ព័ត៌មានថ្មីៗ

ទំនៀមឆ្លងចេត្ររបស់អ្នកស្រុកអង្គរ

បានផ្សាយនៅ ថ្ងៃទី 26 ខែ មេសា ឆ្នាំ2016 10:47 AM ដោយ ៖ អាជ្ញាធរជាតិអប្សរា
«ឆ្លងចេត្រ» ជាពិធីបុណ្យដែលមានតាំងពីបរមបុរាណ ហើយអ្នកភូមិគិរីមានន្ទនិងស្រុកភូមិមួយចំនួនទៀតនៃតំបន់អង្គរតែងនាំគ្នាប្រារព្ធធ្វើឥតដាច់ បន្ទាប់ពីចប់ចូលឆ្នាំថ្មីប្រពៃណីជាតិមួយឬពីរអាទិត្យ តាមការមូលមតិគ្នាជាឯកច្ឆ័ន្ទរបស់ប្រជាពលរដ្ឋ អាចារ្យ និងគណៈកម្មការភូមិឃុំ។

តាមទំនៀម អ្នកភូមិគីរីមានន្ទតែងប្រារព្ធពិធីនេះនៅសាលាឆទានក្នុងភូមិ តែដោយឡែកឆ្នាំនេះត្រូវធ្វើពិធីសម្ពោធភូមិ ដើម្បីរំដោះគ្រោះឧបទ្រពចង្រៃដែលកើតមានក្នុងឆ្នាំចាស់ផង ទើបមកធ្វើនៅចំណុចកណ្តាលនៃភូមិវិញ។ ជាការពិតណាស់ ឱ្យតែដល់ថ្ងៃឆ្លងចេត្រ អ្នកភូមិតែងមកជុំគ្នាយ៉ាងច្រើនកុះករ ដើម្បីចូលរួមអបអរសាទរពិធីនេះ។ វាជាពិធីដ៏សប្បាយរីករាយ ហើយជាសញ្ញានៃការទុកដាក់ភោគផលរួចរាល់និងត្រៀមខ្លួនទទួលរដូវធ្វើស្រែចម្ការជាថ្មីម្តងទៀតដែរ។ លើសពីនេះអ្នកភូមិក៏ជឿថា ការធ្វើពិធីនេះនាំមកនូវសេចក្តីសុខ សិរីសួស្តី វិបុលសុខដល់ខ្លួននិងក្រុមគ្រួសារក្នុងឆ្នាំថ្មី ទើបបន្តធ្វើរហូតដល់សព្វថ្ងៃ។

តាមប្រសាសន៍របស់លោកពូ ប៊ុត ម៉ាត់ ប្រជាពលរដ្ឋនៅភូមិធម្មនន្ទបានប្រាប់ថា «ឆ្លងចេត្រ» គឺជាទំនៀមទម្លាប់ខ្មែរ អ្នកភូមិនេះតែងធ្វើជារៀងរាល់ឆ្នាំ លើកលែងតែសម្ពោធភូមិដែលយូរៗធ្វើម្តង ដើម្បីដេញព្រាយព្រ័ក្សដែលធ្វើឱ្យសត្វចិញ្ចឹមនិងអ្នកស្រុកចាស់ក្មេងមានជំងឺតម្កាត់ ជួបគ្រោះកាចស្លាប់ច្រើន។ គាត់មានជំនឿថា ការធ្វើពិធីបុណ្យទាំងនេះជាទំនៀមផងនិងដូចជាដោះគ្រោះដោះនាមឱ្យធូរស្បើយ ហើយមិនសូវមានទុក្ខសោករោគភ័យ ឬគ្រោះថ្នាក់អ្វីដល់អ្នកស្រុកភូមិដែរ។

ចំណែកលោកតា មិត្ត អាចារ្យនៃកម្មវិធីបុណ្យឆ្លងចេត្រនេះ បានប្រាប់ពីគោលបំណងនៃពិធីថា ឆ្លងចេត្រ គឺជាការចេញឆ្នាំចាស់ចូលឆ្នាំថ្មី គេតែងធ្វើនៅពេលចប់ចូលឆ្នាំ ពេលស្រង់ព្រះនៅវត្តហើយ គឺគេធ្វើពិធីនេះ ដើម្បីស្រង់ទឹកតាមភូមិម្តង សូមឱ្យមានក្តីសុខសប្បាយ។ ពិធីនេះមានលំនាំមិនសូវខុសពីពិធីបុណ្យផ្សេងៗទេ គឺមានពិធីសូត្រមន្ត បួងសួង ក្រុងពាលី លើកទង់ រាប់បាត្រឆ្លង ហែប្រទក្សិណ។ល។ តែពិធីសំខាន់គឺពូនភ្នំខ្សាច់ ហើយពូនភ្នំស្រូវផង ដែលខានមិនបានទេ ដើម្បីបណ្តាច់គ្រោះកម្ម ឱ្យមានអាយុយឺនយូរ សុខកាយសប្បាយចិត្តត្រជាក់ត្រជុំ។ លោកតាក៏បានបង្ហាញពីទឹកចិត្តស្រឡាញ់និងការអភិរក្សទំនៀមនេះដែរ ដោយបានណែនាំនិងធ្វើជាគំរូដល់ក្មេងៗជំនាន់ក្រោយ បានឃើញ បានដឹងពីពិធីនេះ។ លោកតាក៏ជឿថាពិធីនេះនឹងនៅរស់រវើកលើទឹកដីអង្គរជារៀងរហូត។

