ព័ត៌មានថ្មីៗ

តាមប្រផ្នូលក្នុងព្រះរាជពិធីច្រត់ព្រះនង្គ័លឆ្នាំនេះ ស្រូវ ពោត សណ្តែក នឹងទទួលបានលទ្ធផលល្អប្រសើរ

បានផ្សាយនៅ ថ្ងៃទី 25 ខែ ឧសភា ឆ្នាំ2016 12:48 PM ដោយ ៖ អាជ្ញាធរជាតិអប្សរា
ព្រះរាជពិធីច្រត់ព្រះនង្គ័លឆ្នាំនេះ ត្រូវបានរៀបចំឡើងនៅលើទឹកដីសៀមរាបអង្គរ នៅមុខព្រះលានជល់ដំរី នាព្រឹកថ្ងៃទី២៤ ខែឧសភា ឆ្នាំ២០១៦ ត្រូវនឹងថ្ងៃ៤រោច ខែពិសាខ ពុទ្ធសករាជ ២៥៦០ ក្រោមព្រះរាជាធិបតីភាពដ៏ខ្ពង់ខ្ពស់បំផុត នៃ ព្រះករុណាព្រះបាទសម្តេចព្រះបរមនាថនរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ដោយមានការចូលរួមពីថ្នាក់ដឹកនាំ និងប្រជាពលរដ្ឋយ៉ាងច្រើនកុះករ។

ក្នុងពិធីព្រលែងគោឧសភរាជឲ្យបរិភោគអាហារ៧ប្រភេទគឺ ស្រូវ ពោត សណ្តែក ល្ង ស្មៅ ទឹក និងស្រា ឃើញថា អាហារ៣ប្រភេទគឺ ស្រូវ ពោត និងសណ្តែក ត្រូវបានគោឧសភរាជបរិភោគច្រើនជាងគេ ដែលនេះជាប្រផ្នូលថា ដំណាំទាំង៣ប្រភេទនេះនឹងទទួលបានលទ្ធផលល្អប្រសើរក្នុងឆ្នាំនេះ។

ដោយឡែក ក្រៅពីទិដ្ឋភាពច្រត់ព្រះនង្គ័ល ពិធីនេះក៏ត្រូវបានរៀបចំតាំងពិព័រណ៍សមិទ្ធផលការងារនៃបណ្តាក្រសួងមន្ទីរនានា ដែលតំណាងឲ្យដំណើរការស្ថាប័នជាតិទាំងមូលផងដែរ។ ក្នុងនាមជាដៃគូសហការរៀបចំពិធី និងជាស្ថាប័នអភិរក្សរមណីយដ្ឋានអង្គរ អាជ្ញាធរជាតិអប្សរាក៏មានស្តង់ពិព័រណ៍ដែលបង្ហាញពីរាល់សកម្មភាព និងសមិទ្ធផលនៃអាជ្ញាធរជាតិអប្សរាដូចជា៖ អំពីប្រព័ន្ធធារាសាស្ត្រអង្គរ និងវិស័យកសិកម្មក្នុងតំបន់អង្គរ អំពីកិច្ចការអភិរក្សនិងអភិវឌ្ឍន៍ប្រកបដោយចីរភាពក្នុងរមណីយដ្ឋានអង្គរ។ ក្នុងនោះដែរអាជ្ញាធរជាតិអប្សរាក៏បានតាំងបង្ហាញនូវ រូបចម្លាក់តូចៗដែលបង្ហាញអំពីកសិកម្មសម័យអង្គរនិងក្រមប្រតិបត្តិអង្គរដែលណែនាំភ្ញៀវទេសចរឱ្យយល់នូវតម្លៃអង្គរជាពិសេសទង្វើត្រូវប្រតិបត្តិពេលទស្សនាប្រាសាទ ផ្ទះខ្មែរបុរាណ និង វិធីសាស្ត្រជួសជុលអភិរក្សថ្មប្រាសាទ។

