NEWS

The English version of this website is still under construction. This section is only available in Khmer language at this stage. We apologise for any inconvenience

Published on 19 May 2016 02:26 PM Post By ៖ Apsara National Authority
ក្រុមអ្នកជំនាញបុរាណវិទ្យានៃអាជ្ញាធរជាតិអប្សរា កំពុងធ្វើកំណាយបន្ទាន់មួយនៅលើទំនប់ត្រពាំងខ្មោច ដែលស្ថិតនៅក្នុងភូមិស្រះស្រង់ខាងត្បូង សង្កាត់នគរធំ ក្រុងសៀមរាប មុននឹងអនុញ្ញាតឲ្យអាជ្ញាធរមូលដ្ឋាននៃសង្កាត់នគរធំ ធ្វើការស្តារឡើងវិញ។ ការធ្វើកំណាយនៅពេលនេះ ដើម្បីស្តារត្រពាំងបុរាណឡើងវិញនៅពេលនេះ គឺ ស្របតាមការអំពាវនាវរបស់ប្រមុខរាជរដ្ឋាភិបាលកម្ពុជា ខណៈពេលដែលកម្ពុជាកំពុងជួបប្រទះនឹងគ្រោះរាំងស្ងួត ដើម្បីឲ្យស្ថាប័នគ្រប់ជាន់ថ្នាក់យកចិត្តទុកដាក់ស្តារត្រពាំង និងស្រះបុរាណឡើងវិញសម្រាប់ទប់ទឹកប្រើប្រាស់កុំឲ្យខ្វះខាតនាឆ្នាំខាងមុខៗ។

លោក ង៉ា ចុង ចៅសង្កាត់នគរធំ បានរៀបរាប់ថា ត្រពាំងខ្មោចជាត្រពាំងបុរាណ ហើយបច្ចុប្បន្នបានលុបស្ទើរតែទាំងស្រុង ប្រជាពលរដ្ឋបានធ្វើស្រែក្នុងត្រពាំងនេះជារៀងរាល់ឆ្នាំទៀតផង។ ដើម្បីកុំឲ្យត្រពាំងបុរាណនេះលុបបាត់ ទើបសហគមន៍ភូមិសង្កាត់ មានគម្រោងស្តារបង្កើតជារមណីយដ្ឋានដាក់ទឹក ដាក់ត្រី ឲ្យបានខួបប្រាំងខួបវស្សា បម្រើផលប្រយោជន៍សហគមន៍ និងដោះស្រាយជីវភាពជូនប្រជាពលរដ្ឋ កុំឲ្យប្រជាពលរដ្ឋធ្វើចំណាកស្រុក។

លោក ថូ ថុន អ្នកជំនាញបុរាណវិទ្យាដែលកំពុងដឹកនាំការធ្វើកំណាយ បានឲ្យដឹងនៅរសៀលថ្ងៃទី១៨ ខែឧសភា ឆ្នាំ២០១៦នេះថា ក្រុមការងាររបស់លោកកំពុងធ្វើកំណាយស្រាវជ្រាវផ្នែកបុរាណវិទ្យានៅលើទីទួលទំនប់នៃត្រពាំង និងចំកណ្តាលត្រពាំង ដើម្បីបង្ការការប៉ះពាល់ណាមួយ មុនពេលដែលអនុញ្ញាតឲ្យមានការស្តារត្រពាំងឡើងវិញ។ លោក ថុន រៀបរាប់ថា ការធ្វើកំណាយនេះ ក៏ក្នុងគោលបំណងដឹងពីកំណកបង្គរដីក្នុងត្រពាំងបុរាណ ហើយនឹងផ្តល់អនុសាសន៍ដល់អាជ្ញាធរមូលដ្ឋានថា តើគួរជីកត្រពាំងនេះឡើងវិញក្នុងជម្រៅណា ដែលសមស្រប និងមិនធ្វើឲ្យប៉ះពាល់ទេសភាពវប្បធម៌នៃរមណីយដ្ឋានអង្គរ។

