ព័ត៌មានថ្មីៗ

ពលរដ្ឋរងគ្រោះដោយសារខ្យល់រលំផ្ទះបានទទួលអំណោយសង្គ្រោះបឋមពីអាជ្ញាធរជាតិអប្សរា

បានផ្សាយនៅ ថ្ងៃទី 23 ខែ ឧសភា ឆ្នាំ2016 09:59 PM ដោយ ៖ អាជ្ញាធរជាតិអប្សរា
អាជ្ញាធរជាតិអប្សរា តាមរយៈក្រុមការងារសហគមន៍ប្រចាំស្រុកបា្រសាទបាគង នាព្រឹកថ្ងៃទី២៣ ខែឧសភានេះ បាននាំយកអំណោយសង្គ្រោះបឋមរបស់ ឯកឧត្តមបណ្ឌិតសភាចារ្យ សុខ អាន ឧបនាយករដ្ឋមន្ត្រី រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី និងជាប្រធានអាជ្ញាធរជាតិអប្សរា ទៅជូនប្រជាពលរដ្ឋមួយគ្រួសារដែលមានអាសយដ្ឋាននៅភូមិកញ្ជរ ឃុំរលួស ដែលរងគ្រោះដោយត្រូវខ្យល់ព្យុះដួលរលំផ្ទះទាំងស្រុង កាលពីដើមខែឧសភាកន្លងទៅ។

ឯកឧត្តម សុខ លក្ខិណា ទីប្រឹក្សា និងជាប្រធានក្រុមការងារប្រចាំស្រុកប្រាសាទបាគង មានប្រសាសន៍ក្នុងឱកាសចែកជូនអំណោយសង្រ្គោះបឋមនេះថា ការចែកជូនអំណោយនេះ ជាការសង្គ្រោះបឋមចំពោះប្រជាពលរដ្ឋរងគ្រោះ។ ថ្វីត្បិតវាមិនច្រើន តែវាពិតជាអាចជួយរំលែកទុក្ខលំបាករបស់ប្រជាពលរដ្ឋបានខ្លះដែរ។ ឯកឧត្តមបន្តថា អាជ្ញាធរជាតិអប្សរាមិនត្រឹមតែយកចិត្តទុកដាក់លើការងារអភិរក្សប្រាង្គប្រាសាទ ដែលជាសម្បត្តិបេតិកភណ្ឌប៉ុណ្ណោះទេ តែក៏បានយកចិត្តទុកដាក់ជាប្រចាំលើសុខទុក្ខប្រជាពលរដ្ឋដែលរស់នៅក្នុងតំបន់រមណីយដ្ឋានអង្គរផងដែរ។

លោក សាំង ហេង ដែលជាម្ចាស់ផ្ទះខាងលើបានលើកឡើងថា លោកសប្បាយចិត្តខ្លាំងណាស់ ដែលអាជ្ញាធរជាតិអប្សរាបានយកចិត្តទុកដាក់ នាំយកអំណោយមកចែកជូនដល់គ្រួសារលោក ដែលរងគ្រោះដោយសារខ្យល់ព្យុះដួលរលំផ្ទះ។ ជាមួយគ្នានេះ លោកក៏បានថ្លែងអំណរគុណចំពោះអាជ្ញាធរជាតិអប្សរា ជាពិសេសគឺ ឯកឧត្តមបណ្ឌិតសភាចារ្យ សុខ អាន និងលោកជំទាវ ដែលបានយកចិត្តទុកដាក់ចំពោះគ្រួសារលោក និងប្រជាពលរដ្ឋទូទៅក្នុងរមណីយដ្ឋានអង្គរ។

