ព័ត៌មានថ្មីៗ

អាជ្ញាធរជាតិអប្សរាចុះចែកជូនទឹកដល់ប្រជាពលរដ្ឋក្នុងភូមិប្រិយថ្មី

បានផ្សាយនៅ ថ្ងៃទី 04 ខែ ឧសភា ឆ្នាំ2016 08:32 AM ដោយ ៖ អាជ្ញាធរជាតិអប្សរា

នៅថ្ងៃទី៣ ខែឧសភា ឆ្នាំ២០១៦នេះ មន្ត្រីអាជ្ញាធរជាតិអប្សរា ដោយមានការចូលរួមឯកឧត្តម ខូយ គឹមទួ ទីប្រឹក្សា និងជាប្រធានក្រុមការងារសហគមន៍អាជ្ញាធរជាតិអប្សរាប្រចាំក្រុងសៀមរាប និងលោក ឡុង កុសល ប្រធាននាយកដ្ឋានផ្សព្វផ្សាយ បានចុះចែកជូនទឹកប្រមាណជិត១៦០០០លីត ស្មើនឹង ៤ ឡាន ដល់ប្រជាពលរដ្ឋ ដែលស្ថិតនៅក្នុងភូមិប្រិយថ្មី សង្កាត់ទឹកវិល ក្រុងសៀមរាប ខេត្តសៀមរាប។

ការទឹកចែកជូនទឹកប្រជាពលរដ្ឋនៅពេលនេះ គឺស្របពេលដែលប្រជាពលរដ្ឋកំពុងជួបប្រទះការរីងស្រះអណ្តូង និងប្រភពទឹកផ្សេងៗក្នុងភូមិ និងដោយសារអាកាសធាតុក្តៅហួតហែងខុសប្រក្រតី។ ការផ្តល់ទឹកនេះត្រូវបានធ្វើឡើងតាមរយៈការចែកជូនដល់ខ្នងផ្ទះរបស់ប្រជាពលរដ្ឋផ្ទាល់ ហើយលើសពីនេះទៀត ក្រុមការងាររបស់អាជ្ញាធរជាតិអប្សរា បានចែកទឹកជូនទឹកដល់កុមារកំព្រាចំនួន៣០រូប ដែលរស់នៅក្នុងមណ្ឌល និងដល់សាលារៀនដែលមានសិស្សចំនួន៧០រូបផងដែរ។ នេះ ជាការរួមចំណែកជាមួយរាជរដ្ឋាភិបាលក្នុងការជួយសង្គម និងជាការផ្តល់ក្តីសង្ឃឹមដល់ប្រជាពលរដ្ឋ មិនធ្វើឱ្យប្រជាពលរដ្ឋភ័យខ្លាចចំពោះការអត់ទឹកប្រើប្រាស់។

លោកស្រី ជា ភឿយ ជំទប់ទី២ នៃសង្កាត់ទឹកវិលបានលើកឡើង លោកស្រីសូមថ្លែងអំណរគុណចំពោះអាជ្ញាធរជាតិអប្សរាដែលបានដឹកជញ្ជូនទឹកចែកជូនដល់ផ្ទះរបស់ប្រជាពលរដ្ឋផ្ទាល់។ លោកស្រីបានបន្តថា ប្រជាពលរដ្ឋក្នុងភូមិប្រិយថ្មីទាំងមូលនេះ មានបញ្ហាជួបប្រទះនឹងការខ្វះទឹកប្រើប្រាស់ បើទោះបីជាកន្លងមករដ្ឋាករទឹកបានតបណ្តាញប្រព័ន្ធទឹកឱ្យជូនប្រជាពលរដ្ឋបានប្រើប្រាស់មួយចំនួនហើយក៏ដោយ តែមួយចំនួនទៀត ដូចជាអ្នកភូមិប្រិយថ្មីនេះជាដើម ពួកគាត់ខ្វះមធ្យោបាយក្នុងដឹកជញ្ជូនទឹកពីកន្លែងរដ្ឋាករផ្តល់ឱ្យ ដូច្នេះហើយបញ្ហាកង្វះទឹកនៅតែជាបញ្ហាប្រឈមសម្រាប់ពួកគាត់ដដែល។

បងស្រី ម៉ុច ដែលអូសរទេះមកដឹកទឹក ដោយមានកូនតូចៗជិះលើរទេះផង រៀបរាប់ទាំងមុខរីករាយថា “គ្រួសារខ្ញុំមានគ្នាច្រើន កូនចៅតូចៗក៏ច្រើន ដាច់ទឹកមិនបានទេ ចឹងហើយបានជាខំមកដឹកនឹងគេ ពេលឮថាខាងអប្សរាគេមកចែកទឹក។ ឥឡូវមិនហ៊ានប្រើច្រើនទេ សន្សំសំចៃខ្លាំងណាស់”៕












