NEWS

The English version of this website is still under construction. This section is only available in Khmer language at this stage. We apologise for any inconvenience

Published on 21 May 2016 07:24 AM Post By ៖ Apsara National Authority
កាលពីព្រឹកថ្ងៃទី២០ ខែឧសភា ឆ្នាំ២០១៦ អាជ្ញាធរជាតិអប្សរា ក្រោមការដឹកនាំរបស់ឯកឧត្តម សឹង គង់ ទីប្រឹក្សាអាជា្ញធរជាតិអប្សរា និងមន្រ្តីបុគ្គលិកអាជ្ញាធរជាតិអប្សរាមួយចំនួនទៀតបានចូលរួមពិធីរំឭកវិញ្ញាណក្ខន្ធជនរួមជាតិដែលបានស្លាប់ក្នុងរបបកម្ពុជាប្រជាធិបតេយ្យជាមួយព្រះសង្ឃ អាជា្ញធរខេត្ត មន្រ្តីជុំវិញខេត្តសិស្សានុសិស្ស ប្រជាពលរដ្ឋយ៉ាងច្រើនកុះករនៅវត្តទេពពោធិវង្សក្រុង-ខេត្តសៀមរាប។

ជារៀងរាល់ឆ្នាំ ថ្ងៃទី២០ ឧសភា គឺជាទិវាប្រារព្ធពិធីរំឭកវិញ្ញាណក្ខន្ធជនរួមជាតិ ដែលបានស្លាប់ដោយសាអំពើដ៏សាហាវឃោរឃៅយង់ឃ្នងព្រៃផ្សៃបំផុត ក្នុងរបបកម្ពុជាប្រជាធិបតេយ្យប្រល័យពូជសាសន៍ខ្មែរក្រហមដែលដឹកនាំដោយ ប៉ុល ពត អៀង សារី ខៀវ សំផន ប្រកបដោយសេចក្តីសោក ស្តាយ និងអាឡោះអាល័យយ៉ាងក្រៃលែង។

រយៈពេលជិត៤ឆ្នាំនៃរបបខ្មែរក្រហមនេះ ប្រជាជនកម្ពុជាទាំងអស់បានរស់នៅក្នុងគុកឥតជញ្ជាំងដ៏ល្វីងជូរចត់ ទទួលរងនូវទារុណកម្មគ្រប់បែបយ៉ាងនិងសោកនាដកម្មដ៏ធំធេងបំផុតសម្រាប់មនុស្សជាតិនិងសង្គមជាតិទាំងមូលតាមរយៈការបាត់បង់នូវការអភិវឌ្ឍជាតិ ការរស់នៅដូចសត្វធាតុ ការនិរាសព្រាត់ប្រាសគ្រួសារសាច់ញាតិលោហិត ឪពុកមា្តយ ប្តីប្រពន្ធ បងប្អូន កូនចៅ គួរឲ្យសោកសង្រែង ជាពិសេសការកាប់សម្លាប់ជាតិសាសន៍ឯង ពលរដ្ឋខ្លួនឯងយ៉ាងសាហាវព្រៃផ្សៃ អស់ប្រមាណជាងបីលាននាក់។

ក្រោយថ្ងៃរំដោះ ថ្ងៃ៧មករា ឆ្នាំ១៩៧៩គឺជាជ័យជំនះមួយដ៏ត្រចះត្រចង់ពិតជាបានជួយសង្រ្គោះជាតិ មាតុភូមិនិងប្រជាជនកម្ពុជាឲ្យរស់រានមានជីវិតឡើងវិញនិងបង្កលក្ខណៈសម្បត្តិឲ្យយើងទាំងអស់គ្នាបានចាប់ផ្តើមសាជាថ្មីក្នុងការអភិវឌ្ឍប្រទេសជាតនិងកសាងប្រវត្តិសាស្រ្តរបស់ខ្លួនពីបាតដៃទទេ។

នេះជាសក្ខីកម្មនៃប្រវត្តិសាស្រ្តរបស់ប្រទេសកម្ពុជាយើងក្នុងអតីតកាលដ៏ជូរចត់បំផុត ដែលយើងទាំងអស់គ្នាមិនអាចបំភ្លេចបាននិងគួរតែនឹករំឭក ព្រមទាំងចងចាំវាទុកដើម្បីកុំឲ្យយើងនិងកូនចៅយើងជំនាន់ក្រោយដើរជាន់ដានកង់ប្រវត្តិសាស្រ្តចាស់ និងគេចជៀសវាងកុំយកតម្រាប់តាមដើម្បីប្រទេសជាតិយើងមានស្ថេរភាពសុខសន្តិភាព និងចូលរួមគ្នាអភិវឌ្ឍប្រទេសជាតិយើងឲ្យមានសុខដុមរមនានិងរីកចម្រើនតទៅមុខទៀត។ មានសន្តិភាពទើបមានការអភិវឌ្ឍ៕












