NEWS

The English version of this website is still under construction. This section is only available in Khmer language at this stage. We apologise for any inconvenience

Published on 12 May 2016 03:20 PM Post By ៖ Apsara National Authority

នៅព្រឹកថ្ងៃទី១២ ខែឧសភា ឆ្នាំ២០១៦នេះ អាជ្ញាធរជាតិអប្សរា បានចែករំលែកបទពិសោធន៍នៃការគ្រប់គ្រងតំបន់រមណីយដ្ឋានអង្គរ ជូនចំពោះគណៈប្រតិភូនៃប្រទេសហ្វីលីពីន នៅទីស្នាក់ការនៃអាជ្ញាធរជាតិអប្សរា។

ប្រធានបទចំនួន៤ដែលត្រូវបានលើកមកធ្វើបទបង្ហាញ ដោយអ្នកជំនាញនៃអាជ្ញាធរជាតិអប្សរាគឺ អាជ្ញាធរជាតិអប្សរានិងបេសកកម្មរបស់ខ្លួនរយៈពេលជាង២០ឆ្នាំកន្លងមក ដែលបង្ហាញដោយឯកឧត្តម ហុក ប៉េងសែ អគ្គនាយករង និងប្រធានបទចំនួន៣ផ្សេងទៀត ដែលបង្ហាញដោយអ្នកជំនាញនៃអាជ្ញាធរជាតិអប្សរាគឺ កិច្ចការជួសជុលនិងថែរក្សាប្រាង្គប្រាសាទក្នុងតំបន់រមណីយដ្ឋានអង្គរ ការអភិវឌ្ឍនិងគ្រប់គ្រងទេសចរណ៍អង្គរ និងជាចុងក្រោយគឺ ការងារសហគមន៍ក្នុងតំបន់អង្គរ។

ប្រតិភូទាំង១០រូបនៃប្រទេសហ្វីលីពីន ដែលដឹកនាំដោយលោក Atty. Guiller Asido ប្រធានប្រតិបត្តិនៃអាជ្ញាធរជាតិរៀបចំហេដ្ឋារចនាសម្ព័ន្ធទេសចរ និងតំបន់សហគ្រាស (TIEZA) គឺជាក្រុមការងារដែលមកបំពេញទស្សនកិច្ចកម្ពុជាតាមរយៈកម្មវិធីការអនុវត្តកិច្ចសហការប្រតិបត្តិការទេសចរណ៍ឆ្នាំ២០១៦-២០២០ រវាងប្រទេសហ្វីលីពីន និងប្រទេសកម្ពុជា ដែលរៀបចំឡើងដោយក្រសួងទេសចរណ៍។

ក្រោយពីស្តាប់បង្ហាញ និងសាកសួរសំណួរផ្សេងៗហើយ គណៈប្រតិភូនៃប្រទេសហ្វីលីពីនបានធ្វើដំណើរទៅទស្សនាប្រាង្គប្រាសាទនានានៃរមណីយដ្ឋានអង្គរជាបន្តទៀត។ នេះមិនមែនជាលើកទី១ទេ ដែលអាជ្ញាធរជាតិអប្សរាបានដើរតួនាទីជាអ្នកចែករំលែកបទពិសោធន៍ លើការអភិរក្ស និងជួសជុលប្រាង្គប្រាសាទបុរាណ ដល់បណ្តាប្រទេសផ្សេងៗ។ កន្លងមក អាជ្ញាធរជាតិអប្សរាក៏ធ្លាប់បានចែករំលែកបទពិសោធន៍របៀបនេះ ដល់បណ្តាប្រទេសក្នុងតំបន់អាស៊ានដូចជា ប្រទេសភូមា ប្រទេសឥណ្ឌូណេស៊ី ប្រទេសសិង្ហបុរីជាដើម៕












