ព័ត៌មានថ្មីៗ

ការរីងស្ងួតនៃទឹកបារាយណ៍ជាករណីធម្មជាតិនិងការបង្ហូរទឹកច្រើនសម្រាប់ស្រោចស្រពស្រែប្រាំងប្រជាជន មិនមែនការខ្ជះខ្ជាយទឹកទេ

បានផ្សាយនៅ ថ្ងៃទី 22 ខែ មេសា ឆ្នាំ2016 03:56 PM ដោយ ៖ អាជ្ញាធរជាតិអប្សរា
មួយរយៈកន្លងមកនេះ មានព័ត៌មានមួយចំនួនក្នុងបណ្តាញទំនាក់ទំនងសង្គម និងភ្ញៀវទេសចរដែលទៅលេងកម្សាន្តនៅបារាយណ៍ខាងលិច មានការមិនសប្បាយចិត្ត ព្រមទាំងរិះគន់យ៉ាងច្រើនមកលើអាជ្ញាធរជាតិអប្សរាថា ការដែលបារាយណ៍រីងស្ងួតទឹកដូច្នេះ មកពីអាជ្ញាធរជាតិអប្សរាគ្រប់គ្រងទឹកមិនបានល្អ បង្ហូរទឹកចោលខ្ជះខ្ជាយ។

ទាក់ទងនឹងបញ្ហាលើកឡើងខាងលើនេះ ឯកឧត្តម ហង់ ពៅ អគ្គនាយរងទទួលបន្ទុកនាយកដ្ឋានគ្រប់គ្រងទឹកនៃអាជ្ញាធរជាតិអប្សរាបានពន្យល់ថា ការរីងស្ងួតនៃទឹកបារាយណ៍មានហេតុផល ២យ៉ាងសំខាន់ ដែលមិនមែនមកពីការបង្ហូរទឹកខ្ជះខ្ជាយនោះទេ។ ហេតុផលទី១ គឺដោយសារលក្ខខណ្ឌអាកាសធាតុឆ្នាំនេះទទួលរងបាតុភូតក្តៅ ធ្វើឱ្យមានបញ្ហាគ្រោះរាំងស្ងូតទូទាំងតំបន់ខុសពីធម្មតា សូម្បីប្រទេសថៃ ឡាវ វៀតណាម ក៏ទទួលរងបញ្ហានេះដូចគ្នា ហើយកម្ពុជាក៏ជាប្រទេសមួយស្ថិតក្នុងបាតុភូតនេះដែរ ទើបធ្វើឱ្យបណ្តាខេត្តមួយចំនួនក្នងប្រទេសនិងតំបន់មួយចំនួនក្នុងខេត្តសៀមរាប គ្មានទឹកប្រើប្រាស់។

កត្តាទី២ គឺវស្សាកន្លងទៅទឹកទន្លេសាបឡើងទាបជាងរាល់ឆ្នាំដល់ទៅ៤,៥០ម៉ែត្រ ដែលមិនអាចឱ្យទឹកទន្លេហូរចូលទំនប់៧៨ ដើម្បីឱ្យប្រជាជននៅតំបន់ក្រោមទាញទឹកទៅប្រើប្រាស់បានគ្រប់គ្រាន់។ ដោយគ្មានទឹកនៅទំបន់៧៨នេះ ប្រជាពលរដ្ឋបានស្នើសុំប្រើប្រាស់ទឹកបារាយណ៍ទាំងអស់ដែលមានផ្ទៃដីធ្វើស្រែដល់ទៅជាង២០០០ហិកតា បន្ថែមទៅលើផ្ទៃដីដាំដុះដែលប្រើប្រាស់ទឹកបារាយណ៍ជារៀងរាល់ឆ្នាំ។ ការកើនឡើងនៃស្រែប្រាំង តម្រូវការប្រើប្រាស់ទឹកច្រើនដែរ ដើម្បីជួយប្រជាពលរដ្ឋស្រោចស្រពស្រែប្រាំង ដោយមិនអាចឱ្យស្រូវពួកគាត់ខូចទេ ហើយរឿងនេះក៏មានប្រជាជនជាង៨០០នាក់ចូលរួមស្តារប្រឡាយតាមការផ្សព្វផ្សាយរបស់អាជ្ញាធរជាតិអប្សរា ដើម្បីបញ្ជូនទឹកទៅឱ្យពួកគាត់។ នេះជាមូលហេតុចម្បងដែលធ្វើឱ្យអាជ្ញាធរជាតិអប្សរាបង្ហូរទឹកបារាយណ៍ច្រើនជាងរាល់ដង មិនអាចនិយាយថាជាការខ្ជះខ្ជាយទេ។