តាមរយៈស្តង់ពិព័រណ៍ទាំងនេះ មន្ត្រីជំនាញរបស់អាជ្ញាធរជាតិអប្សរាក៏បានពន្យល់ថ្វាយព្រះមហាក្សត្រ ថ្នាក់ដឹកនាំ និងភ្ញៀវជាតិ-អន្តរជាតិ ដែលបានយាង និងអញ្ជើញទស្សនាយ៉ាងលម្អិតផងដែរ។ ជាមួយគ្នានេះដែរ អាជ្ញាធរជាតិអប្សរាក៏បាន ចែកទឹកជូនបងប្អូនប្រជាពលរដ្ឋ និងភ្ញៀវទេសចរទាំងអស់ ដែលមកទស្សនាកម្មវិធីរយៈពេល៤ថ្ងៃដោយមិនគិតថ្លៃ គឺចាប់ពីថ្ងៃទី២៣រហូតដល់ថ្ងៃទី២៦ ខែឧសភា ឆ្នាំ២០១៦។ នេះជាគឺមោទនភាពដ៏ក្រៃលែង ដែលអាជ្ញាធរជាតិអប្សរាបានសហការរៀបចំព្រះរាជពិធីដ៏ប្រកបដោយខ្លឹមសារ និងរក្សាបាននូវព្រះរាជបវេណីដ៏ផូរផង់របស់ជាតិយើង៕


















































១៖ លោកជំទាវ ភឿង សកុណា ដឹកនាំកិច្ចប្រជុំជាមួយថ្នាក់ដឹកនាំអាជ្ញាធរជាតិអប្សរាតាម វីដេអូ Conference
នៅព្រឹកថ្ងៃទី២៤ ខែមិថុនា ឆ្នាំ២០២០នេះ លោកជំទាវ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ និងជាប្រធានក្រុមប្រឹក្សាភិបាលអាជ្ញាធរជាតិអប្សរា បានដឹកនាំកិច្ចប្រជុំតាមរយៈវីដេអូ Conference ជាមួយថ្នាក់ដឹកនាំក្រសួងវប្បធម៌ និងវិចិត្រសិល្បៈ និងថ្នាក់ដឹកនាំអាជ្ញាធរជាតិអប្សរា ក្នុងបំណងដើម្បីពិភាក្សាកិច្ចការ និងដោយះស្រាយការងារបន្ទាន់មួយចំនួន។
មានសភាពដូចប្រាសាទដទៃទៀតដែរ ប្រាសាទបន្ទាយក្ដីរងការខូចខាត ដួលរលំ និងទីតាំងខ្លះមានសភាពទ្រុឌទ្រោមខ្លាំង។ ថ្មីៗនេះ អាជ្ញាធរជាតិអប្សរាបានចាប់ផ្តើមការជួសជុលខ្លោងទ្វារខាងលិចប្រាសាទដោយក្រុមអ្នកជំនាញជាស្រ្ដី។
នៅថ្ងៃទី២៤ដល់២៥ ខែមិថុនា ឆ្នាំ២០២០ មជ្ឈមណ្ឌលបណ្តុះបណ្តាលអង្គរសហការជាមួយមន្ត្រីជំនាញពីក្រសួងផែនការ បានរៀបចំវគ្គបណ្តុះបណ្តាលធនធានមនុស្សស្តីពីការប្រើប្រាស់និងរៀបចំកម្មវិធីវិនិយោគសាធារណៈ៣ឆ្នាំរំកិលដល់មន្ត្រី-បុគ្គលិកអាជ្ញាធរជាតិអប្សរាចំនួន៤៥នាក់។
រថយន្តបោសសម្អាតដីនិងលាងថ្នល់មួយគ្រឿងជាអំណោយរបស់ក្រុមហ៊ុន លី ប្រាឌឺ លីមីធីដ បានប្រគល់ជូនអាជ្ញាធរជាតិអប្សរាជាផ្លូវការ នារសៀលថ្ងៃទី២៥ ខែមិថុនា ឆ្នាំ២០២០។
នៅរសៀលថ្ងៃទី២៥ ខែមិថុនា ឆ្នាំ២០២០ ឯកឧត្តម ហង់ ពៅ អគ្គនាយកអាជ្ញាធរជាតិអប្សរា បានដឹកនាំកិច្ចប្រជុំផ្ទៃក្នុង ដោយមានការចូលរួមពីអគ្គនាយករង ប្រធាននាយកដ្ឋាន មន្រ្តី-បុគ្គលិកពាក់ព័ន្ធនៅតាម នាយកដ្ឋាននីមួយៗ ក្រោមចំណុះនៃអាជ្ញាធរជាតិអប្សរា។

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
6
ថ្ងៃនេះ
:
0008
ម្សិលមិញ
:
3855
សប្តាហ៍នេះ
:
03863
ខែនេះ
:
0246602
សរុប
:
011709198