ទាក់ទងនឹងពិធី «ឆ្លងចេត្រ» នេះដែរ លោកស្រ្តាចារ្យ អាំង ជូលាន អ្នកស្រាវជ្រាវជាតិពន្ធុវិទ្យា និងនរវិទ្យាបានសរសេរនៅក្នុងវែបសាយយសោធរថា មានមនុស្សច្រើនណាស់ក្រៅពីអ្នកតំបន់អង្គរច្បាស់ជាមិនយល់ពីអត្ថន័យនិងឆ្ងល់ថា ឆ្លងយ៉ាងម៉េចទៀត បើទើបឆ្លងឆ្នាំហើយថ្មីៗ? អ្នកខ្លះទៀតរហូតដល់គិតថា អ្នកស្រុកឯណេះរវល់តែនឹងធ្វើបុណ្យសប្បាយ ចប់មួយហើយចូលមួយទៀត។ បុព្វហេតុដែលធ្វើឱ្យមិនយល់គឺមកពីមានពាក្យ «ចេត្រ» ក្នុងបុណ្យនេះ ដ្បិតធម្មតាមានពាក្យថា «ខែចេត្រចូលឆ្នាំ» ម្ល៉ោះហើយឮពាក្យថា «ឆ្លងចេត្រ» ក៏យល់ថាឆ្លងឆ្នាំម្តងទៀត។ តាមពិតទៅ បើមើលពិធីនេះនៅភូមិណាមួយតែម្តងនឹងយល់ថា ឆ្នាំចំពោះអ្នកស្រុកអាចមានពីរក៏សឹងថាបាន។ ឆ្នាំមួយនោះគឺឆ្នាំនៃប្រតិទិន ពោលគឺឆ្នាំដែលមានពេលចប់ឆ្នាំចាស់ ចូលឆ្នាំថ្មីច្បាស់លាស់ដូចគ្នាជាទូទៅក្នុងប្រទេស មិនត្រឹមតែប៉ុណ្ណោះ ដូចគ្នានឹងប្រទេសដទៃមួយចំនួនផង។ រីឯឆ្នាំដែលទាក់ទងនឹងឆ្លងចេត្រនេះ បើនិយាយឱ្យចំ គឺ «វដ្តស្រូវ» ឬថា «រដូវ» ធ្វើស្រែក៏ថាបាន។ ដូច្នេះហើយបានជាថ្ងៃដែលរើសយកមកធ្វើបុណ្យឆ្លងចេត្រនោះតែងតែខុសគ្នាបន្តិចបន្តួចពីភូមិមួយទៅភូមិមួយក្នុងតំបន់អង្គរជាមួយគ្នា ដ្បិតវេលាក្នុងរដូវមិនតម្រូវពេលណា ថ្ងៃណាដាច់ណាត់ ខុសមួយថ្ងៃក៏ពុំបាននោះឡើយ។ ឆ្លងចេត្រនៅទីនេះ គ្រាន់តែមានន័យថា ឆ្លងផុតពីខែចេត្រ ចូលទៅខែពិសាខ ដែលជាខែចាប់ផ្តើមភ្លៀងធ្លាក់ ពោលគឺខែដែលគេចាប់ផ្តើមដាស់ដីភ្ជួររាស់ជាដើម។ បើគិតតាមប្រតិទិនមែនទែននោះ មិនមែនមានន័យថាធ្វើនៅដាច់ខែចេត្រចូលទៅថ្ងៃមួយកើតខែពិសាខនោះឡើយ ធ្វើខុសពីពេលនោះមួយអាទិត្យឬពីរអាទិត្យក៏បាន ដ្បិតន័យពិតប្រាកដគឺចប់រដូវធ្វើស្រែចម្ការមួយជាស្ថាពរហើយ ហើយចូលទៅរដូវធ្វើស្រែមួយថ្មីភ្លាម។