សេចក្ដីប្រកាសព័ត៌មាន
( ថ្ងៃទី 22 ខែ មករា ឆ្នាំ2021 )
សេចក្ដីប្រកាសព័ត៌មានស្ដីពីការរៀបចំកិច្ចប្រជុំបច្ចេកទេសលើកទី៣៤ និងកិច្ចប្រជុំពេញអង្គលើកទី២៧ របស់គណៈកម្មាធិការអន្តរជាតិ ហៅកាត់ អាយស៊ីស៊ី-អង្គរ (ICC-Angkor)។
ក្រុមការងារបច្ចេកទេសរបស់នាយកដ្ឋានអភិរក្សប្រាសាទនៃអាជ្ញាធរជាតិអប្សរា កាលពីថ្ងៃទី១៩ ខែមករា ឆ្នាំ២០២១ បានសហការជាមួយអាជ្ញាធរមូលដ្ឋាន នគរបាលបេតិកភណ្ឌ និងភ្នាក់ងារប្រចាំការនៅប្រាសាទបន្ទាយអំពិល បានអនុវត្តការងារបោះបង្គោលកំណត់ព្រំការពារក្នុងតំបន់ការពារប្រាសាទបន្ទាយអំពិល ស្ថិតនៅក្នុងភូមិសំរោង ឃុំខ្នារពោធិ៍ ស្រុកសូទ្រនិគម ខេត្តសៀមរាប នៅខាងកើតប្រាសាទចៅស្រីវិបុល១០គីឡូម៉ែត្រ។
ក្រុមការងារនាយកដ្ឋានសណ្តាប់ធ្នាប់និងកិច្ចសហប្រតិបត្តិការនៃអាជ្ញាធរជាតិអប្សរា បានរៀបចំដាំបង្គោលឈើនៅតាមដងផ្លូវនៃប្រាសាទក្នុងតំបន់រមណីយដ្ឋានអង្គរ។--

គោលបំណងនៃការរៀបចំនេះ គឺដើម្បីបញ្ជៀសការកកស្ទះចរាចរណ៍ ធានាជូននូវសុវត្ថិភាពដល់ភ្ញៀវទេសចរក្នុងការធ្វើដំណើរ រក្សាសណ្តាប់ធ្នាប់នៃការចតយានជំនិះឱ្យមានរបៀបរៀបរយ ថែរក្សាសោភ័ណភាព ទេសភាពវប្បធម៌អង្គរឱ្យមានភាពស្រស់ស្អាតដើម្បីទាក់ទាញទេសចរ។

អាជ្ញាធរជាតិអប្សរា ក៏សូមអំពាវនាវដល់ម្ចាស់យានយន្តមួយចំនួន សូមចូលចតនិងដាក់ភ្ញៀវចុះតាមទីតាំងកំណត់ ដែលអាជ្ញាធរជាតិអប្សរាធ្វើទីចំណតឱ្យចត ជៀសវាងឱ្យមានភាពកកស្ទះ និងគ្មានសណ្ដាប់ធ្នាប់៕






















អត្ថបទ៖ កញ្ញា ឆាយ ផាន់នី
រូបភាព៖ នាយកដ្ឋានសណ្តាប់ធ្នាប់និងកិច្ចសហប្រតិបត្តិការ
ក្រុមការងារនៃនាយកដ្ឋានអភិរក្សប្រាសាទក្នុងឧទ្យានអង្គរនិងបុរាណវិទ្យាបង្ការ ភ្នាក់ងារទេសចរណ៍ ភ្នាក់ងារសណ្តាប់ធ្នាប់ និងភ្នាក់ងារព្រៃឈើ ក្រោមការដឹកនាំរបស់ឯកឧត្តម គឹម សុធិន អគ្គនាយករងអាជ្ញាធរជាតិអប្សរា រួមទាំងមានការចូលរួមពីប្រធានសាលាបារាំងចុងបូព៌ា កាលពីថ្ងៃទី២០ ខែមករា ឆ្នាំ២០២១ បានចុះរៀបចំ បោសសម្អាត រៀបចំថ្មឱ្យមានរបៀបរៀបរយ ដើម្បីត្រៀមជួសជុលអតីតទីស្នាក់ការសាលាបារាំងចុងបូព៌ា ដែលមានទីតាំងស្ថិតនៅខាងលិចប្រាសាទបាយ័ន្ត។
ថ្ងៃទី២១ ខែមករា ឆ្នាំ២០២១ ក្រុមការងារសហគមន៍នៃអាជ្ញាធរជាតិអប្សរាចំនួន២គោលដៅដែលមានការចូលរួមសហការជាមួយអាជ្ញាធរមូលដ្ឋាន បានចុះពិនិត្យ និងដោះស្រាយសំណើសុំជួសជុលផ្ទះរបស់ប្រជាពលរដ្ឋក្នុងឧទ្យានអង្គរ។
ដើមដំបូងមុន12345...380381បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
4
ថ្ងៃនេះ
:
9753
ម្សិលមិញ
:
13174
សប្តាហ៍នេះ
:
52382
ខែនេះ
:
0210271
សរុប
:
014270126