ព័ត៌មានថ្មីៗ

អាជ្ញាធរជាតិអប្សរាចែកទឹកប្រជាពលរដ្ឋក្នុង ភូមិប្រិយ៍ថ្មីដែលកំពុងជួបកង្វះទឹក

បានផ្សាយនៅ ថ្ងៃទី 01 ខែ ឧសភា ឆ្នាំ2016 10:09 PM ដោយ ៖ អាជ្ញាធរជាតិអប្សរា
បច្ចុប្បន្នអាកាសធាតុក្តៅហួតហែង បានបង្កឱ្យមានកង្វះទឹកស្ទើរគ្រប់ខេត្តក្រុងក្នុងប្រទេសកម្ពុជា ពិសេសតំបន់មួយចំនួននៃខេត្តសៀមរាបក៏រងនូវផលប៉ះពាល់នេះដែរ ដែលបណ្តាលឱ្យសត្វ រុក្ខជាតិស្លាប់ជាហូរហែរ និងធ្វើឱ្យមនុស្សពិបាកក្នុងការរស់នៅ។ 

ស្របតាមបញ្ហាដែលកំពុងកើតឡើងនិងតម្រូវការជាក់ស្តែងរបស់ប្រជាពលរដ្ឋកំពុងត្រូវការប្រើប្រាស់ទឹកជាចាំបាច់នោះ នៅថ្ងៃទី២៩ ខែមេសា ឆ្នាំ២០១៥ អាជ្ញាធរជាតិអប្សរាបានយកទឹកស្អាតចំនួន២ឡាន ចំណុះ៧០០០លីត្រ ទៅចែកជូនប្រជាពលរដ្ឋនៅភូមិប្រិយ៍ថ្មី ដែលកំពុងជួបកង្វះខាតទឹកប្រើប្រាស់។ ចំណែក ប្រជាជនខ្លះដែលគ្មានមធ្យោបាយដឹកទឹកបាន អាជ្ញាធរជាតិអប្សរាក៏បានជួយសម្រួលក្នុងការដឹកជញ្ជូនទឹកជូនពួកគាត់ដល់ទីកន្លែងផងដែរ។

សកម្មភាពភាពនេះបានធ្វើឱ្យប្រជាពលរដ្ឋក្នុងភូមិប្រិយ៍ថ្មី សម្តែងនូវអំណរសាទរជាខ្លាំងចំពោះអាជ្ញាធរជាតិអប្សរាដែលបានជួយដោះស្រាយបញ្ហាកង្វះទឹកទាន់ពេលវេលា ហើយក្រៅពីសកម្មភាពនេះដែរ អ្នកភូមិប្រិយ៍ថ្មីក៏ធ្លាប់បានទទួលកញ្ចប់គាំពារសុខុមាលភាពមាតានិងទារក ដែលជាអំណោយរបស់ឯកឧត្តមឧបនាយករដ្ឋមន្ត្រី សុខ អាន រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី និងជាប្រធានអាជ្ញាធរជាតិអប្សរាជាច្រើនផងដែរ។

នេះសរបញ្ជាក់ឱ្យឃើញពីការយកចិត្តទុកដាក់របស់អាជ្ញាធរជាតិអប្សរាចំពោះប្រជាពលរដ្ឋដែលស្ថិតនៅក្នុងតំបន់អង្គរ បើទោះបីភារកិច្ចស្នូលផ្តោតសំខាន់លើការជួសជុល ថែទាំ អភិរក្សប្រាសាទកី្ត ក៏មិនដែលភ្លេចឬព្រងើយកន្តើយចំពោះសុខទុក្ខរបស់ប្រជាពលរដ្ឋឡើយ គឺអាជ្ញាធរជាតិអប្សរាតែងនៅជិតបងប្អូនជានិច្ច ហើយនឹងបន្តសកម្មភាពសង្គ្រោះនេះជារហូត៕