ក្នុងពិធីបុណ្យនេះ ក៏មានការអញ្ជើញចូលរួមពីសំណាក់ឯកឧត្តម ខូយ គឹមទួ ទីប្រឹក្សានិងជា តំណាងឯកឧត្តមអគ្គនាយកអាជ្ញាធរជាតិអប្សរា បានយកថវិកាចំនួន៨០០,០០០រៀលនិងថវិកាមួយចំនួនទៀតរបស់ក្រុមការងារសហគមន៍ទី៤ ទៅចូលរួមចំណែកនៅក្នុងកម្មវិធីបុណ្យឆ្លងចេត្រនិងបង្កក់ភូមិនៅភូមិគីរីមានន្ទ ភូមិតាប៉ាង សង្កាត់អំពិល ក្រុងសៀមរាបផងដែរ។ នេះសបញ្ជាក់ពីការយកចិត្តទុកដាក់ខ្ពស់របស់អាជ្ញាធរជាតិអប្សរា ចំពោះការអភិរក្សពិធីបុណ្យប្រពៃណីបុរាណរបស់អ្នកស្រុកអង្គរ ក៏ដូចជាបង្កើនភាពជិតស្និទ្ធរវាងអាជ្ញាធរជាតិអប្សរានិងបងប្អូនប្រជាពលរដ្ឋដែលរស់នៅក្នុងតំបន់ឧទ្យានអង្គរផងដែរ៕














ក្នុងងឱកាសថ្ងៃខួបកំណើតដ៏ឧត្តុងឧត្តមគម្រប់៦៩ឆ្នាំឈានចូល៧០ឆ្នាំ របស់សម្ដេចអគ្គមហាសេនាបតីតេជោ នាយករដ្ឋមន្រ្តី ដែលនឹងប្រព្រឹត្តទៅនៅថ្ងៃសៅរ៍ ១២កើត ខែចេត្រ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី០៤ ខែមេសា ឆ្នាំ២០២០ ថ្នាក់ដឹកនាំ មន្ត្រីរាជការ បុគ្គលិក ភ្នាក់ងារ និងពលករទាំងអស់នៃអាជ្ញាធរជាតិអប្សរា សូមអនុញ្ញាតចូលរួមសម្តែងនូវសេចក្តីសោមនស្សរំភើបរីករាយយ៉ាងក្រៃលែង និងសូមគោរពជូនពរសិរីសួស្ដី ជ័យមង្គល វិបុលសុខ បវរមហាប្រសើរចំពោះ សម្តេចអគ្គមហាសេនាបតីតេជោ ជាទីគោរពដ៏ខ្ពង់ខ្ពស់បំផុត សូមមានអាយុយឺនយូរ សុខភាពល្អបរិបូរណ៍ ប្រាសចាកពីរោគាព្យាធិទាំងឡាយទាំងពួង ដើម្បីដឹកនាំរាជរដ្ឋាភិបាលនៃព្រះរាជាណាចក្រកម្ពុជា សម្រេចបានជោគជ័យថ្មីៗថែមទៀត។

យើងខ្ញុំសូមសម្ដែងនូវមោទកភាពនិងការគោរពកោតសរសើរបំផុតចំពោះ សម្ដេចអគ្គមហាសេនា-បតីតេជោ ក្រោមការដឹកនាំប្រកបដោយគតិបណ្ឌិតរបស់សម្ដេច ប្រទេសជាតិទទួលបាននូវឯកភាពទឹកដី បង្រួបបង្រួមជាតិ មានសន្តិភាព ស្ថិរភាព និងការអភិវឌ្ឍរាល់សមិទ្ធផលជាច្រើនលើគ្រប់វិស័យជូនសង្គមជាតិគ្រប់កាលៈទេសៈ ទាំងនៅក្នុងប្រទេសនិងលើឆាកអន្តរជាតិ បម្រើឱ្យឧត្តមប្រយោជន៍ជាតិមាតុភូមិ និងប្រជាជនរួមរស់ជាមហាគ្រួសារប្រកបដោយសុភមង្គលនិងវិបុលភាព។ ឧត្តមភាពនិងកិត្យានុភាពជាតិនៃរាជរដ្ឋាភិបាលកម្ពុជា ត្រូវបានលើកកម្ពស់នៅក្នុងក្របខណ្ឌតំបន់ និងពិភពលោកតាមរយៈសកម្មភាពការទូតដ៏ប៉ិនប្រសប់ និងការដឹកនាំប្រកបដោយភាពឈ្លាសវៃរបស់សម្ដេច។ ជាក់ស្ដែងក្នុងនាមជាប្រធានគណៈកម្មការជាតិប្រយុទ្ធប្រឆាំងនឹងជំងឺកូវីដ១៩ សម្ដេច បានលះបង់ទាំងកម្លាំងកាយចិត្ត ព្រមទាំងធនធានផ្ទាល់របស់សម្ដេច ដើម្បីបុព្វហេតុប្រយុទ្ធប្រឆាំងនឹងការរាតត្បាតនៃជំងឺកូវីដ១៩ នៅក្នុងប្រទេសកម្ពុជា។