ដោយឡែកចំពោះការគ្រប់គ្រងទឹកនៅតាមប្រាសាទក្នុងតំបន់អង្គរវិញ បើទោះបីនៅបារាយណ៍និងកន្លែងខ្លះនៃខេត្តសៀមរាបខ្វះទឹកឬរីងស្ងួតយ៉ាងណា ក៏អាជ្ញាធរជាតិអប្សរាបានរក្សាលំនឹងទឹកឱ្យមាននៅកសិណអង្គរវត្ត អង្គរធំ រួមនឹងស្ទឹងសៀមរាបឱ្យមានទឹកផងដែរ។ ទាំងនេះដោយសារអាជ្ញាធរជាតិអប្សរាបានស្តារប្រព័ន្ធផ្លូវទឹកបុរាណឡើងវិញបានច្រើន ជាហេតុនាំឱ្យការគ្រប់គ្រងទឹកនិងបែងចែកទឹកបានល្អ ដើម្បីរក្សាស្ថានភាពរបស់ប្រាសាទ។

ឯកឧត្តម ហង់ ពៅ ក៏បានសំណូមពរសូមឱ្យប្រជាពលរដ្ឋយល់ពីស្ថានភាពជាក់ស្តែង យល់ពីផលប្រយោជន៍របស់ជាតិទាំងមូលនិងផលប្រយោជន៍ផ្ទាល់ខ្លួន ឱ្យតម្លៃភាពជាក់ស្តែងនៃស្ថានភាព មិនគួរគិតតែចំណុចនៅចំពោះមុខខ្លួនក្នុងរយៈពេលខ្លីទេ។ គ្រប់ការខិតខំប្រឹងប្រែងរបស់អាជ្ញាធរជាតិអប្សរាដើម្បីរក្សាបេតិកភណ្ឌខ្មែរ ក៏ដូចជាមនុស្សជាតិទាំងមូល ដើម្បីធានាឱ្យមេមាន់ពងមាសនៅគង់វង្សបានយូរ។ ពិសេសសូមប្រជាពលរដ្ឋទាំងអស់មានការអធ្យាស្រ័យផង ព្រោះវាមិនអាចដូចអ្វីដែលបងប្អូនចង់បានទាំងអស់ឡើយ វាជាបាតុភូតធម្មជាតិដែលកើតមាន ហើយអប្សរាក៏មិនអាចប្រឆាំងនឹងបាតុភូតធម្មជាតិបានដែរ ដូច្នេះសូមមានការយោគយល់ផង៕