លោកបន្ថែមថា ដោយសារកំណាយនេះត្រូវធ្វើបន្ទាន់ឆ្លើយតបនឹងសំណើសុំរបស់ចៅសង្កាត់ និងដោយយល់ថា ត្រពាំងបុរាណមិនមានផលប៉ះពាល់ផ្នែកបុរាណវិទ្យាខ្លាំងដូចទួលប្រាសាទជាដើមនោះ ទើបក្រុមការងារសម្រេចធ្វើកំណាយដោយប្រើគ្រឿងចក្រ ជំនួសឲ្យការធ្វើកំណាយដោយដៃដែលអាចចំណាយពេលយូរដល់ទៅរាប់ខែ។ អ្នកដឹកនាំកំណាយរូបនេះបញ្ជាក់ថា ការធ្វើកំណាយរបស់ក្រុមលោកនឹងបញ្ចប់ក្នុងពេលប្រហែល១សប្តាហ៍ទៀត ហើយបន្តពីនោះ អាជ្ញាធរមូលដ្ឋានអាចចាប់ផ្តើមស្តារត្រពាំងបុរាណនេះឡើងវិញបានហើយ។

លោក ញ៉ែម រស្មី មន្ត្រីជំនាញនៃនាយកដ្ឋានគ្រប់គ្រងទឹកអះអាងថា ការស្តារត្រពាំងបុរាណនេះគឺជួយដល់កិច្ចការអភិរក្សត្រពាំង ព្រោះការស្តារនេះនឹងធ្វើឲ្យត្រពាំងស្ថិតនៅយូរអង្វែងតទៅទៀត មិនក្លាយជាវាលស្រែ ឬជាទីសាងសង់លំនៅឋានរបស់ប្រជាពលរដ្ឋ។

ត្រពាំងខ្មោចមានទីតាំងនៅខាងកើតប្រាសាទបាតជុំ មានបណ្តោយ៣៨៧ម៉ែត្រ និងទទឹង១៧៤ម៉ែត្រ។ សព្វថ្ងៃត្រពាំងនេះរាក់ស្ទើរតែមើលលែងស្គាល់ថាជាត្រពាំងទៅហើយ ព្រមទាំងមានប្រជាពលរដ្ឋចូលទៅធ្វើស្រែទៀតផង។ ការផ្តួចផ្តើមក្នុងការស្តារត្រពាំងបុរាណរបស់សហគមន៍នៅពេលនេះ ជាការឆ្លុះបញ្ចាំងឲ្យឃើញពីការយកចិត្តទុកដាក់ស្រឡាញ់ថែរក្សាមត៌កដូនតា។ នេះជាសកម្មភាពចូលរួមអភិរក្សរបស់សហគមន៍ដែលគួរឲ្យលើកទឹកចិត្តគ្រប់មជ្ឈដ្ឋានទាំងអស់៕