ជាថ្មីម្ដងទៀត ឆ្លៀតក្នុងឱកាសដ៏ប្រពៃវិសេសវិសាលនេះផងដែរ យើងខ្ញុំសូមលើកហត្ថបួងសួងដល់គុណ បុណ្យព្រះរតនត្រ័យ កែវទាំងបី វត្ថុស័ក្តិសិទ្ធិទាំងឡាយលើលោក ឫទិ្ធបារមីខ្លាំងក្លា ទេវតាថែរក្សាទឹកដីនៃព្រះរាជាណាចក្រកម្ពុជា សូមព្រះអង្គតាមជួយបីបាច់ថែរក្សាការពារ ប្រោះព្រំនូវសព្ទសាធុការពរជ័យគ្រប់ប្រការជូន សម្ដេចអគ្គមហាសេនាបតីតេជោ និងសម្ដេចកិត្តិព្រឹទ្ធបណ្ឌិត ព្រមទាំងបុត្រា បុត្រី ចៅប្រុស ចៅស្រី សូមមានជន្មាយុយឺនយូរ សុខុមាលភាពបរិបូរណ៍ និងសូមសម្រេចបានជោគជ័យយ៉ាងត្រចះត្រចង់ក្នុងដំណើរការដឹកនាំប្រទេសកម្ពុជាឆ្ពោះទៅកាន់សុខសន្តិភាព ស្ថិរភាព សម្បូរសប្បាយរុងរឿង និងអភិវឌ្ឍន៍លើគ្រប់ វិស័យជានិច្ចនិរន្តរ៍តរៀងរហូតទៅ។









ដំណើរការជួសជុលប្រាសាទអកយំមកដល់ឆ្នាំ២០២០មានរយៈពេលជិតមួយឆ្នាំហើយ ដែលក្រុមអ្នកជំនាញអាជ្ញាធរជាតិអប្សរាបានប្រឹងប្រែងសង្គ្រោះឱ្យរួចផុតពីហានីភ័យ ដើម្បីឱ្យបុរាណដ្ឋានមួយនេះមានភាពរឹងមាំ ស្រស់ស្អាត និងចៀសផុតពីគ្រោះថ្នាក់ផ្សេងៗ សម្រាប់ទទួលស្វាគមន៍ទេសចរគ្រប់ទិសទីមកទស្សនាឱ្យបានច្រើនកុះករ។
ព្រះបដិមាសីសៈចំនួន២ មានទេវតាចំនួន១ អសុរា(យក្ស)ចំនួន១ ដែលជាចម្លាក់ទាញព្រ័ត្រនៅខ្លោងទ្វារខ្មោច ត្រូវបានក្រុមការងារចុះបញ្ជីសារពើភណ្ឌវត្ថុសិល្បៈ និងនគរបាលបេតិកភណ្ឌ ព្រមទាំងភ្នាក់ងារទេសចរណ៍នៃអាជ្ញាធរជាតិអប្សរា នាំគ្នាស្រង់យកចេញពីប្រឡាយទឹកនៅខាងកើតខ្លោងទ្វារខ្មោច នាព្រឹកថ្ងៃទី០១ ខែមេសា ឆ្នាំ២០២០។
នៅរសៀលថ្ងៃទី៣១ ខែមិនា ឆ្នាំ២០២០ ប្រតិភូអាជ្ញាធរជាតិអប្សរា ដឹកនាំដោយឯកឧត្តម គឹម សុធិន អគ្គនាយករង តំណាងឯកឧត្តម ហង់ ពៅ អគ្គនាយកអាជ្ញាធរជាតិអប្សរា ព្រមទាំងថ្នាក់ដឹកនាំ និងមន្រ្តីមួយចំនួន បានអញ្ជើញចូលគោរពវិញ្ញាណក្ខន្ធសពឯកឧត្តម ចាន់ សារឿន នៅគេហដ្ឋានឯកឧត្តម ស្ថិតនៅភូមិវិហារចិន សង្កាត់ស្វាយដង្គុំ ក្រុងសៀមរាប ខេត្តសៀមរាប។
ក្រុមការងារនៃនាយកដ្ឋានគ្រប់គ្រងទឹកនៃអាជ្ញាធរជាតិអប្សរាកំពុងមមាញឹកបង្កប់ទុយោដើម្បីរៀបចំប្រព័ន្ធទឹកសម្រាប់ស្រោចស្រពស្មៅក្នុងបរិវេណប្រាសាទអង្គរវត្ត ដែលមានទំហំជិត១២ហិកតា។
ដើមដំបូងមុន12345...303304បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
3
ថ្ងៃនេះ
:
1440
ម្សិលមិញ
:
1622
សប្តាហ៍នេះ
:
01440
ខែនេះ
:
0011420
សរុប
:
010599518