ព័ត៌មានថ្មីៗ

ខ្លឹមសារនៃពិធីដាក់បាត្រ

បានផ្សាយនៅ ថ្ងៃទី 31 ខែ ឧសភា ឆ្នាំ2016 08:33 AM ដោយ ៖ អាជ្ញាធរជាតិអប្សរា

ពិធីដាក់បាត្រជាទំនៀមទម្លាប់ប្រពៃណីបុរាណតាមបែបព្រះពុទ្ធសាសនា របស់ប្រជាពលរដ្ឋខ្មែរមួយក្នុងចំណោមទំនៀមទម្លាប់ប្រពៃណីដ៏សម្បូរបែបផ្សេងៗទៀត ដែលមានអាយុកាលយូរល់ងណាស់មកហើយ។ ទំនៀមទម្លាប់នេះ គេសង្កេតឃើញប្រជាពលរដ្ឋដែលជាអ្នកកាន់ព្រះពុទ្ធសាសនាប្រារព្ធពិធីដាក់បាត្រនេះ នៅគ្រប់ពិធីបុណ្យទាំងអស់មិនពិធីបុណ្យតូចឬធំនោះទេ ដើម្បីបង្ហាញឬបញ្ជាក់ប្រាប់ឲ្យសាធារណជនដឹងថាពិធីបុណ្យនេះឆ្លងឬបញ្ចប់នៅថ្ងៃហ្នឹងហើយ។ ហេតុនេះហើយទើបមានពាក្យដែលអ្នកស្រុកនិយាយជាទូទៅថា ដាក់បាត្រឆ្លង។

ជាក់ស្តែងកាលពីថ្ងៃទី៣០ ខែឧសភា ឆ្នាំ២០១៦នេះ ក្នុងពិធីបញ្ចប់បុណ្យឆ្លងចេត្រ ដើម្បីត្រៀមខ្លួនធ្វើកសិកម្មសាជាថ្មី អ្នកភូមិក្រវ៉ាន់ សង្កាត់អង្គរធំ ក្រុង-ខេត្តសៀមរាប បាននាំគ្នា រៀបចំប្រារព្ធពិធីដាក់បាត្រប្រគេនព្រះសង្ឃ ដែលមានការអញ្ជើញចូលរួមពីលោកតា លោកយាយ ចាស់ព្រឹទ្ធាចារ្យ អ្នកស្រុក អ្នកភូមិយ៉ាងច្រើនកុះករ។

លោកតាឡាវមានអាយុ៧០ឆ្នាំ ដែលជាអ្នករៀបចំពិធីបុណ្យនិងអ្នកដាក់បាត្រមួយរូបនៅក្នុងពិធីបានប្រសាសន៍ឲ្យដឹងថា ពិធីដាក់បាត្រនេះជាទំនៀមទម្លាប់ប្រពៃណីដូនតាយើងធ្វើតៗគ្នាតាំងពីបរមបុរាណដ៏យូរអង្វែងមកម្ល៉េះ។ លោកតាបានបញ្ជាក់ថាពិធីដាក់បាត្រដែលប្រជាពលរដ្ឋប្រារព្ធធ្វើនេះ គឺដើម្បីឆ្លងឬបញ្ចប់កម្មវិធីបុណ្យ ហើយប្រមែលប្រមូលនូវបុណ្យកុសលដែលបានធ្វើក្នុងឱកាសនោះឧទ្ទិសជូនបុព្វការីជនមានមាតា បិតា ជីដូន ជីតានិងសាច់លោហិតរបស់ខ្លួនដែលបានស្លាប់ទៅហើយ។

ការរៀបចំពិធីបុណ្យទំនៀមទម្លាប់ប្រពៃណីបុរាណនៅពេលនេះ វាមានប្រយោជន៍ខ្លាំងណាស់សម្រាប់ធ្វើជាគំរូបង្ហាញនិងបញ្ជ្រាបនូវចំណេះដឹងទាក់ទងខាងវប្បធម៌ ក៏ដូចជាផ្តល់នូវបទពិសោធន៍ក្នុងការអនុវត្តជាក់ស្តែងដល់កូនចៅជំនាន់ក្រោយដែលជាទំពាំងស្នងឫស្សី ទទួលវេនបន្តថែរក្សាការពារនិងអភិរក្សវប្បធម៌នេះ ឲ្យបានគង់វង្សតទៅមុខទៀត។ ក្នុងនាមអាជ្ញាធរជាតិអប្សរាដែលជាអ្នកថែរក្សាការពារនិងអភិរក្សបេតិកភណ្ឌវប្បធម៌រូបី និងអរូបីក្នុងតំបន់រមណីយដ្ឋានអង្គរ សូមគាំទ្រយ៉ាងពេញទំហឹង ចំពោះសកម្មភាពថែរក្សាអភិរក្សវប្បធម៌សហគមន៍ ក៏ដូចជាវប្បធម៌ជាតិ៕











