NEWS

The English version of this website is still under construction. This section is only available in Khmer language at this stage. We apologise for any inconvenience

Published on 30 May 2016 02:35 PM Post By ៖ Apsara National Authority

ទំនៀមទម្លាប់ប្រពៃណីគឺជាអត្តសញ្ញាណមួយ ដែលធ្វើឲ្យអ្នកអង្គរមានភាពប្លែកពីតំបន់ដទៃទៀត។ បើនិយាយពីប្រពៃណីរបស់អ្នកអង្គរសព្វថ្ងៃ យើងសឹងតែអាចនិយាយបានថា វាជាផ្នែកមួយនៃអវៈយវៈរបស់ពួកគាត់ទៅហើយ ពោលគឺ មិនអាចខ្វះបានក្នុងជីវភាពប្រចាំថ្ងៃ។ ពេលខ្លះ យើងសង្កេតឃើញថា បើគាត់រវល់ណាស់ធ្វើអ្វីធំដុំមិនទាន់ ក៏គង់ធ្វើអ្វីតូចមួយមកជំនួសឲ្យសមនឹងកិច្ចពិធីនោះៗដែរ។ តែទោះយ៉ាងណា ក៏មិនចោលទំនៀមទម្លាប់ប្រពៃណីដែរ។

ជាក់ស្តែង អ្នកភូមិក្រវ៉ាន់ ដែលស្ថិតនៅជាប់នឹងប្រាសាទក្រវ៉ាន់នៃតំបន់រមណីយដ្ឋានអង្គរ ទើបតែប្រារព្ធពិធីឆ្លងចេត្រ ដែលជាបុណ្យប្រពៃណីប្រចាំឆ្នាំរបស់ខ្លួន នៅថ្ងៃទី៣០ ខែឧសភា ឆ្នាំ២០១៦នេះ។ ពិធីបុណ្យឆ្លងចេត្រ ជាធម្មតា គេតែងសង្កេតឃើញអ្នកអង្គរប្រារព្ធធ្វើក្រោយពីពិធីចូលឆ្នាំហើយមិនយូរប៉ុន្មាន ឬបើយូរណាស់ក៏គង់មិនហួសខាងខ្នើតខែពិសាខនោះដែរ ព្រោះពិធីនេះ ជាពិធីឆ្លងវដ្តរដូវនៃការងារកសិកម្ម ពោលគឺបញ្ចប់រដូវប្រកបរបរស្រែចម្ការក្នុងឆ្នាំចាស់ និងត្រៀមខ្លួនដើម្បីធ្វើស្រែក្នុងឆ្នាំថ្មីទៀត។

តាមការបញ្ជាក់របស់អ្នកភូមិ ការយឺតយ៉ាវប្រារព្ធពិធីឆ្លងចេត្រក្នុងឆ្នាំនេះ ដោយសារអាចារ្យអ្នកដឹកនាំរៀបចំកម្មវិធីមានការរវល់ ដោយអ្នកភូមិអញ្ជើញទៅរៀបចំពិធីបុណ្យផ្សេងៗច្រើនពេក រកពេលទំនេរមិនបាន ទើបចេះតែពន្យារមួយថ្ងៃហើយមួយថ្ងៃទៀត រហូតធ្លាយមកដល់រនោចខែពិសាខដូច្នេះ។ បើទោះជាធ្វើក្នុងខែពិសាខ ហើយស្ទើរតែដល់ចុងខែពិសាខដូច្នេះក្តី ក៏ពិធីនេះ នៅតែមានឈ្មោះថា ពិធីឆ្លងចេត្រដដែល ព្រោះដូចខាងដើមហើយថា ពិធីនេះជាពិធីឆ្លងវដ្តរដូវនៃការធ្វើស្រែចម្ការ មិនសំខាន់តែលើខែចេត្រនោះម្យ៉ាងនោះទេ។

ទោះជារាងយឺតយ៉ាវបន្តិចក្តី អ្នកភូមិក្រវ៉ាន់នៅតែប្រារព្ធពិធីឆ្លងចេត្រយ៉ាងសប្បាយរីករាយដូចរាល់ឆ្នាំដែរ។ ក្នុងរយៈពេលពីរថ្ងៃមួយយប់នៃពិធីនេះ នៅថ្ងៃទី១នៃពិធី យើងឃើញមានការរៀបចំពិធីសំខាន់ៗដូចជា ការរៀបចំពិធីប្រុងពលី លើងទង់ ពិធីបួសួង ពិធីបំបួសភ្នំខ្សាច់ និមន្តព្រះសង្ឃចម្រើនព្រះបរិត្ត ហើយរាំលែងកម្សាន្តក្នុងពេលរាត្រី។ កម្មវិធីពេលព្រឹក គេរៀបចំប្រគេនយាគូ នំបញ្ចុក នំបាញ់ឆែវចំពោះព្រះសង្ឃពេលព្រឹក សម្តែងព្រះធម៌ទេសនា និងរៀបចំដាក់បាត្រឆ្លងពេលថ្ងៃ ដាក់ទង់ និងផ្សឹកភ្នំខ្សាច់ដើម្បីបញ្ចប់កម្មវិធីបុណ្យ។