ក្នុងងឱកាសថ្ងៃខួបកំណើតដ៏ឧត្តុងឧត្តមគម្រប់៦៩ឆ្នាំឈានចូល៧០ឆ្នាំ របស់សម្ដេចអគ្គមហាសេនាបតីតេជោ នាយករដ្ឋមន្រ្តី ដែលនឹងប្រព្រឹត្តទៅនៅថ្ងៃសៅរ៍ ១២កើត ខែចេត្រ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី០៤ ខែមេសា ឆ្នាំ២០២០ ថ្នាក់ដឹកនាំ មន្ត្រីរាជការ បុគ្គលិក ភ្នាក់ងារ និងពលករទាំងអស់នៃអាជ្ញាធរជាតិអប្សរា សូមអនុញ្ញាតចូលរួមសម្តែងនូវសេចក្តីសោមនស្សរំភើបរីករាយយ៉ាងក្រៃលែង និងសូមគោរពជូនពរសិរីសួស្ដី ជ័យមង្គល វិបុលសុខ បវរមហាប្រសើរចំពោះ សម្តេចអគ្គមហាសេនាបតីតេជោ ជាទីគោរពដ៏ខ្ពង់ខ្ពស់បំផុត សូមមានអាយុយឺនយូរ សុខភាពល្អបរិបូរណ៍ ប្រាសចាកពីរោគាព្យាធិទាំងឡាយទាំងពួង ដើម្បីដឹកនាំរាជរដ្ឋាភិបាលនៃព្រះរាជាណាចក្រកម្ពុជា សម្រេចបានជោគជ័យថ្មីៗថែមទៀត។

យើងខ្ញុំសូមសម្ដែងនូវមោទកភាពនិងការគោរពកោតសរសើរបំផុតចំពោះ សម្ដេចអគ្គមហាសេនា-បតីតេជោ ក្រោមការដឹកនាំប្រកបដោយគតិបណ្ឌិតរបស់សម្ដេច ប្រទេសជាតិទទួលបាននូវឯកភាពទឹកដី បង្រួបបង្រួមជាតិ មានសន្តិភាព ស្ថិរភាព និងការអភិវឌ្ឍរាល់សមិទ្ធផលជាច្រើនលើគ្រប់វិស័យជូនសង្គមជាតិគ្រប់កាលៈទេសៈ ទាំងនៅក្នុងប្រទេសនិងលើឆាកអន្តរជាតិ បម្រើឱ្យឧត្តមប្រយោជន៍ជាតិមាតុភូមិ និងប្រជាជនរួមរស់ជាមហាគ្រួសារប្រកបដោយសុភមង្គលនិងវិបុលភាព។ ឧត្តមភាពនិងកិត្យានុភាពជាតិនៃរាជរដ្ឋាភិបាលកម្ពុជា ត្រូវបានលើកកម្ពស់នៅក្នុងក្របខណ្ឌតំបន់ និងពិភពលោកតាមរយៈសកម្មភាពការទូតដ៏ប៉ិនប្រសប់ និងការដឹកនាំប្រកបដោយភាពឈ្លាសវៃរបស់សម្ដេច។ ជាក់ស្ដែងក្នុងនាមជាប្រធានគណៈកម្មការជាតិប្រយុទ្ធប្រឆាំងនឹងជំងឺកូវីដ១៩ សម្ដេច បានលះបង់ទាំងកម្លាំងកាយចិត្ត ព្រមទាំងធនធានផ្ទាល់របស់សម្ដេច ដើម្បីបុព្វហេតុប្រយុទ្ធប្រឆាំងនឹងការរាតត្បាតនៃជំងឺកូវីដ១៩ នៅក្នុងប្រទេសកម្ពុជា។

ជាថ្មីម្ដងទៀត ឆ្លៀតក្នុងឱកាសដ៏ប្រពៃវិសេសវិសាលនេះផងដែរ យើងខ្ញុំសូមលើកហត្ថបួងសួងដល់គុណ បុណ្យព្រះរតនត្រ័យ កែវទាំងបី វត្ថុស័ក្តិសិទ្ធិទាំងឡាយលើលោក ឫទិ្ធបារមីខ្លាំងក្លា ទេវតាថែរក្សាទឹកដីនៃព្រះរាជាណាចក្រកម្ពុជា សូមព្រះអង្គតាមជួយបីបាច់ថែរក្សាការពារ ប្រោះព្រំនូវសព្ទសាធុការពរជ័យគ្រប់ប្រការជូន សម្ដេចអគ្គមហាសេនាបតីតេជោ និងសម្ដេចកិត្តិព្រឹទ្ធបណ្ឌិត ព្រមទាំងបុត្រា បុត្រី ចៅប្រុស ចៅស្រី សូមមានជន្មាយុយឺនយូរ សុខុមាលភាពបរិបូរណ៍ និងសូមសម្រេចបានជោគជ័យយ៉ាងត្រចះត្រចង់ក្នុងដំណើរការដឹកនាំប្រទេសកម្ពុជាឆ្ពោះទៅកាន់សុខសន្តិភាព ស្ថិរភាព សម្បូរសប្បាយរុងរឿង និងអភិវឌ្ឍន៍លើគ្រប់ វិស័យជានិច្ចនិរន្តរ៍តរៀងរហូតទៅ។