អាជ្ញាធរជាតិអប្សរាបានបន្តចែកជូនកូនឈើដល់សាធារណជន ហើយរយៈពេល៣ថ្ងៃគឺពីថ្ងៃទី១០ ដល់ទី១២ ខែសីហា ឆ្នាំ២០២០ កូនឈើចំនួន៣,៤០០ដើមទៀត ត្រូវបានចែកចាយ។
ក្នុងគោលបំណងសង្គ្រោះរចនាសម្ពន្ធស្ពានហាលខាងលិចប្រាសាទអង្គរវត្តកុំឱ្យថ្មងាយខូចពុកផុយដោយសារបញ្ហាទឹកដក់ ទឹកហូរច្រោះនារដូវវស្សា នាយកដ្ឋានគ្រប់គ្រងទឹកនៃអាជ្ញាធរជាតិអប្សរា បានជួសជុលនិងស្តារប្រព័ន្ធបង្ហូរទឹកចាស់នៅលើស្ពានហាលឱ្យដំណើការឡើងវិញ។ ប្រព័ន្ធបង្ហូរទឹកនេះត្រូវបានបារាំងរៀបចំឡើងនៅពេលជួសជុលស្ពានហាលកាលពីពេលកន្លងមក ប៉ុន្តែពុំបានបន្សល់ទុកនូវប្លង់បច្ចេកទេសលម្អិតទេ។
នៅព្រឹកថ្ងៃទី១២ ខែសីហា ឆ្នាំ២០២០ នៅស្នាក់ការអាជ្ញាធរជាតិអប្សរា បានរៀបចំសិក្ខាសាលាផ្ទៃក្នុងស្ដីពី «ប្រព័ន្ធគ្រប់គ្រងបរិស្ថានអង្គរ»។ សិក្ខាសាលានេះមានគោលបំណងផ្សព្វផ្សាយសៀវភៅប្រើប្រាស់ប្រព័ន្ធគ្រប់គ្រងបរិស្ថាន-អង្គរ ស្វែងយល់ និងចូលរួមការពារបរិស្ថានក្នុងតំបន់អង្គរ។
នាព្រឹកថ្ងៃទី១២ ខែសីហា ឆ្នាំ២០២០ ឯកឧត្តម ហង់ ពៅ អគ្គនាយកអាជ្ញាធរជាតិអប្សរា បានដឹកនាំកិច្ចប្រជុំជាមួយភ្នាក់ងារទេសចរណ៍នៃនាយកដ្ឋានអភិវឌ្ឍន៍ទេសចរណ៍អង្គរ ដើម្បីពិនិត្យមើលការវិវត្តនៃការងារទូទៅ ក៏ដូចជាស្វែងយល់ពីផលលំបាកនិងបញ្ហាប្រឈមនានាដែលក្រុមការងារភ្នាក់ងារទេសចរណ៍តែងជួបប្រទះជាប្រចាំ។
ក្នុងគោលបំណងស្ដារគម្របព្រៃឈើក្នុងតំបន់ការពាររមណីយដ្ឋានបេតិកភណ្ឌពិភពលោកអង្គរឲ្យកាន់តែច្រើនឡើង និងបំផុសស្មារតីឲ្យមានការចូលរួមរបស់ប្រជាពលរដ្ឋអំពីកិច្ចការបរិស្ថាន។ ក្នុងន័យនេះ ចាប់ពីខែមិថុនាមកដល់បច្ចុប្បន្ន គឺមានរយៈពេលជាង២ខែមកហើយដែលអាជ្ញាធរជាតិអប្សរា បានចែកកូនឈើជាង៧ម៉ឺនដើមដល់អង្គភាពរដ្ឋ អង្គការ សហគមន៍ សាលារៀន វត្តអារាម វិស័យឯកជន និងសាធារណជនទូទៅដែលបានដាក់ពាក្យស្នើសុំយកទៅដាំនៅតាមតំបន់ផ្សេងៗទាំងក្នុងខេត្តសៀមរាប និងខេត្តមួយចំនួនក្នុងប្រទេសកម្ពុជា។
FirstPrev12345...338339NextLast

Speech of H. E. Ms. Phoeurng Sackona, President of APSARA National Authority

Weather Forecast

Angkor Code of Conduct

Angkor Code of Conduct's Video

Website Visitors

Now Online
:
3
Today
:
2926
Yesterday
:
5945
This Week
:
27012
This Month
:
0253876
Total
:
012079507