អំណោយដែលបានផ្តល់ជូនគ្រួសារជនរងគ្រោះ ដោយខ្យល់ព្យុះនេះមាន អង្ករ ៥០គីឡូក្រាម, មីខ្លាឃុំ ៣កេស , ត្រីខកំប៉ុង៤យួរ,ទឹកត្រី ៣យួរ,ទឹកម្ទេស២ដបធំ, ទឹកស៊ីអ៊ីវ៣យួរ, ប៊ីចេង៥កញ្ចប់, អំបិល៣កញ្ចប់, ស្ករស ៥គីឡូក្រាម, តង់១ , កន្ទេល១ និងថវិកាចំនួន៤០ម៉ឺនរៀល។

លោក អឿន សំអុន អនុប្រធានក្រុមលេខាធិការដ្ឋានការងារសហគមន៍នៃអាជ្ញាធរជាតិអប្សរាបានបញ្ជាក់ថា ខ្យល់ព្យុះដែលបក់បោកមកលើតំបន់អង្គរប៉ុន្មានថ្ងៃមុននេះ បានបណ្តាលឲ្យផ្ទះប្រជាពលរដ្ឋដែលកំពុងរស់នៅក្នុងតំបន់រមណីយដ្ឋានអង្គររងគ្រោះចំនួន៦១គ្រួសារ ដោយក្នុងនោះឃុំដូនកែវចំនួន៣៧គ្រួសារ រលំទាំងស្រុង១៤គ្រួសារ ឃុំខ្នាតចំនួន២៣គ្រួសារ រលំទាំងស្រុង១០គ្រួសារ និងឃុំរលួស១គ្រួសាររលំទាំងស្រុង។ បច្ចុប្បន្នក្រុមការងារសហគមន៍ កំពុងរៀបចំកញ្ចប់អំណោយសង្គ្រោះបឋមរបស់ ឯកឧត្តមបណ្ឌិតសភាចារ្យ សុខ អាន ដើម្បីចែកជូនក្រុមគ្រួសារប្រជាពលរដ្ឋរងគ្រោះជាបណ្តើរៗហើយ៕




