឯកក៏តែងទទួលបានការចែករំលែកបទពិសោធន៍សិក្សាសម្ភារៈសិក្សាពីសំណាក់អ្នកស្ម័គ្រចិត្ត សប្បុរសជនទាំងក្នុងនិងក្រៅប្រទេស និងភ្ញៀវទេសចរដែលមកកម្សាន្តនៅទីនេះ។

ក្នុងឱកាសនេះក៏ដូចគ្នា ឯកឧត្តមនិងក្រុមការងារក៏បានយកអំណោយផ្ទាល់ខ្លួននិងអំណោយមួយចំនួនដែលបានពីភាគីប្រទេសកូរ៉េមកចែកជូនសិស្សានុសិស្សទាំងអស់ មានកាតាប សម្ភារកីឡា និងសម្ភារសិក្សា ដើម្បីអបអរទិវាសិទ្ធិកុមារអន្តរជាតិ និងជាការលើកទឹកចិត្តដល់ពួកគេឱ្យខិតខំរៀនសូត្រផង។ ក្រៅពីនោះក៏បាននាំគ្នាលេងល្បែងកម្សាន្ត និងថតរូបទុកជាអនុស្សាវរីយ៍ ហើយដើម្បីជាការថ្លែងអំណរគុណ ក្រុមសិល្បៈកុមារក៏បានសម្តែងរបាំជូនពរឱ្យថ្នាក់ដឹកនាំ ក្រុមការងារ និងអាណាព្យាបាលបានទស្សនាផងដែរ៕










នៅរសៀលថ្ងៃសុក្រ ទី១៥ ខែមករា ឆ្នាំ២០២១ លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈ និងជាប្រធានក្រុមប្រឹក្សាភិបាលអាជ្ញាធរជាតិអប្សរា ក្នុងគោលបំណងតាមដានការអនុវត្តការងាររបស់អាជ្ញាធរជាតិអប្សរា បានអញ្ជើញចុះពិនិត្យសកម្មភាពលើកតម្លៃបរិវេណក្រុងអង្គរធំទាំងមូលដែលរួមមានការកែលម្អទីធ្លាបរិវេណមុខព្រះលានជល់ដំរី ការរៀបចំជាផ្លូវថ្មើរជើងនិងប្រព័ន្ធរំដោះទឹក
ឆ្លៀតក្នុងឱកាសអញ្ជើញមកបំពេញភារកិច្ចនៅខេត្តសៀមរាប លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈ និងជាប្រធានក្រុមប្រឹក្សាភិបាលអាជ្ញាធរជាតិអប្សរា នារសៀលថ្ងៃសុក្រ ទី១៥ ខែមករា ឆ្នាំ២០២១ បានអញ្ជើញពិនិត្យការរៀបចំមណ្ឌលបដិសណ្ឋារកិច្ច ការរៀបចំកែលម្អសោភ័ណភាពនិងសួនបៃតងនៅមុខបរិវេណប្រាសាទអង្គរវត្ត។
ថ្ងៃទី១៥ ខែមករា ឆ្នាំ២០២១ ក្រុមការងារសហគមន៍នៃអាជ្ញាធរជាតិអប្សរាចំនួន២គោលដៅដែលមានការចូលរួមសហការជាមួយអាជ្ញាធរមូលដ្ឋាន បានចុះពិនិត្យ និងដោះស្រាយសំណើសុំជួសជុលផ្ទះរបស់ប្រជាពលរដ្ឋក្នុងឧទ្យានអង្គរ។
ដើមឈើហានិភ័យចំនួន១៣ដើម ស្ថិតក្នុងបរិវេណប្រាសាទភិមានអាកាស បាននិងកំពុងកាត់ក្រី និងខ្លះត្រូវដកហូត។ ការងារនេះធ្វើឡើងបន្ទាប់ពីក្រុមជំនាញព្រៃឈើសង្កេតឃើញថា ដើមឈើទាំងនោះ ខ្លះដុះក្បែររចនាសម្ព័ន្ធប្រាសាទ និងខ្លះតាមបរិវេណផ្លូវទស្សនារបស់ភ្ញៀវទេសចរផង។ គោលបំណងសំខាន់នៃការងារនេះ គឺដើម្បីបញ្ជៀសហានិភ័យនានា ដែលអាចកើតជាយថាហេតុចំពោះមនុស្ស និងប្រាសាទ។
ថ្ងៃទី១៤ ខែមករា ឆ្នាំ២០២១ ក្រុមការងារសហគមន៍នៃអាជ្ញាធរជាតិអប្សរា ដែលមានការចូលរួមសហការជាមួយអាជ្ញាធរមូលដ្ឋាន បានចុះពិនិត្យ និងដោះស្រាយសំណើសុំជួសជុលផ្ទះរបស់ប្រជាពលរដ្ឋក្នុងឧទ្យានអង្គរ។
FirstPrev12345...377378NextLast

Speech of H. E. Ms. Phoeurng Sackona, President of APSARA National Authority

Weather Forecast

Angkor Code of Conduct

Angkor Code of Conduct's Video

Website Visitors

Now Online
:
7
Today
:
1339
Yesterday
:
7910
This Week
:
09249
This Month
:
0167138
Total
:
014226993