ក្នុងស្មារតីចូលរួមចំណែកអភិវឌ្ឍន៍ហេដ្ឋារចនាសម្ពន្ធនិងសម្បទានទេសចរណ៍នៅបរិវេណមុខប្រាសាទអង្គរវត្តជាមួយអាជ្ញាធរជាតិអប្សរា ម្ចាស់ភោជនីយដ្ឋានចំនួន៤ខ្នងបានរុះរើដោយស្ម័គ្រចិត្ត នាព្រឹកថ្ងៃទី៦ ខែកក្កដា ឆ្នាំ២០២០។
លោក ឡុង កុសល អ្នកនាំពាក្យអាជ្ញាធរជាតិអប្សរា នាព្រឹកថ្ងៃទី០៦ ខែកក្កដា ឆ្នាំ២០២០ បានអះអាងថា អាជ្ញាធរជាតិអប្សរាមិនដែលបដិសេធចំពោះសំណង់ឬអគារណា ដែលមានភាពស្របច្បាប់ ហើយស្ថិតក្រោមសមត្ថកិច្ចរបស់ខ្លួនទេ។ នេះគឺជាការឆ្លើយបំភ្លឺទាក់ទិនទៅនឹងការផ្សព្វផ្សាយនៅលើបណ្តាញព័ត៌មានសង្គមហ្វេសប៊ុកនៅថ្ងៃទី៤ ខែកក្កដា ដែលមិនមានមូលដ្ឋានច្បាស់លាស់ ឈ្មោះ វិទ្យុ នគររាជ្យ ថា “អាស្រមពើងតាអេវ ស្ថិតនៅលើភ្នំគូលេន ខេត្តសៀមរាប ត្រូវភ្លើងឆេះអស់ ព្រះសង្ឃឆាន់នៅក្រោមដើមឈើ ពុទ្ធបរិស័ទ សុំច្បាប់សាងសង់ឡើងវិញតែអជ្ញាធរជាតិអប្សរា មិនអនុញ្ញាត ចង់សួរថាមូលហេតុអ្វី?”
១៖ អគ្គនាយកអាជ្ញាធរជាតិអប្សរាដឹកនាំក្រុមការងារចុះពិនិត្យរៀបចំការងារមួយចំនួនក្នុងតំបន់រមណីយដ្ឋានអង្គរ
នៅព្រឹកថ្ងៃទី១ ខែកក្កដា ឆ្នាំ២០២០ ឯកឧត្តម ហង់ ពៅ អគ្គនាយកអាជ្ញាធរជាតិអប្សរា បានដឹកនាំក្រុមការងារចុះពិនិត្យ និងត្រៀមរៀបចំការងារមួយចំនួន នៅតាមប្រាសាទក្នុងតំបន់រមណីយដ្ឋានអង្គរ រួមមាន ការងារនៅបរិវេណខាងមុខប្រាសាទអង្គរវត្ត ទីទួលបុរាណដ្ឋានប្រាសាទបាយក្អែក ការដ្ឋានជួសជុលស្ពានហាល ការងាររៀបចំសួនបៃតង ការពង្រីកការដាំកូនឈើ និងគម្រោងសិក្សាលើកបង្គន់អនាម័យខាងត្បូងប្រាសាទអង្គរវត្ត និងការងារនៅប្រាសាទព្រះខ័នជាដើម។ សកម្មភាពនេះ ជាយន្តការក្នុងការជំរុញឱ្យការងារទាំងឡាយប្រព្រឹត្តដោយរលូន
ព្រឹកថ្ងៃទី៣ ខែកក្កដា ឆ្នាំ២០២០ នៅទីស្នាក់ការនៃអាជ្ញាធរជាតិអប្សរា មានជំនួបពិភាក្សាការងាររវាងឯកឧត្តម ហង់ ពៅ អគ្គនាយកនៃអាជ្ញាធរជាតិអប្សរា និងលោក ជា ពិសិដ្ឋ នាយករងផលិតកម្មនៃអគ្គិសនីកម្ពុជា អំពីការចូលរួមរបស់អាជ្ញាធរជាតិអប្សរាក្នុងការបង្កើតវត្ថុដាក់តាំងបង្ហាញនៅក្នុងសារមន្ទីរថាមពលកកើតឡើងវិញ និងឧទ្យានជាតិសម្តេច ហ៊ុន សែន កំពត។
យោងតាមរបាយការណ៍៦ខែដំបូងនៃឆ្នាំ២០២០ ក្រុមការងារលេខាធិការដ្ឋានសហគមន៍ទាំង៥ក្រុមនៃអាជ្ញាធរជាតិអប្សរាបានបន្តការងារចុះពិនិត្យ ការជួសជុលកែលម្អលំនៅដ្ឋាននិងសាងសង់សំណង់ស្រាលតូចតាចក្នុងតំបន់រមណីយដ្ឋានបេតិកភណ្ឌពិភពលោកអង្គរចំនួន២៦៣៩គ្រួសារ ក្នុងនោះបានអនុញ្ញាតមានចំនួន១៩៥៩គ្រួសារ ។
FirstPrev12345...327328NextLast

Speech of H. E. Ms. Phoeurng Sackona, President of APSARA National Authority

Weather Forecast

Angkor Code of Conduct

Angkor Code of Conduct's Video

Website Visitors

Now Online
:
6
Today
:
21045
Yesterday
:
24645
This Week
:
21045
This Month
:
0138344
Total
:
011600940