ក្នុងស្មារតីចូលរួមចំណែកអភិវឌ្ឍន៍ហេដ្ឋារចនាសម្ពន្ធនិងសម្បទានទេសចរណ៍នៅបរិវេណមុខប្រាសាទអង្គរវត្តជាមួយអាជ្ញាធរជាតិអប្សរា ម្ចាស់ភោជនីយដ្ឋានចំនួន៤ខ្នងបានរុះរើដោយស្ម័គ្រចិត្ត នាព្រឹកថ្ងៃទី៦ ខែកក្កដា ឆ្នាំ២០២០។
លោក ឡុង កុសល អ្នកនាំពាក្យអាជ្ញាធរជាតិអប្សរា នាព្រឹកថ្ងៃទី០៦ ខែកក្កដា ឆ្នាំ២០២០ បានអះអាងថា អាជ្ញាធរជាតិអប្សរាមិនដែលបដិសេធចំពោះសំណង់ឬអគារណា ដែលមានភាពស្របច្បាប់ ហើយស្ថិតក្រោមសមត្ថកិច្ចរបស់ខ្លួនទេ។ នេះគឺជាការឆ្លើយបំភ្លឺទាក់ទិនទៅនឹងការផ្សព្វផ្សាយនៅលើបណ្តាញព័ត៌មានសង្គមហ្វេសប៊ុកនៅថ្ងៃទី៤ ខែកក្កដា ដែលមិនមានមូលដ្ឋានច្បាស់លាស់ ឈ្មោះ វិទ្យុ នគររាជ្យ ថា “អាស្រមពើងតាអេវ ស្ថិតនៅលើភ្នំគូលេន ខេត្តសៀមរាប ត្រូវភ្លើងឆេះអស់ ព្រះសង្ឃឆាន់នៅក្រោមដើមឈើ ពុទ្ធបរិស័ទ សុំច្បាប់សាងសង់ឡើងវិញតែអជ្ញាធរជាតិអប្សរា មិនអនុញ្ញាត ចង់សួរថាមូលហេតុអ្វី?”
១៖ អគ្គនាយកអាជ្ញាធរជាតិអប្សរាដឹកនាំក្រុមការងារចុះពិនិត្យរៀបចំការងារមួយចំនួនក្នុងតំបន់រមណីយដ្ឋានអង្គរ
នៅព្រឹកថ្ងៃទី១ ខែកក្កដា ឆ្នាំ២០២០ ឯកឧត្តម ហង់ ពៅ អគ្គនាយកអាជ្ញាធរជាតិអប្សរា បានដឹកនាំក្រុមការងារចុះពិនិត្យ និងត្រៀមរៀបចំការងារមួយចំនួន នៅតាមប្រាសាទក្នុងតំបន់រមណីយដ្ឋានអង្គរ រួមមាន ការងារនៅបរិវេណខាងមុខប្រាសាទអង្គរវត្ត ទីទួលបុរាណដ្ឋានប្រាសាទបាយក្អែក ការដ្ឋានជួសជុលស្ពានហាល ការងាររៀបចំសួនបៃតង ការពង្រីកការដាំកូនឈើ និងគម្រោងសិក្សាលើកបង្គន់អនាម័យខាងត្បូងប្រាសាទអង្គរវត្ត និងការងារនៅប្រាសាទព្រះខ័នជាដើម។ សកម្មភាពនេះ ជាយន្តការក្នុងការជំរុញឱ្យការងារទាំងឡាយប្រព្រឹត្តដោយរលូន
ព្រឹកថ្ងៃទី៣ ខែកក្កដា ឆ្នាំ២០២០ នៅទីស្នាក់ការនៃអាជ្ញាធរជាតិអប្សរា មានជំនួបពិភាក្សាការងាររវាងឯកឧត្តម ហង់ ពៅ អគ្គនាយកនៃអាជ្ញាធរជាតិអប្សរា និងលោក ជា ពិសិដ្ឋ នាយករងផលិតកម្មនៃអគ្គិសនីកម្ពុជា អំពីការចូលរួមរបស់អាជ្ញាធរជាតិអប្សរាក្នុងការបង្កើតវត្ថុដាក់តាំងបង្ហាញនៅក្នុងសារមន្ទីរថាមពលកកើតឡើងវិញ និងឧទ្យានជាតិសម្តេច ហ៊ុន សែន កំពត។
យោងតាមរបាយការណ៍៦ខែដំបូងនៃឆ្នាំ២០២០ ក្រុមការងារលេខាធិការដ្ឋានសហគមន៍ទាំង៥ក្រុមនៃអាជ្ញាធរជាតិអប្សរាបានបន្តការងារចុះពិនិត្យ ការជួសជុលកែលម្អលំនៅដ្ឋាននិងសាងសង់សំណង់ស្រាលតូចតាចក្នុងតំបន់រមណីយដ្ឋានបេតិកភណ្ឌពិភពលោកអង្គរចំនួន២៦៣៩គ្រួសារ ក្នុងនោះបានអនុញ្ញាតមានចំនួន១៩៥៩គ្រួសារ ។
FirstPrev12345...327328NextLast

Speech of H. E. Ms. Phoeurng Sackona, President of APSARA National Authority

Weather Forecast

Angkor Code of Conduct

Angkor Code of Conduct's Video

Website Visitors

Now Online
:
7
Today
:
20076
Yesterday
:
24645
This Week
:
20076
This Month
:
0137375
Total
:
011599971