ប្រជាពលរដ្ឋដែលរស់នៅស្របច្បាប់ក្នុងតំបន់អង្គរ មិនត្រូវបានហាមឃាត់ក្នុងការងាររុះរើផ្ទះចាស់ ដើម្បីជួសជុល ឬសាងសង់ថ្មីជំនួសនោះឡើយ។ មិនត្រឹមតែប៉ុណ្ណោះ ការសាងសង់តូចៗក៏ត្រូវបានអនុញ្ញាតដល់មូលដ្ឋានផ្ទាល់ផងដែរ តាមរយៈក្រុមការងារសហគមន៍នៃអាជ្ញាធរជាតិអប្សរានីមួយៗ ដែលចុះទៅជួបប្រជាពលរដ្ឋជារៀងរាល់សប្តាហ៍។ ការចុះប្រាស្រ័យផ្ទាល់ជាមួយប្រជាពលរដ្ឋដែលរស់នៅក្នុងតំបន់អង្គរ និងការអនុញ្ញាតសាងសង់ផ្ទាល់នៅមូលដ្ឋានគឺជាសេវាកម្មមួយដែលអាជ្ញាធរជាតិអប្សរា បានយកចិត្តទុកដាក់ជាខ្លាំងក្នុងសម្រួលការលំបាកដល់ប្រជាជនក្នុងការធ្វើដំណើរឆ្ងាយ និងរង់ចាំពេលវេលាយូរ។
នៅព្រឹកថ្ងៃទី០៦ ខែតុលា ឆ្នាំ២០១៦នេះ ក្រុមការងារសហគមន៍ទី៣ ប្រចាំស្រុកពួក ដឹកនាំដោយលោក គង់ មរកត តំណាង ឯកឧត្ដម ឈរ ថាណាត អគ្គនាយករងអាជ្ញាធរជាតិអប្សរារួមនឹងមន្ត្រីបុគ្គលិកជាច្រើនរូបទៀត បានចុះសាកសួរសុខទុក្ខប្រជាពលរដ្ឋ និងនាំយកកញ្ចប់ទ្រទ្រង់សុខុមាលភាពម្តាយ និងទារក (ឃីត) និងថវិកាមួយចំនួនទៅចែកជូនដល់ស្ត្រីទើបឆ្លងទន្លេរួចចំនួន ៣៣ គ្រួសារ នៅសាលាឃុំខ្នាត ស្រុកពួក ខេត្តសៀមរាប ។
អាជ្ញាធរជាតិអប្សរានឹងសហការជាមួយស្ថានទូតអាមេរិកប្រចាំកម្ពុជា ដើម្បីបើកវគ្គបណ្តុះបណ្តាលភាសាអង់គ្លេសដល់មន្ត្រីបុគ្គលិកបច្ចេកទេស ដើម្បីប្រើប្រាស់ក្នុងទំនាក់ទំនងទូទៅ ក៏ដូចជាពាក់ព័ន្ធនឹងការងារជំនាញរបស់ខ្លួនឲ្យបានកាន់តែប្រសើរឡើងថែមទៀត។ វគ្គបណ្តុះបណ្តាលនេះ នឹងរៀបចំឡើងនៅមជ្ឈមណ្ឌលបណ្តុះបណ្តាលអង្គរនៃអាជ្ញាធរជាតិអប្សរា ដោយមានលោកស្រី Kitty Johnson គ្រូបង្រៀនភាសាអង់គ្លេសនៅសហរដ្ឋអាមេរិកជាគ្រូបង្គោល។
អ្នកជំនាញបុរាណវិទ្យាពីររូប រួមនឹងកម្លាំងពលករជាង២០នាក់នៃអាជ្ញាធរជាតិអប្សរា កំពុងដំណើរការជួសជុលខ្លោងទ្វារទី៣ ផ្លូវចូលខាងកើត នៃប្រាសាទបន្ទាយស្រី។ ដំណើរការជួសជុលនេះក្នុងគោលបំណងធំៗចំនួនពីរគឺ កាត់បន្ថយការខូចខាតផ្ទាំងសិលាចារឹកទាំងសងខាងស្ថិតនៅលើស៊ុមទ្វារនៃច្រកចូល កណ្តាលខាងកើតពីសំណាក់ភ្ញៀវចូលទស្សនាប្រាសាទប្រចាំថ្ងៃ និងសង្រ្គោះរចនាសម្ព័ន្ធប្រាសាទដែលកំពុងរងការហានិភ័យ។
នៅព្រឹកថ្ងៃទី០៥ ខែតុលា ឆ្នាំ២០១៦នេះ ក្រុមការងារសហគមន៍ទី៥ ប្រចាំស្រុកបន្ទាយស្រី ដឹកនាំដោយ ឯកឧត្ដម ម៉ី ម៉ារ៉ាឌី ទីប្រឹក្សាអាជ្ញាធរជាតិអប្សរា និងក្រុមការងារសហគមន៍ទី០៤ ប្រចាំក្រុងសៀមរាប ដឹកនាំដោយ លោក លឹម អួក តំណាងឯកឧត្ដម ខូយ គឹមទួ ទីប្រឹក្សាអាជ្ញាធរជាតិអប្សរារួមនឹងមន្ត្រីបុគ្គលិកជាច្រើនរូបទៀត បានចុះទៅពិនិត្យសំណើសុំសាងសង់ និងជួសជុលផ្ទះរបស់ប្រជាពលរដ្ឋនៅភូមិតាកុះ ភូមិថ្នល់ទទឹង ភូមិអូរទទឹង និងភូមិប្រដាក ឃុំប្រដាក ស្រុកបន្ទាយស្រី និងនៅភូមិនគរក្រៅ សង្កាត់គោកចក ក្រុងសៀមរាប ខេត្តសៀមរាប។

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
9
ថ្ងៃនេះ
:
0195
ម្សិលមិញ
:
6621
សប្តាហ៍នេះ
:
29650
ខែនេះ
:
0187539
សរុប
:
014247394