ប្រជាពលរដ្ឋដែលពឹងអាស្រ័យផល ក៏ដូចជាទេសចរមកទស្សនានៅតំបន់អង្គរ បានបង្ហាញអារម្មណ៍រីករាយ ជាមួយនឹងការអភិវឌ្ឍជាបន្តបន្ទាប់នៅបរិវេណមុខប្រាសាទអង្គរវត្ត។ ការអភិវឌ្ឍទាំងនោះរួមមាន ការរៀបចំសួនច្បារ ដាំដើមឈើប្រណិត ឈើផ្កាព្រៃ ក៏ដូចជាសណ្ដាប់ធ្នាប់របៀបរៀបរយនៅកន្លែងលក់ដូរ និងចំណតជាដើម។ល។
នាព្រឹកថ្ងៃទី០៩ ខែវិច្ឆិកា ឆ្នាំ២០២០ នៅវិមានរំឭកគុណអតីតវីរយុទ្ធជនខេត្តសៀមរាប ឯកឧត្តម គឹម សុធិន អគ្គនាយករងអាជ្ញាធរជាតិអប្សរា ដឹកនាំមន្ត្រី-បុគ្គលិកនៃអាជ្ញាធរជាតិអប្សរាចូលរួមគោរពវិញ្ញាណក្ខន្ធអតីតវីរយុទ្ធជន រំឭកខួបអនុស្សាវរីយ៍លើកទី៦៧នៃទិវាឯករាជ្យជាតិខ្មែរ និងការបង្កើតកងយុទ្ធពលខេមរភូមិន្ទកាលពីថ្ងៃទី០៩ វិច្ឆិកា ១៩៥៣។
១ អាជ្ញាធរជាតិអប្សរា និងអង្គការមូលនិធិប្រាសាទពិភពលោក ពិភាក្សាបច្ចេកទេសជួសជុលប្រាសាទតាសោម
នៅព្រឹកថ្ងៃទី៦ ខែវិច្ឆិកា ឆ្នាំ២០២០ ឯកឧត្តម ហង់ ពៅ អគ្គនាយកអាជ្ញាធរជាតិអប្សរា បានជួបពិភាក្សាការងារបច្ចេកទេសជាមួយតំណាងស្ថាប័នរបស់អង្គការមូលនិធិប្រាសាទពិភពលោក (WMF) ដើម្បីជួសជុលប្រាសាទតាសោម។ ក្រុមការងារបានចុះសិក្សារួមគ្នាលើលទ្ធភាពនានាក្នុងការការពារ ការអភិរក្ស និងកិច្ចការជួសជុលបន្ថែម ក្រោយពេលស្ថាប័ន WMF ជួសជុលរួចរាល់តាំងពីឆ្នាំ២០១២មក។
ថ្ងៃទី៦ ខែវិច្ឆិកា ឆ្នាំ២០២០ ក្រុមការងារសហគមន៍នៃអាជ្ញាធរជាតិអប្សរាចំនួន៣ក្រុម ដែលមានការសហការចូលរួមជាមួយអាជ្ញាធរមូលដ្ឋាន បានចុះពិនិត្យ និងដោះស្រាយសំណើសុំជួសជុលផ្ទះរបស់ប្រជាពលរដ្ឋក្នុងរមណីយដ្ឋានអង្គរ។
នៅរសៀលថ្ងៃទី០៥ ខែវិច្ឆិកា ឆ្នាំ២០២០នេះ អាជ្ញាធរជាតិអប្សរាបានបិទវគ្គបណ្តុះបណ្តាលស្តីពីជំនាញបច្ចេកទេសសង្គ្រោះបឋម និងចែកវិញ្ញាបនបត្រជូនសិក្ខាកាមចំនួន១២០នាក់ មកពីនាយកដ្ឋានគ្រប់គ្រងទឹក នាយកដ្ឋានអភិវឌ្ឍន៍ទេសចរណ៍អង្គរ នាយកដ្ឋានអភិរក្សប្រាសាទក្នុងឧទ្យានអង្គរ និងបុរាណវិទ្យាបង្ការ នាយកដ្ឋានអភិរក្សក្រៅឧទ្យានអង្គរ នាយកដ្ឋានសណ្តាប់ធ្នាប់និងសហប្រតិបត្តិការ នាយកដ្ឋានគ្រប់គ្រងព្រៃឈើទេសភាពវប្បធម៌និងបរិស្ថាន។

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
9
ថ្ងៃនេះ
:
18479
ម្សិលមិញ
:
127742
សប្តាហ៍នេះ
:
18480
ខែនេះ
:
0672376
សរុប
:
013654690