នេះជាពិធីមួយ ក្នុងចំណោមពិធីដែលជាទំនៀមទម្លាប់ជាច្រើនរាប់មិនអស់របស់អ្នកស្រុកអង្គរ។ តាមរយៈប្រពៃណីទាំងអស់នេះហើយ ដែលធ្វើឲ្យអង្គរទាំងមូលមានឈ្មោះថា មត៌ករស់។ ការរក្សាបាននូវមត៌ករស់ដែលមានអាយុកាលដ៏យូរលង់នេះ គឺជាមោទនភាពដ៏ក្រៃលែងរបស់ជាតិខ្មែរ ព្រោះថា ជនជាតិខ្មែរមានទំនៀមទម្លាប់ មានវប្បធម៌ មានពូជអំបូរជារបស់ខ្លួនពិតប្រាកដ។ សូមចូលរួមថែរក្សាមត៌កវប្បធម៌របស់យើងទាំងអស់គ្នា! ៕






































សេចក្ដីប្រកាសព័ត៌មានស្ដីពីការរៀបចំកិច្ចប្រជុំបច្ចេកទេសលើកទី៣៤ និងកិច្ចប្រជុំពេញអង្គលើកទី២៧ របស់គណៈកម្មាធិការអន្តរជាតិ ហៅកាត់ អាយស៊ីស៊ី-អង្គរ (ICC-Angkor)។
ក្រុមការងារបច្ចេកទេសរបស់នាយកដ្ឋានអភិរក្សប្រាសាទនៃអាជ្ញាធរជាតិអប្សរា កាលពីថ្ងៃទី១៩ ខែមករា ឆ្នាំ២០២១ បានសហការជាមួយអាជ្ញាធរមូលដ្ឋាន នគរបាលបេតិកភណ្ឌ និងភ្នាក់ងារប្រចាំការនៅប្រាសាទបន្ទាយអំពិល បានអនុវត្តការងារបោះបង្គោលកំណត់ព្រំការពារក្នុងតំបន់ការពារប្រាសាទបន្ទាយអំពិល ស្ថិតនៅក្នុងភូមិសំរោង ឃុំខ្នារពោធិ៍ ស្រុកសូទ្រនិគម ខេត្តសៀមរាប នៅខាងកើតប្រាសាទចៅស្រីវិបុល១០គីឡូម៉ែត្រ។
ក្រុមការងារនាយកដ្ឋានសណ្តាប់ធ្នាប់និងកិច្ចសហប្រតិបត្តិការនៃអាជ្ញាធរជាតិអប្សរា បានរៀបចំដាំបង្គោលឈើនៅតាមដងផ្លូវនៃប្រាសាទក្នុងតំបន់រមណីយដ្ឋានអង្គរ។--

គោលបំណងនៃការរៀបចំនេះ គឺដើម្បីបញ្ជៀសការកកស្ទះចរាចរណ៍ ធានាជូននូវសុវត្ថិភាពដល់ភ្ញៀវទេសចរក្នុងការធ្វើដំណើរ រក្សាសណ្តាប់ធ្នាប់នៃការចតយានជំនិះឱ្យមានរបៀបរៀបរយ ថែរក្សាសោភ័ណភាព ទេសភាពវប្បធម៌អង្គរឱ្យមានភាពស្រស់ស្អាតដើម្បីទាក់ទាញទេសចរ។

អាជ្ញាធរជាតិអប្សរា ក៏សូមអំពាវនាវដល់ម្ចាស់យានយន្តមួយចំនួន សូមចូលចតនិងដាក់ភ្ញៀវចុះតាមទីតាំងកំណត់ ដែលអាជ្ញាធរជាតិអប្សរាធ្វើទីចំណតឱ្យចត ជៀសវាងឱ្យមានភាពកកស្ទះ និងគ្មានសណ្ដាប់ធ្នាប់៕






















អត្ថបទ៖ កញ្ញា ឆាយ ផាន់នី
រូបភាព៖ នាយកដ្ឋានសណ្តាប់ធ្នាប់និងកិច្ចសហប្រតិបត្តិការ
ក្រុមការងារនៃនាយកដ្ឋានអភិរក្សប្រាសាទក្នុងឧទ្យានអង្គរនិងបុរាណវិទ្យាបង្ការ ភ្នាក់ងារទេសចរណ៍ ភ្នាក់ងារសណ្តាប់ធ្នាប់ និងភ្នាក់ងារព្រៃឈើ ក្រោមការដឹកនាំរបស់ឯកឧត្តម គឹម សុធិន អគ្គនាយករងអាជ្ញាធរជាតិអប្សរា រួមទាំងមានការចូលរួមពីប្រធានសាលាបារាំងចុងបូព៌ា កាលពីថ្ងៃទី២០ ខែមករា ឆ្នាំ២០២១ បានចុះរៀបចំ បោសសម្អាត រៀបចំថ្មឱ្យមានរបៀបរៀបរយ ដើម្បីត្រៀមជួសជុលអតីតទីស្នាក់ការសាលាបារាំងចុងបូព៌ា ដែលមានទីតាំងស្ថិតនៅខាងលិចប្រាសាទបាយ័ន្ត។
ថ្ងៃទី២១ ខែមករា ឆ្នាំ២០២១ ក្រុមការងារសហគមន៍នៃអាជ្ញាធរជាតិអប្សរាចំនួន២គោលដៅដែលមានការចូលរួមសហការជាមួយអាជ្ញាធរមូលដ្ឋាន បានចុះពិនិត្យ និងដោះស្រាយសំណើសុំជួសជុលផ្ទះរបស់ប្រជាពលរដ្ឋក្នុងឧទ្យានអង្គរ។
FirstPrev12345...380381NextLast

Speech of H. E. Ms. Phoeurng Sackona, President of APSARA National Authority

Weather Forecast

Angkor Code of Conduct

Angkor Code of Conduct's Video

Website Visitors

Now Online
:
8
Today
:
3854
Yesterday
:
14427
This Week
:
60910
This Month
:
0218799
Total
:
014278654