ដំណើរការជួសជុលប្រាសាទអកយំមកដល់ឆ្នាំ២០២០មានរយៈពេលជិតមួយឆ្នាំហើយ ដែលក្រុមអ្នកជំនាញអាជ្ញាធរជាតិអប្សរាបានប្រឹងប្រែងសង្គ្រោះឱ្យរួចផុតពីហានីភ័យ ដើម្បីឱ្យបុរាណដ្ឋានមួយនេះមានភាពរឹងមាំ ស្រស់ស្អាត និងចៀសផុតពីគ្រោះថ្នាក់ផ្សេងៗ សម្រាប់ទទួលស្វាគមន៍ទេសចរគ្រប់ទិសទីមកទស្សនាឱ្យបានច្រើនកុះករ។
ព្រះបដិមាសីសៈចំនួន២ មានទេវតាចំនួន១ អសុរា(យក្ស)ចំនួន១ ដែលជាចម្លាក់ទាញព្រ័ត្រនៅខ្លោងទ្វារខ្មោច ត្រូវបានក្រុមការងារចុះបញ្ជីសារពើភណ្ឌវត្ថុសិល្បៈ និងនគរបាលបេតិកភណ្ឌ ព្រមទាំងភ្នាក់ងារទេសចរណ៍នៃអាជ្ញាធរជាតិអប្សរា នាំគ្នាស្រង់យកចេញពីប្រឡាយទឹកនៅខាងកើតខ្លោងទ្វារខ្មោច នាព្រឹកថ្ងៃទី០១ ខែមេសា ឆ្នាំ២០២០។
នៅរសៀលថ្ងៃទី៣១ ខែមិនា ឆ្នាំ២០២០ ប្រតិភូអាជ្ញាធរជាតិអប្សរា ដឹកនាំដោយឯកឧត្តម គឹម សុធិន អគ្គនាយករង តំណាងឯកឧត្តម ហង់ ពៅ អគ្គនាយកអាជ្ញាធរជាតិអប្សរា ព្រមទាំងថ្នាក់ដឹកនាំ និងមន្រ្តីមួយចំនួន បានអញ្ជើញចូលគោរពវិញ្ញាណក្ខន្ធសពឯកឧត្តម ចាន់ សារឿន នៅគេហដ្ឋានឯកឧត្តម ស្ថិតនៅភូមិវិហារចិន សង្កាត់ស្វាយដង្គុំ ក្រុងសៀមរាប ខេត្តសៀមរាប។
ក្រុមការងារនៃនាយកដ្ឋានគ្រប់គ្រងទឹកនៃអាជ្ញាធរជាតិអប្សរាកំពុងមមាញឹកបង្កប់ទុយោដើម្បីរៀបចំប្រព័ន្ធទឹកសម្រាប់ស្រោចស្រពស្មៅក្នុងបរិវេណប្រាសាទអង្គរវត្ត ដែលមានទំហំជិត១២ហិកតា។
ដើមដំបូងមុន12345...303304បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
4
ថ្ងៃនេះ
:
1561
ម្សិលមិញ
:
1622
សប្តាហ៍នេះ
:
01562
ខែនេះ
:
0011542
សរុប
:
010599640