នៅរសៀលថ្ងៃពុធ៦កើត ខែជេស្ឋ ឆ្នាំជូតទោស័ក ព.ស.២៥៦៤ ត្រូវនឹងថ្ងៃទី២៧ ខែឧសភា ឆ្នាំ ២០២០ ព្រះសុមង្គល សិលាចារ្យ អាភាករោ ជុំ គឹមឡេង ព្រះមេគណ ខេត្ត សៀមរាប និងជាព្រះប្រធានក្រុមប្រឹក្សាកិច្ចការវត្តអារាម រួមនឹងសមាជិក បាននិមន្ដចុះទៅដល់វត្តទេពប្រណម ដែលមានទីតាំងនៅក្នុង បរិវេណ ក្រុងអង្គធំ ដេីម្បី ពិនិត្យ នូវការរៀបចំសាងសង់ ខឿនជុំវិញព្រះវិហារ និងសំណង់ មួយចំនួនទៀត ដែលកំពុងសាងសង់ដោយគ្មានការអនុញ្ញាត។
នេះជាលើកទី២ហើយដែលម្ចាស់ភោជនីយដ្ឋាន «ផ្ទះបាយតានីខ្មែរអង្គរ» បានស្ម័គ្រចិត្តរុះរើសំណង់ភោជនីយដ្ឋានចំនួនមួយខ្នងបន្ថែមទៀត ដែលជាអតីតភោជនីយដ្ឋាន «ភ្នំស្រី» ដើម្បីសម្រួលដល់ការសាងសង់ទីលានបដិសណ្ឋារកិច្ចមុខប្រាសាទអង្គរវត្ត នៅថ្ងៃទី២៧ ខែឧសភា ឆ្នាំ២០២០នេះ។
ប្រជាពលរដ្ឋដែលជាម្ចាស់ស្រុកក្នុងតំបន់អង្គរ តែងទទួលបានការយកចិត្តទុកដាក់ខ្ពស់ពីសំណាក់អាជ្ញាធរជាតិអប្សរា ក្នុងការអនុញ្ញាតជាគោលការណ៍សាងសង់លំនៅដ្ឋានរបស់ខ្លួនក៏ដូចជាសំណង់ឧបសម្ពន្ធមួយចំនួនទៀត។
នាយកដ្ឋានទ្រទ្រង់បច្ចេកទេស និងអន្តរវិស័យ របស់អាជ្ញាធរជាតិអប្សរា កំពុងចាប់ផ្ដើមអ៊ុតគំនូសចរាចរណ៍នៅលើកំណាត់ទ្រូងផ្លូវប្រវែង២១៨១ម៉ែត្រ ចាប់ពីរង្វង់មូលព្រះបាទជ័យវរ្ម័នទី៧មកដល់ចំណុចព្រលានយន្តហោះ និងកំពុងដាំឧបករណ៍ចំណាំងភ្លើង(គ្រាប់ភ្នែកកង្កែប)លើកំណាត់ទ្រូងផ្លូវប្រវែង៦៧១២ម៉ែត្រទៀត ចាប់ពីចំណុចមុខភោជនីយដ្ឋានប្រាសាទនាងពៅទៅដល់ចំណតឡាន មុខប្រាសាទអង្គរវត្ត។
អាជ្ញាធរជាតិអប្សរា មានកិត្តិយស សូមជូនដំណឹងដល់ក្រសួង ស្ថាប័នជាតិ-អន្តរជាតិ អាជ្ញាធរដែនដី មន្ទីរ-អង្គភាព សមាគមទីភ្នាក់ងារទេសចរណ៍ សមាគមមគ្គុទេសទេសចរណ៍ សមាគមដឹកជញ្ជូនភ្ញៀវទេសចរណ៍ ក្រុមហ៊ុនទេសចរណ៍ភ្ញៀវទេសចរជាតិ-អន្តរជាតិ សាធារណជន ព្រមទាំងបងប្អូនប្រជាពលរដ្ឋទាំងអស់មេត្តាជ្រាបថា អាជ្ញាធរជាតិអប្សរា នឹងបើកឲ្យដំណើរការឡើងវិញ ជូនភ្ញៀវជាតិ-អន្តរជាតិ និងសារធារណជនទាំងអស់ បានចូលទស្សនា ដោយមិនគិតថ្លៃ ចាប់ពីថ្ងៃទី ០១ ខែមិថុនា ឆ្នាំ២០២០ នេះតទៅ នៅសារមន្ទីទាំងបីរបស់អាជ្ញាធរជាតិអប្សរា។
ដើមដំបូងមុន12345...317318បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
6
ថ្ងៃនេះ
:
13297
ម្សិលមិញ
:
17743
សប្តាហ៍នេះ
:
67189
ខែនេះ
:
0215297
សរុប
:
010895950